ტრამპის ადმინისტრაციამ კარი ეუთო-ს დამკვირვებლებსაც დაუხურა - ორგანიზაციას, რომელიც ამერიკის არჩევნებს ორ ათეულ წელზე მეტია აკვირდებოდა, ნოემბრის შუალედურ არჩევნებზე ოფიციალური მიწვევა არ მიუღია.
ვაშინგტონის პოზიცია განსაკუთრებით საყურადღებოა იმ ფონზე, როცა დონალდ ტრამპი ევროპელ პარტნიორებთან ურთიერთობებში ამერიკის ინტერესებზე ორიენტირებულ ახალ გადაწყვეტილებებს იღებს. საუბარია, მათ შორის, მოწოდებაზე, რომ უკრაინაში საპრეზიდენტო არჩევნები დროულად უნდა ჩატარდეს.
შუალედური არჩევნების მოახლოებასთან ერთად, შეერთებული შტატები ახალ ეკონომიკურ და სამხედრო ინიციატივებს აანონსებს. ერთი მხრივ, ამერიკის პრეზიდენტი ვლადიმერ პუტინთან რუსული დიზელის მიწოდებაზე შეთანხმებას დებს, მეორე მხრივ კი პენტაგონი იწყებს პროექტ "მერიდიანს," რომელმაც მომავალი სამხედრო დაპირისპირებებისთვის ტექნოლოგიური მზადყოფნა უნდა უზრუნველყოს.