ცოტა ხნის წინ მომხდარ დიდ საკადრო ცვლას მთავრობაში, რასაც ექსპრემიერი ღარიბაშვილი, სუს-ის უფროსი ლილუაშვილი და აჭარის მეთაური რიჟვაძე შეეწირენ, უფრო დაბალ იერარქიაში შედარებით მცირე მასშტაბის საკადრო გადათამაშება მოჰყვა. პრაქტიკა, როცა პოლიტიკური რანგის თანამდებობის პირების მოხსნას მთელი ვერტიკალის ცვლა მოჰყვება-ხოლმე, პრემიერ კობახიძის გუნდი ზედმიწევნით იმეორებს.

„ოცნების" მიერ გამოქვეყნებული განცხადება აშშ-ის მიმართ, აშკარად გამლანძღველი ფორმულირებითაა შედგენილი. მე ვეთანხმები ოპოზიციის აზრს, რომ ხელისუფლება აშშ-სთან ვა-ბანკზე მიდის, მაგრამ თვითონ ქართული ოპოზიცია არამდგრადია", - აცხადებს პოლიტოლოგი იგორ კვესელავა, რომელსაც „რეზონანსი" მიმდინარე პოლიტიკურ პროცესებზე ესაუბრა.

საქართველოში ჯანმრთელობის დაცვა ძალიან ძვირია. `რეზონანსი” რამდენიმე ხნის წინაც წერდა, რომ პაციენტებს დიდი თანხის გადახდა უწევთ კლინიკებისთვის. მიუხედავად ამისა, ირკვევა, რომ მოსახლეობა ყველაზე ნაკლებად კმაყოფილი სწორედ ჯანდაცვის სფეროში მიღებული მომსახურებითაა. გამოდის, რომ ხალხი ბევრს იხდის და შედეგით უკმაყოფილოა.

15 მაისს მთელი მსოფლიოს ყურადღება სტამბოლისკენ იქნება მიმართული, სადაც რუსეთისა და უკრაინის წარმომადგენელთა პირდაპირი მოლაპარაკებაა დაგეგმილი. მთავარი თემა 30 დღით ცეცხლის შეწყვეტაა. კიევი ამაზე მზაობას გამოთქვამს და ახლა მთავარია რას იზამს მოსკოვი. მოლაპარაკების შედეგები რთულად პროგნოზირებადია და ანალიტიკოსებიც ფრთხილობენ ამ თემაზე საუბრისას.

ევროსაბჭოსთან, რომელიც საქართველოს დელეგაციამ პროტესტის ნიშნად იანვარში დატოვა, ურთიერთობები მას შემდეგ ცოტა დათბა, თუმცა მისი გენმდივნის ბოლო განცხადება ყველაფერ ამას ხაზს უსვამს და სიტუაციას ისევ კონფრონტაციის რეჟიმში აბრუნებს. არადა, ორიოდე დღის წინ პარლამენტის თავმჯდომარე შალვა პაპუაშვილი ამავე ორგანიზაციის პრეზიდენტს საკმაოდ კონსტუქციულ კონტექსტში შეხვდა, რაც ერთგვარი ფრთხილი ოპტიმიზმის საფუძველს იძლეოდა.

აშშ-ის წარმომადგენელთა პალატის მიერ მიღებული „მეგობარი აქტის" საპასუხოდ, საქართელოს პარლამენტმა 14 მაისს საგანგებო განცხადება მიიღო. პარლამენტი აშშ-ის წარმომადგენელთა პალატის მიერ მიღებულ აქტს საქართველოს სახელმწიფოს, ქართველი ხალხისა და მის მიერ არჩეული ხელისუფლების, მათ შორის საქართველოს პარლამენტის მიმართ უაღრესად მტრული აქტად აფასებს. ოპოზიცია კი „ოცნების" მხრიდან ამერიკასთან ვა-ბანკზე წასვლაზე საუბრობს.

დამოუკიდებლობის დღესთან დაკავშირებით ოპოზიცია დიდი აქცია-მსვლელობისთვის ემზადება, რაშიც ჩართულია მეხუთე პრეზიდენტ სალომე ზურაბიშვილის „26 მაისის კომიტეტი", ოპოზიციური ფლანგი და არასამთავრობო სექტორი, თუმცა ჯერჯერობით ზუსტი ლოკაცია უცბნობია. ღონისძიებების გეგმა დაამტკიცა საქართველოს მთავრობამაც და პრემიერი ირაკლი კობახიძე კი ოპოზიციას მოუწოდებს „ფეხი არ დაუცდეთ"" თავის მხრივ ოპოზიციაში ეს მუქარად აღიქვეს და საპასუხო განცხადებები გააკეთეს.

ევროკავშირის ელჩი საქართველოში პაველ ჰერჩინსკი აცხადებს, რომ ევროკავშირი დღესაც მუშაობს საქართველოში „ძალადობაზე პასუხისმგებელი პირებისთვის" პერსონალური სანქციების მიღებაზე, თუმცა ევროკავშირის 27 წევრ სახელმწიფოს შორის ერთსულოვნება ისევ არ არის. მისივე თქმით, გრძელდება მუშაობა საქართველოსთვის პრივილეგირებული მდგომარეობის გადახედვაზეც. უნდა ელოდონ თუ არა „ოცნების" მაღალჩინოსნები პერსონალური სანქციების ახალ პაკეტს ევროკავშირისგან უახლოეს მომავალში და ჩამოერთმევა თუ არა მინიჭებული პრივილეგიები საქართველოს ევროკავშირისგან?

პრემიერ-მინისტრ ირაკლი კობახიძის ღია წერილს აშშ-ის პრეზიდენტ დონალდ ტრამპისა და ვიცე-პრეზიდენტ ჯეი დი ვენსისადმი, როგორც მოსალოდნელი იყო, დიდი გამოხმაურება მოყვა. ანალიტიკოსები საქართველოს ხელისუფლების ასეთ არაორდინალურ ნაბიჯს აშშ-ის კონგრესში „მეგობარი აქტის" მიღებასა და იგივე საკითხის კონგრესში განხილვის მოახლოებას უკავშირებენ. მათივე ვარაუდით, წერილი უპასუხოდ არ დარჩება და სწორედ ამ პასუხზე იქნება დამოკიდებული საქართველოს საგარეო პოლიტიკაც და ქვეყნის შიგნით არსებული პოლიტიკური სიტუაციაც.

13 მაისს პარლამენტმა მესამე მოსმენით კენჭი უყარა და კანონის დონეზე დაფუძნდა საქართველოს მთავრობის ეფექტიანობის დეპარტამენტი. დადგენილი წესის თანახმად, დეპარტამენტი აღმასრულებელი ხელისუფლების ყველა რგოლის გადაწყვეტილებების შესრულების კონტროლს უზრუნველყოფს. ანალოგიური სახელწოდების დეპარტამენტი აშშ-ის სახელმწიფო ადმინისტრაციაში დონალდ ტრამპის პრეზიდენტად არჩევის შემდეგ შეიქმნა და მისი ხელმძღვანელი ტრამპთან დაახლოებული მილიარდერი ილონ მასკი გახდა.

საქართველოს დელეგაცია, სავარაუდოდ, იანვარში ევროსაბჭოს საპარლამენტო ასამბლეაზე დაბრუნდება. ამის შესახებ პარლამენტის თავმჯდომარე შალვა პაპუაშვილისსა ევროსაბჭოს საპარალამენტო ასამბლეის პრეზიდენტ თეოდოროს რუსოპულოსს შორის უნგრეთში გამართული შეხვედრის შემდეგ გახდა ცნობილი. სამშაბათს ასევე გაირკვა, რომ საგარეო საქმეთა მინისტრი მაკა ბოჭორიშვილიევროპის საბჭოს მინისტრთა კომიტეტის 134-ე სესიაში მიიღებს მონაწილეობას.

ამერიკაში ავტომობილების იმპორტზე 25% ტარიფი უკვე მოქმედებს. გადაწყვეტილებამ ნეგატიური მოლოდინი უკვე შექმნა, თუმცა, როგორც მიმდინარე ეტაპზე ირკვევა, სატარიფო პოლიტიკას ჯერჯერობით ავტომობილების მნიშვნელოვანი გაძვირება არ მოჰყოლია. სამომავლად ასეთი ვითარება შეიძლება მართლაც წარმოიშვას, რაც გავლენას საქართველოზეც მოახდენს. 

ერთი კვირის წინ ამერიკის წარმომადგენელთა პალატამ საქართველოს წინააღმდეგ `მეგობარი აქტი” მიიღო, რომელიც "ქართული ოცნების” მთავრობის და ქართველი ექსპერტების შეფასებით, საერთოდ არ არის მეგობრული და ამით ქართულ-ამერიკული ურთიერთობა უფრო დაზარალდება. დოკუმენტში ეკონომიკური მომენტებიც არის შეპარებული, მაგალთად, ის, რომ შევამციროთ ეკონომიკური ურთიერთობა რუსეთთან. საუბარია, ავიამიმოსვლის გაუქმებაზეც. ეს კი საქართველოს პირდაპირ დააზარალებს.

პირველი ივნისიდან ძალაში შედის რეგულაცია, რომლის მიხედვითაც, თბილისიდან, ქუთაისიდან, ბათუმიდან, ზუგდიდიდან, თელავიდან, ასევე 150 კილომეტრზე მეტი მანძილით დაშორებული პუნქტებიდან მგზავრების გადაყვანა მხოლოდ მ3 კატეგორიის ტრანსპორტით, ანუ ავტობუსით იქნება შესაძლებელი. რეგულაციის ძალაში შესვლამდე ორ კვირაზე ცოტა მეტი დროა დარჩენილი მაგრამ, როგორც ირკვევა, ქვეყანაში შესაბამისი ტრანსპორტი შემოყვანილი არ არის. 

ფქვილის ფასი, სავარაუდოდ, შენარჩუნდება. ამის წინაპირობას ახალი მოსავლის მოახლოება ქმნის. ამ ეტაპზე კი ძველი მარაგის ამოწურვა მიმდინარეობს, რამაც გარკვეული გავლენა ფასის სტაბილურობაზეც უნდა მოახდინოს, თუმცა მიუხედავად ამისა, ფქვილის ღირებულება მაინც მაღალ ნიშნულზეა და დაბლა არ ჩამოდის.

სკოლის ,,ბოლო ზარი" ახლოვდება და სამზადისიც დაწყებულია. მშობლები აცხადებენ, რომ ხანდახან თითოული მოსწავლის ხარჯი 4000 ლარსაც ჭარბებს, რის შესაძლებლობაც ოჯახების უმეტესობას არ აქვს. განათლების სფეროს სპეციალისტები ამგვარ ხარჯს  გადაჭარბებულად მიიჩნევენ და ამბობენ იმასაც, რომ ამ მანკიერი პრაქტიკის მიღმა უფრო ხშირად არიან მშობლები, რომლებიც შვილების მოთხოვნებს ზედმიწევნით ასრულებენ ან თვითონ უწევენ ორგანიზებას სხვადასხვა კომპანიების მეშვეობით. 

თბილისში კოკაინის სახელით შემოსულია ძვირადღირებული დაუდგენელი ნარკოტიკული ნივთიერება, რომლის გამოყენებასაც მოჰყვა ზედოზირების შემთხვევები, მათ შორის ლეტალობა, ბევრი ადამიანი კომაშია, ასეთ საგანგაშო ინფორმაციას ნარკოლოგი ზურაბ სიხარულიძე ავრცელებს. ამბობს, რომ იმ ინფორმაციით, რასაც ახლობლები, პაციენტები და ექიმები აწვდიან, რამდენიმე ცნობილი ადამიანი მძიმე მდგმარეობაშია.

14 მაისს ევროკავშირმა რუსეთისათვის სანქციების ახალი, მე-17 პაკეტი შეათანხმა. ამის პარალელურად ევროკავშირს გადაწყვეტილი აქვს აშშ-სთან კოორდინაციით ახალი, მათი შეფასები დამანგრეველი სანქციების მომზადება, რომელიც ჩამოშლის ზღვარზე დააყენებს რუსეთის ეკონომიკას და რუსეთის ხელისუფლებას უკრაინაში ომის შეჩერებას აიძულებს. ამის შესახებ საფრანგეთის საგარეო საქმეთა მინისტრმა ჟან ნოელ ბარომ განაცხადა.

ხუთშაბათს, 15 მაისს სტამბულში დაგეგმილი უკრაინა-რუსეთის პირდაპირი მოლაპარაკებები ნამდვილად შედგება, ოღონდ არა უმაღლეს დონეზე. რუსული მედიის ცნობით, მოსკოვიდან შეხვედრაზე რუსეთის საგარეო საქმეთა მინისტრი სერგეი ლავროვი და პრეზიდენტის თანაშემწე იური უშაკოვი ჩავლენ. აშშ-ის მხრიდან, სავარაუდოდ, მოლაპარაკებას დაესწრებიან პრეზიდენტ ტრამპის სპეცწარმომადგენლები სტივ უიტკოფი და კიტ კელოგი. უკრაინული დელეგაციის შემადგენლობა კი ჯერჯერობით უცნობია.