"იუმორის გრძნობა ჰქონიათ სასამართლოში. ხუმრობები უნდა მითხრან მართლმსაჯულებაზე. 

მინდა, მხნეობა ვუსურვო სინდისის პატიმრებს. ხვალ ვეფხო კასრაძის და სხვების სასამართლოებია. მე პირველ აპრილს დამინიშნეს სხდომა. იუმორის გრძნობა ჰქონიათ სასამართლოში. 1-ელ აპრილს რომ სხდომას დაგინიშნავენ, რა მაგარი ამბავია. ხუმრობები უნდა მითხრან მართლმსაჯულებაზე. მხნეობა მინდა გისურვოთ. გაუძელით. ერთად უნდა გავუძლოთ. ერთად უნდა გავიმარჯვოთ. აუცილებლად გავიმარჯვებთ, აბსოლუტურად დარწმუნებული ვარ". - განაცხადა ალეკო ელისაშვილმა.

ცნობისთვის, ალეკო ელისაშვილს ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა პოლიტიკურ მოღვაწეობასთან დაკავშირებით, ჩადენილი ძალადობით) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.

შემთხვევა 2024 წლის 2 დეკემბერს მოხდა. პროკურატურის ინფორმაციით, ალეკო ელისაშვილმა თბილისში, კოსტავას ქუჩის მიმდებარე ტერიტორიაზე, აზერბაიჯანელთა ეროვნული კონგრესის თავმჯდომარეს და პარტია „ქართული ოცნება დემოკრატიული საქართველოს“ ერთ-ერთ დამფუძნებელს, ალი ბაბაევს პოლიტიკური ნიშნით სიტყვიერი და ფიზიკური შეურაცხყოფა მიაყენა.