ქართველ ფერმერებს მარწყვის რეალიზაცია უჭირთ. ბაზარი თითქმის მთლიანად თურქული პროდუქტით გაივსო, რასაც ადგილობრივი მარწყვი ფასით კონკურენციას ვერ უწევს, მიუხედავად იმისა, რომ მაღალი ხარისხით გამოირჩევა. როგორც გაირკვა, ქართული მარწყვის შესყიდვებისგან სუპერმარკეტებიც მაქსიმალურად იკავებენ თავს. ამის ერთ-ერთი მიზეზი მაღალი ფასია, რასაც, თავის მხრივ, მწარმოებლები მაღალი თვითღირებულებით ხსნიან.