ნიცა თავაძე ემოციურ პოსტს უძღვნის, მეუღლეს ხვიჩა კვარაცხელიას
“ერთად იმდენი რამ გამოვიარეთ… ვიზეიმეთ წუთები, რომლებზეც ოდესღაც მხოლოდ ოცნება შეგვეძლო, და გადავლახეთ სირთულეები, რომლებმაც უფრო გაგვაძლიერა. მაგრამ ვიცი, ადამიანის ნამდვილი ძალა იმით კი არ იზომება, როგორ დგას ფეხზე, როცა ყველაფერი კარგად მიდის, არამედ იმით, როგორ წამოდგება, როცა ცხოვრება ყველაზე მძიმე გამოცდას უწყობს.
საკუთარი თვალით ვხედავდი, რამდენ რამეზე ამბობდი უარს, შენს დისციპლინას, მიზანდასახულობასა და უთვალავ ბრძოლას, რომლებიც ჩუმად გადაიტანე, რათა ის ადამიანი გამხდარიყავი, ვინც დღეს ხარ. ვიცნობ შენს გულს, შენს ხასიათს და იმ ძალას, რომელსაც საკუთარ თავში ატარებ. ვიცი, ვერც ერთი დაბრკოლება, მარცხი თუ მძიმე პერიოდი ვერ წაგართმევს ყველაფერს, რაც ამდენი შრომით შექმენი.
ზოგჯერ ცხოვრება ყველაზე ძლიერ ადამიანებსაც ისეთი გამოცდის წინაშე აყენებს, როგორსაც ვერასდროს წარმოიდგენდნენ. მაგრამ მთელი გულით მჯერა, რომ ეს მომენტიც ჩვენი საოცარი ისტორიის კიდევ ერთ ნაწილად იქცევა. ერთ დღეს ამ პერიოდს გავიხსენებთ და გვემახსოვრება არა ის, რამდენად რთული იყო, არამედ ის, რამხელა ძალა დაგვჭირდა მის გადასალახად.
არასდროს არაფერში ვყოფილვარ ისე დარწმუნებული, როგორც შენში ვარ. იმიტომ კი არა, რომ წინ იოლი გზა გველის, არამედ იმიტომ, რომ ვიცნობ ადამიანს, რომელმაც ეს გზა უნდა გაიაროს.
ყოველ გამარჯვებაში, ყოველ გამოწვევაში, ყოველ ცრემლსა და ყოველ ტრიუმფში შენ გვერდით ვიდგები. ამ გზაზე ერთი წამითაც არ იქნები მარტო.
ერთად უკვე არაერთი საოცარი თავი დავწერეთ, საუკეთესო კი ჯერ კიდევ წინ გველოდება. ჩვენი ისტორია აქ არ სრულდება — აქ კიდევ ერთი დაბრუნება იწყება. ჩვენ დავბრუნდებით იმაზე ძლიერები, ვიდრე ოდესმე ვყოფილვართ. ერთად. ყოველთვის. მიყვარხარ", - წერს ნიცა თავაძე.
ცნობისთვის, გუშინ ხვიჩა კვარაცხელიამ ბარსელონა-პსჟ მატჩის დროს ტრავმა მიიღო, რის გამოც მოედანი 59-ე წუთზე დატოვა. დღეს კი, ცნობილი გახდა, რომ მას ჯვარედინი იოგები გაუწყდა და დაახლოებით 7 თვე ფეხბურთს ვერ ითამაშებს.
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე