ლალი მოროშკინა სოციალურ ქსელში შემდეგი სახის მიმართვას ავრცელებს:
"ჩამობანეთ სახეები ამ აჭრელებულ გიგო-ბიჭებს, გადაპარსეთ ფერად-ფერადი და ლამინირებული თავები, დააცალეთ ფასკუნჯისებრი შილაქი, გამოაძრეთ ცხვირიდან საყურე და ჰაიდა სოფელში!
დახურეთ მილიონერთი სილამაზის სალონი,ამდენი აფთიაქი, სუპერ-პუპერ მარკეტები,ლომბარდები, ვალუტის ჯიხურები, მასაჟის სალონები,
ეს რა სიგიჟეა?
სად გინახავთ ასეთი რაოდენობა ევროპაში? ხომ ევროპისკენ მიისწრაფით?
სასწრაფოდ შესაქმნელია სოფლის საბჭოები, სადაც ხალხი თავად განკარგავს საკუთარ რესურს!
დღეს სრულიად ცარიელდება და კვდება ის სოფლები, სადაც ინდივიდუალური ინიციატივა არ არსებობს!
როდემდე უნდა ვქაჩოთ თითო ადამიანის ავტორიტეტით?
არადა სოფელი კეთილდღეობის ბეღელია!
ყველაფერი გვაქვს იმისათვის, რომ თვითკმარნი გავხდეთ. არ გვჭირდებოდეს პროდუქტის შემოტანა, რომელიც, როგორც წესი, ადგილობრივზე ბევრად უხარისხოა.
მიეცით სადავეები სოფელს და ნახავთ, როგორ დაცარიელდება ქალაქი!
არავის არ უნდა ნაქირავებ ბინაში, ცუდ პირობებში ცხოვრება, როდესაც სოფელში ორსართულიანი სასახლე ცარიელი აქვს და ულპება, მაგრამ სამუშაოს ვერ პოულობს და გარბის მამა-პაპისეული მიწა-წყლიდან!
200 სკოლაში სასწავლო წელი არ დაიწყო!
უამრავ სასწავლო დაწესებულებაში თითო ბავშვია!
ეს დემოგრაფიული კოლაფსია და კატასტროფამდე მიგვიყვანს!
ხვალ-ზეგ მსოფლიოში სასურსათო კრიზისი შეიქმნება, ახალ პანდემიას მოგვახვევენ, ომში და უბედურებაში ჩათრევის მცდელობა კი სულ იქნება...
მიწის გარეშე, ნატურალური პროდუქტის, უვაზოდ და უხატოდ დარჩენილი ქართველი იდენტობას დაკარგავს და ისეთ უსახურ მასად იქცევა, როგორის გამოყვანასაც ცდილობენ მავანნი, რომ მერე თქვან:
შუა დერეფანი არის,
გზები არის,
გეოპოლიტიკური გზაჯვარედინი არის, მაგრამ მოსახლეობა აღარაა...
ცარიელ ეკლესიას ეშმაკი ეპატრონება...
ასე უცებ დავივიწყეთ სულმნათი პატრიარქი ილია მეორის შეგონება?
აბა, მჯიღებს რომ გულში ვიცემდით: შენს გზაზე ვივლითო?
რა დაგვემართა?
ვინ ვართ?
რად გადავიქეცით?
არადა სულ ცოტა რამ არის საჭირო:
საგადასახადო კოდექსის შეცვლა,
დეცენტრალიზაცია და რეგიონებისთვის დამოუკიდებლობის დაბრუნება,
სამშობლოს დიდების პროპაგანდა,
პროფესიონალი მეურვეები ადგილებზე და საქართველოს სიყვარული!
ბოლოდან დაიწყეთ!" - წერს ლალი მოროშკინა სოციალურ ქსელში
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე