თბილისის 21-ე საჯარო სკოლის მშობლებმა განათლების სამინისტრო დატოვეს- ისინი უწყებაში დღეს, შაბათს დღის მეორე ნახევარში დაიბარეს.
მშობლებს სამინისტროში მინისტრის მოადგილე შეხვდა.
21-ე საჯარო სკოლის მშობლები ამბობენ, რომ უწყების მაღალჩინოსანს საკუთარი პოზიცია გააცნეს, დღევანდელი შეხვედრა კი კონკრეტული შედეგის გარეშე დასრულდა.
მშობლების თქმით, მომდევნო შეხვედრა ხუთშაბათს გაიმართება.
თბილისის 21-ე საჯარო სკოლასთან, რომლის ავარიულობის მიზეზით გუშინ სასწავლო პროცესი გაჩერდა, მშობლები აქციას მეორე დღეა მართავენ.
მიზეზი, მშობლებისთვის გაგზავნილი შეტყობინება გახდა, რომელშიც აღნიშნული იყო, რომ შენობის ავარიულობიდან გამომდინარე, 18 სექტემბრიდან სკოლაში სასწავლო პროცესი ჩერდებოდა.