სადამდე შეიძლება ქვეყანაში არსებული დაძაბულობა მივიდეს და ხომ არ გადაიზრდება ეს სამოქალაქო დაპირიპირებაში? „ხელისუფლება სწორედ ცდილობს, რომ ახალგაზრდები ექსტრემისტებად მონათლოს და ნელ-ნელა ათამაშებს იმ კარტს, რომ პოლიცია ჩაკეტილია პარლამენტში, არავის ხელს არ ახლებს და თავად მანიფესტანტები გადადიან ხულიგნურ ქმედებებზე. ამას რამდენჯერმე გაიმეორებს და შემდეგ გამეორდება ის, რაც გახარიამ გააკეთა,“ - აცხადებს სიტუაციაზე საუბრისას ანალიტიკოსი ვახტანგ ძაბირაძე.

„ქვეყანაში არსებული ვითარება კიდევ უფრო დაიძაბება და ეს ოპოზიციის თამასას წევს. 29 აპრილს, ბიძინა ივანიშვილის არც თუ ისე გათვლილმა გამოსვლამ ცეცხლზე ნავთი დაასხა. მე რატომღაც მეგონა, რომ ის ქვეყანაში არსებულ პრობლემებს წამოაყენებდა," - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

ეროვნულმა ბანკმა სავალუტო კრედიტების გაცემის კუთხით პოლიტიკა შეცვალა და მინიმალური ზღვარი ერთბაშად 400 000 ლარამდე გაზარდა, რასაც პირველი შეფასებები უკვე მოჰყვა. ფინანსური ბაზრის მკვლევარები ერთხმად აღნიშნავენ, რომ სებ-ის ნაბიჯი უდავოდ დადებითია, რაც ლარიზაციას გააძლიერებს.

ხუთშაბათს პარლამენტში დაგეგმილი ბიუროს და პლენარული სხდომები გაუქმდა, გადაიდო 2 მაისს დაგეგმილი საგარეო უწყების ხელმძღვანელის ილია დარჩიაშვილის „მინისტრის საათის" ფორმატში ანგარიშის წარდგენაც. საკანონმდებლო ორგანოს შენობაში 14:00 საათამდე უსაფრთხოების წითელი დონე გამოცხადდა, რის შემდეგაც ყვითელმა დონემ დაიწყო ამოქმედება, ამ დროს ვიზიტორებს პარლამენტის სასახლეში შესვლა ეზღუდებათ. შენობის გარეთ ოპოზიციონერმა დეპუტატებმა აქცია კვლავ დაანონსეს. „ოცნება" კი ოპოზიციას და პრეზიდეტს კვლავ მწვავედ აკრიტიკებს.

„უცხოური გავლენის გამჭვირვალობის შესახებ" კანონპროექტის საწინააღმდეგო აქცია პარლამენტთან კვლავ დაანოსდა, ოპოზიცია ხელისუფლებას მოუწოდებს, რომ კანონპროექტის განხილვა დროებით მაინც გააჩეროს, თუმცა ხელისუფლების განცხადებებიდან ჩანს, რომ უკანდახევას არ აპირებს. უკან არც პროტესტანტები იხევენ და როგორც ცნობილია, აქციას უკვე რეგიონებიდანაც უერთდებიან.

პარლამენტის სხდომაზე "უცხოური გავლენის გამჭვირვალობის შესახებ" კანონპროექტის მეორე მოსმენით განხილვის ფონზე პრემიერ-მინისტრმა, ირაკლი კობახიძემ პრესკონფერენცია გამართა, სადაც მან კანონპროექტზე ისაუბრა, გუშინდელი აქცია შეაჯამა და მოქალაქეებს მოუწოდა, რომ არ შეუერთდნენ აქციას.

მეორე კვირაა საპროტესტო გამოსვლები არ წყდება, ხუთ თვეში კი საპარლამენტო არჩევნებია ჩანიშნული. ანალიტიკოსები აცხადებენ, რომ მიმდინარე მოვლენებს არჩევნებზე გავლენა აუცილებლად ექნება - ეს ჯერ ელექტორატის განწყობებზე აისახება, რასაც საარჩევნო ყუთთან დააფიქსირებს, თუმცა, იმასაც დასძენენ, რომ გააჩნია პროცესები როგორი სცენარებით განვითარდება.

რუსთაველის გამზირი ბოლო დღეებში პოლიტიკური მოვლენების მთავარ ეპიცენტრად იქცა. მასშტაბური აქციით დედაქალაქის მთავარი პროსპექტი 28 აპრილს ჯერ „უცხოური გავლენის გამჭვირვალობის შესახებ" კანონპროექტის მოწინააღმდგეებმა გადაკეტეს, მომდევნო დღეს კი - „ქართული ოცნების" საერთო სახალხო შეკრების მონაწილეებმა. რა აჩვენა ამ ორმა მასშტაბურმა აქციამ და რისი დემონსტრირება მოახდინეს ამით დაპირისპირებულმა მხარეებმა?

რა იგულისხმება არჩევნების შემდეგ ენმ-ის გასამართლებაში და რამდენად ლოგიკურია სადავო კანონის ხელახლა ინიცირების ერთ-ერთ მიზნად „დესტრუქციული ძალების დაღლის“ გამოცხადება? 29 აპრილის აქციაზე მმართველი პარტიის საპატიო თავმჯდომარის, ბიძინა ივანიშვილის გამოსვლა უკვე მეორე დღეა ანალიტიკური წრეებისა და პოლიტიკოსთა განხილვის მთავარი თემაა.

რამდენიმე დღეა ექსპრეზიდენტი მიხეილ სააკაშვილი ენმ-სა და ზოგადად ოპოზიციას სხვადასხვა მოწოდებითა და მოსაზრებებით მიმართავს, თუმცა უშედეგოდ. 10 დღის წინ სააკაშვილმა ენმ-ს მისი თავმჯდომარეობით ბორდის შექმნა სთხოვა. გასულ კვირას კი ოპოზიციის ერთიანი საარჩევნო სიის შექმნასა და მომავალი მთავრობის წევრების ერთობლივად შერჩევაზე გააკეთა განცხადება, თუმცა მას პრაქტიკულად არავინ გამოხმაურებია. რით შეიძლება ეს აიხსნას?

უკრაინის თითქმის მთელი ქვეყნის ტერიტორიაზე რუსეთი საჰაერო თავდასხმებს არ წყვეტს. ოკუპანტები ინტენსიურად ბობმავენ ენერგო და სამოქალაქო ინფრასტრუქტურას. უკრაინის პრეზიდენტი ვოლოდიმერ ზელნესკი პარტნიორებისგან სასწრაფოდ საჰაერო თავდაცვითი საშუალებების მიწოდებას ითხოვს. "სასწრაფოდ გვჭირდება Patriot-ის სისტემები და რაკეტები", - ამბობს პრეზიდენტი. მისი თქმით, რუსეთმა ფრონტის ხაზზე საბრძოლო ინიციატივა ხელში აიღეს, რადგან უკვე 6 თვეა ისინი ამერიკისგან დახმარებას ელოდნენ. 

ქართულ პოლიტიკაში ბიზნესის ჩათრევა მაინც მოხდა. კერძო სექტორის ნაწილი, გამჭირვალობის მომხრეა, თუმცა მეორე მხარე "ქართული ოცნების” გადაწყვეტილებას აპროტესტებს და ხელისუფლებას კანონის უკან გაწვევისკენ მოწოდებს. ეკონომისტები კი აცხადებენ, ბიზნესის განცხადებები მხოლოდ მათი პოზიციის დაფიქსირება არ არის და შესაძლოა, ამან უარყოფითი შედეგი გამოიწვიოს.

სურსათის უნვებლობის წესები საქართველოში ხშირად ირღვევა. ზოგ შემთხვევაში შენახვის პირობებია შეუსაბამო, ზოგ ჯერზე კი ვადაგასული საკვები იყიდება, ამიტომ შესაძლოა, პროდუქტის უსაფრთხოებაზე კონტროლი გამკაცრდეს. სპეციალისტები ასეთ გადაწყვეტილებას მიესალმებიან და იმასაც ამბობენ, რომ წესების დარღვევის შემთხვევაში ჯარიმა საკმაოდ მოცულობითი უნდა იყოს.

საქართველოს ეკონომიკა ზრდას განაგრძობს. გარე თუ შიდა დაძაბული პოლიტიკური სიტუაციის ფონზე, ქვეყანაში სტაბილურობის შენარჩუნება ხერხდება და როგორც ეკონომისტები ამბობენ, თუკი არჩევნების გამო დაძაბულობამ პიკს არ მიაღწია, მაშინ ეკონომიკურ განვითარებას არანაირი საფრთხე არ ელის.

საქართველოში უმუშევრობის დონის შემცირებასთან დაკავშირებით გავლენიანი საერთაშორისო ორგანიზაციები უკვე თამამად საუბრობენ და მათი შეფასებები, რეიტინგები, ასევე ოფიციალური სტატისტიკა ამ ფაქტს მოწმობს. ამჯერად სავალუტო ფონდმა დაადასტურა, რომ უმუშევრობა ისტორიულ მინიმუმზეა. ეს ნიშნავს, რომ სამუშაო ადგილები რეალურად იქმნება ქვეყანაში და ვისაც დასაქმება სურს და კომპეტენციაც გააჩნია, ამ მხრივ დაბრკოლებას ნაკლებად აწყდება.

უნიკალური და იშვიათი წიგნების ქურდობის უპრეცედენტო, რომელიც ევროპაში საქართველოს მოქალაქეებმა ჩაიდინეს - დაჯგუფების რამდენიმე წევრი რამდენიმე თვის წინ ევროპის ქვეყნებში დააკავეს, ბოლო დღეებში კი, ქართველი და უცხოელი სამართალდამცველების მონაწილეობით, საქართველოს ტერიტორიაზე ათობით სპეცოპერაცია ჩატარდა, რის შედეგადაც აიყვანეს 3 პირი და მათი კიდევ ერთი თანამზრახველი.

საბერძნეთში, ქალაქ სიტიაში ნასვამმა ქართველმა 43 წლის კაცი დაჭრა -  როგორც ბერძნული მედია წერს,  მთვრალ მდგომარეობაში მყოფი ქართველი ქუჩაში გამვლელებს შეურაცხყოფას აყენებდა, რა დროსაც მას ახალგაზრდა  კაცმა  შენიშვნა მისცა.