რუსეთის საგარეო საქმეთა მინისტრმა დასავლეთი „ნამდვილი ომის დაწყების" შესახებ გააფრთხილა. ამის შესახებ რუსული სახელმწიფო საინფორმაციო სააგენტო TASS-ი იუწყება.

სერგეი ლავროვმა განაცხადა, რომ გერმანიის მთავრობის ბრალდება, რომ ლაიფციგის აეროპორტში დრონებით თავდასხმის მცდელობის უკან კრემლი დგას, „დიდწილად, ნამდვილი ომის დაწყებაა".

გერმანიის კანცლერ ფრიდრიხ მერცთან დაკავშირებით კი ლავროვმა აღნიშნა, რომ ის ომს უცხადებს.

„მერცის ყველა ეს განცხადება გერმანიის ევროპაში წამყვან სამხედრო ძალად ხელახლა გადაქცევის შესახებ - პრაქტიკაში ხორციელდება. ის, ფაქტობრივად, ომს გვიცხადებს", - აღნიშნა ლავროვმა.