საფრანგეთში, გაუსაძლისი სიცხის გამო, კიდევ ერთ ჩვილი დაიღუპა. გარდაცვლილ ახალშობილთა რაოდენობა ოთხამდე გაიზარდა, იუწყება „გარდიანი“. გამოცემის ცნობით, საერთო ჯამში, საფრანგეთში მაღალ ტემპერატურას სულ მცირე 55 ადამიანი ემსხვერპლა.

გამოცემის ცნობით, დასავლეთ ევროპაში გავრცელებული უკიდურესი სიცხე ახლა აღმოსავლეთისკენ გადაადგილდება. მარსელის საავადმყოფოს ინფორმაციით, კვირის დასაწყისში გარდაიცვალა 18 თვის ბავშვი, რომელიც მანქანაში ჰიპერთერმიის მდგომარეობაში იპოვეს. პოლიციის ცნობით, ბავშვის მამას, შესაძლოა, შვილი მანქანაში შემთხვევით დარჩა, როდესაც ის საბავშვო ბაღში უნდა მიეყვანა.

მანამდე პარიზის გარეუბანში სამი წლის ბიჭი გარდაცვლილი იპოვეს მას შემდეგ, რაც მანქანაში ჩარჩა, რადგან ბავშვთა საკეტი ჩაეკეტა. ასევე, ორი და ოთხი წლის ბავშვების ცხედრები საოჯახო ავტომობილში, საცხოვრებელი სახლის ავტოსადგომზე აღმოაჩინეს.

მეცნიერების შეფასებით, მიმდინარე სიცხის ტალღა ერთ-ერთი ყველაზე ძლიერი და ფართომასშტაბიანია, რაც კი რეგიონში დაფიქსირებულა. მათი თქმით, ევროპის დაახლოებით 850 დიდ ქალაქში უპრეცედენტო სიცხის სტრესი ფიქსირდება, რაც კლიმატის ცვლილებას, კერძოდ წიაღისეული საწვავის წვას უკავშირდება.