ჯაშუშობის ბრალდებით დაკავებულ გიორგი უძილაურის საქმესთან დაკავშირებით განცხადებას აკეთებენ მმართველ გუნდში. საკითხს გამოეხმაურა პარლამენტის საპროცედურო საკითხთა კომიტეტის თავმჯდომარეც. დავით მათიკაშვილის განცხადებით, მოცემულობა, სადაც საქართველოს მოქალაქეები უცხო ქვეყნის სპეცსამსახურებთან თანამშრომლობენ, სამწუხაროა.

"სამწუხაროა, როდესაც ვხედავთ, სავარაუდო მოცემულობას, სადაც ჩვენი ქვეყნის მოქალაქეები, მაღალი თანამდებობის პირები, თანამშრომლობენ უცხო ქვეყნის სპეცსამსახურებთან, აწვდიან მათ ინფორმაციას", - განაცხადა დავით მათიკაშვილმა.