აშშ-ის სახელმწიფო მდივანი მარკო რუბიო იტალიაში ჩავიდა, სადაც რომის პაპს, ლეო XIV -ს შეხვდება.

შემდეგ მარკო რუბიო მოლაპარაკებებს ვატიკანის სახელმწიფო მდივანთან, კარდინალ პიეტრო პაროლინისთან გამართავს.

ცნობისთვის, აშშ-ის პრეზიდენტმა, დონალდ ტრამპმა გასულ თვეში იტალიის პრემიერ-მინისტრი ჯორჯია მელონი საჯაროდ გააკრიტიკა, მისივე კრიტიკის ობიექტი გახდა რომის პაპიც.

აშშ-ის პრეზიდენტმა განაცხადა, რომ „რომის პაპი დანაშაულის წინააღმდეგ სუსტი, საგარეო პოლიტიკაში კი – საშინელია“. მისივე თქმით, არ სურს პაპი, რომელიც აშშ-ის პრეზიდენტს აკრიტიკებს. საპასუხოდ რომის პაპმა თქვა, რომ აშშ-ის პრეზიდენტის ადმინისტრაციის არ ეშინია და ომის წინააღმდეგ აქტიურ გამოსვლებს გააგრძელებს.