„ფორმულას“ გადამღებ ჯგუფს პირდაპირი ჩართვის დროს თავს დაესხნენ.
უცნობმა პირმა ჟურნალისტს რატი წვერავას მიკროფონი წაართვა, დანით იმუქრებოდა და ცდილობდა ოპერატორს თავს დასხმოდა.
„მე ვარ გარეთ ერთადერთი კანონიერი ქურდი. ბადრი ჩელენჯს გიცხადებ, მოდი შევხვდეთ, სადაც გინდა, როცა გინდა,“ – ყვიროდა თავდამსხმელი.
მომხდარზე რატი წვერავამ „ფორმულას“ ეთერში ისაუბრა და აღნიშნა, რომ პოლიციას უკვე მიმართა.
„კონკრეტული პირი მოვიდა, მითითებები ჰქონდა ჩვენთან, ჩვენ პირდაპირ ეთერში ვმუშაობდით და ვთხოვეთ, რომ ორი წუთი მოეცადა, დანა ჰქონდა ხელში, დაგვემუქრა სიცოცხლის მოსპობით.
ცდილობდა, თავს დასხმოდა ჩემს ოპერატორს და შემდეგ დააზიანა ჩვენი მიკროფონი და გაიქცა“. – ჰყვება რატი წვერავა.