რეზონანსი
21.11.2026

ანალიტიკოსი ლადო სადღობელაშვილი სოციალურ ქსელში მეუფე სტეფანეს ქადაგებას ეხმაურება. კერძოდ, მეუფემ აღნიშნა: „მე ვერ ვიტყვი, რომ ჩვენი მთავრობა არის ურწმუნო და მთავრობა უნდა წავიდეს, ვინ მოვა მერე, არ ვიცი.“ სადღობელშვილი მეუფის ამ განცხადებაზე აღნიშნავს, რომ ბიძინა ივანიშვილისა და მისი გუნდისთვის უღმერთოს წოდება რთულია იმ საქმის გათვალისწინებით, რაც მათ ქართული ეკლესიისა და საპატრიარქოსთვის აქვთ გაკეთებული.

სადღობელაშვილის შეფასებით, დღევანდელი ხელისუფლების პირობებში ეკლესიას აქვს სახელმწიფო მხარდაჭერა, ფინანსური ხელშეწყობა და პატივისცემა, რაც წინა ხელისუფლების დამოკიდებულებისგან მნიშვნელოვნად განსხვავდება.

მისივე თქმით, რთულია არსებული ოპოზიციური სპექტრი ანდა მისი რაღაც ნაწილი მოიაზრო “ქართული ოცნების” შემცვლელად, თუ ანგაჟირებული ან იდეურად ეკლესიის მტერი არ ხარ.

"მართლაც რთულია ბიძინა ივანიშვილს და მის გუნდს უწოდო უღმერთო, თანაც იმის ფონზე რაც მათ ცალკეულად (ქართუ ფონდის ხელშეწყობით) თუ ერთობლივად აქვთ გაკეთებული ჩვენი დედაეკლესიისთვის და სრულიად საქართველოს საპატრიარქოსთვის! ზოგადად მართლმადიდებლობის გასაძლიერებლად საქართველოში…

დღეს მართლმადიდებელი ბერ-მონაზვნობა წელში გამართულია, არც მანქანა აკლიათ, არც “ხელფასი”, არც მდიდარი შემომწირველი და არც პატივისცემა თუ აზრის გათვალისწინება! დიდძალი მიწა არის გადაცემული საპატრიარქოს განკარგულებაში, დაფინანსებაზე, სახელმწიფო ხელშეწყობაზე და სიტუაციურ გვერდით დგომაზე აღარაფერს ვამბობ… ბრმა უნდა იყო რომ ვერ დაინახო განსხვავება წინა და ამჟამინდელ მთავრობებს შორის! არც ეკლესიებს ანგრევენ, არც ჯვრების დემონტაჟით არიან დაკავებული რასაც ვერ ვიტყვით წინა ხელისუფალზე რომლებსაც შინაგანად სძულდნენ სასულიერო პირები და ყველაფერი ქართული! გაიხსენეთ რა მიდგომები და მოწოდებების მომსწრენი ვიყავით ბოკერიას, უგულავას, რამიშვილ-თუთბერიძესგან! სხვათაშორის არც დღეს აკლებენ ეს პერსონები და მათი სულიერი შვილები პატრიარქს, მეუფეებს და ცალკეულ მღვდლებს “ტკბილ” სიტყვას! (გაიხსენეთ რამოდენიმე თვის წინ რა ეპითეტებით ამკობდნენ პატრიარქის არჩევნებზე მეუფეებს… !)

და ყოველივე ამის გათვალისწინებით როგორ შეიძლება მორწმუნე, პატრიოტმა ქართველმა ისურვოს ხელისუფლების ცვლილება? რის ფონზე? რატომ?

რთულია არსებული ოპოზიციური სპექტრი ანდა მისი რაღაც ნაწილი მოიაზრო “ქართული ოცნების” შემცვლელად, თუ ანგაჟირებული ან იდეურად ეკლესიის მტერი არ ხარ! როგორ შეიძლება სააკაშვილი, გვარამია, ხაზარაძე, გახარია, ხოშტარია ანდა გირჩი ჯაფარა უფრო მისაღები იყოს ვიდრე ივანიშვილი, კობახიძე, პაპუაშვილი? გულწრფელად ვამბობ - არ მესმის!“- წერს სადღობელაშვილი.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2026 by Resonance ltd. . All rights reserved
×