რეზონანსი
16.11.2026

 საქართველოში 17 ნოემბრიდან ამინდი შეიცვლება. ნოემბრის მეორე ნახევარში ქვეყნის სხვადასხვა რეგიონში მოსალოდნელია ღრუბლიანობის მატება, პერიოდული ნალექი და ტემპერატურის ცვალებადობა. სინოპტიკური პროგნოზების მიხედვით, თვის ბოლო დეკადის განმავლობაში ზოგიერთ რეგიონში აცივდება, მაღალმთიან ზონებში კი თოვლის ალბათობა გაიზრდება.

17 ნოემბერს ქვეყნის ტერიტორიის დიდ ნაწილში შედარებით გრილი და ღრუბლიანი ამინდია მოსალოდნელი. აღმოსავლეთ საქართველოში, მათ შორის თბილისში, ტემპერატურა დღისით დაახლოებით 8-10 გრადუსის ფარგლებში იქნება. ღამის საათებში კი ტემპერატურა მნიშვნელოვნად დაიკლებს.

18 ნოემბერს ზოგიერთ რეგიონში გამოიდარებს და მზიანი პერიოდებიც იქნება. თბილისში დღისით დაახლოებით 12-14 გრადუსია მოსალოდნელი.

19 ნოემბრიდან ნალექის ალბათობა გაიზრდება. განსაკუთრებით დასავლეთ საქართველოში მოსალოდნელია წვიმა და მოღრუბლული ამინდი. ნალექი შესაძლებელია აღმოსავლეთ საქართველოს ცალკეულ რაიონებშიც.

20-21 ნოემბერს დასავლეთ საქართველოში წვიმიანი ამინდი შენარჩუნდება. მთიან რეგიონებში ტემპერატურა შედარებით დაბალი იქნება.

22 ნოემბერს ნალექიანი ამინდი კვლავ მოსალოდნელია ქვეყნის ცალკეულ ტერიტორიებზე.

23 ნოემბრიდან ტემპერატურის კლების ტენდენცია გამოიკვეთება. ზოგიერთ რეგიონში წვიმა შენარჩუნდება, მაღალმთიან რაიონებში კი ნალექი შესაძლოა თოვლის სახით მოვიდეს.

24-26 ნოემბერს მოსალოდნელია შედარებით გრილი ამინდი. ღამის საათებში მთიან და მაღალმთიან დასახლებებში ტემპერატურა ნულს ქვემოთაც დაეცემა.

27-30 ნოემბერი

ნოემბრის ბოლო დღეებში საქართველოში კვლავ ცივი ამინდის შენარჩუნებაა მოსალოდნელი. მაღალმთიან რეგიონებში შესაძლებელია თოვლი, ხოლო დაბლობ რაიონებში - ღრუბლიანობა და პერიოდული წვიმა.

აღმოსავლეთ საქართველოში ღამის ტემპერატურა ზოგიერთ ადგილას მინუს ნიშნულსაც მიუახლოვდება. დასავლეთ საქართველოში კი შედარებით რბილი, თუმცა ცვალებადი ამინდია მოსალოდნელი.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2026 by Resonance ltd. . All rights reserved
×