საქართველო დამოუკიდებლობის დღის აღსანიშნავად ემზადება. სამხედროების ფიცი, მოიერიშეების გადაფრენა, წითელ და თეთრ ფერებში მორთული ქვეყანა. სამზადისი თითქმის დასრულებულია. ახლა მთავარი კითხვაა, ვინ როგორ და სად იზეიმებს ეროვნულ დღესასწაულს.

პოლიტიკოსთა გეგმები განსხვავებულია - პროვოკაცია გამორიცხულია - ასეთია ხელისუფლების პასუხი.

"როგორც ჩანს, რადიკალურმა ოპოზიციამ ახალი დავალება მიიღო ქვეყნის გარედან, რომ მათ შორის 26 მაისი ქვეყნის დამოუკიდებლობის და ერთიანობის დღე, აქციონ დაპირისპირების დღედ. თქვენ იცით, რომ ოპოზიცია ორგანიზებას უკეთებს რადიკალურ ჯგუფებს, მათ შორის ჩამოჰყავთ ის ევროპარლამენტარები, რომლებიც გამოირჩევიან ჩვენი ქვეყნის მიმართ უპატივცემულობით - ეს იმას ნიშნავს, რომ 26 მაისს ისინი გარკვეულ დაპირისპირებას გეგმავენ. თუმცა, ჩვენ ღირსეულად ჩავატარებთ ამ დღეს. სამწუხაროა, რომ ოპოზიციამ ისევე როგორც 9 აპრილი აქცია დაპირისპირებად, ახლა გეგმავენ ეს ყველაფერი 26 მაისს განახორციელონ,"- აცხადებს  პარლამენტის გარემოს დაცვისა და ბუნებრივი რესურსების კომიტეტის თავმჯდომარის პირველი მოადგილე ლადო ბოჟაძე.