საავიაციო ნავთის ფასები მსოფლიო ბაზარზე კვლავ მზარდია. საწვავის გაძვირება, პირდაპირ ისახება ავიაკომპანიების ხარჯებზე და შესაბამისად, აძვირებს ავიაბილეთებსაც. ავიაექსპერტები ვარაუდობენ, რომ გლობალური ეკონომიკური და პოლიტიკური სირთულეები გვერდს ვერც საქართველოს აუვლის. ეს ტენდენცია განსაკუთრებით მტკივნეული იმ მოქალაქეებისთვის იქნება, რომლებიც ევროპის მიმართულებით მოგზაურობას გეგმავენ. სამწუხაროდ, არსებული გლობალური რეალობა უახლოესი თვეების განმავლობაში დამაიმედებელ პროგნოზს ვერ იძლევა.