ჩვენ ელექტრონული მეილის საშუალებით მივმართეთ ევროკომისრებს ამ ინფორმაციის მოთხოვნით, ეს საჯარო ინფორმაციაა. ინფორმაცია იმის თაობაზე, თუ როგორ იხარჯება საზოგადოების ფული. ჩვენი პირველი რამდენიმე მოთხოვნა მათ უყურადღებოდ დატოვეს, ჩვენ დავიმუქრეთ ევროპულ სასამართლოში ჩივილით და აი შემდეგ კი ევროკომისიამ შეასრულა ვალდებულება და სასურველი ინფორმაცია მოგვაწოდა, - განაცხადა ევროპარლამენტის წევრმა, ანდრაშ ლასლომ გადაცემაში „იმედის კვირა" არასამთავრობო ორგანიზაციების დაფინანსებაზე საუბრისას.

„ეს გახლავთ მემარცხენე პოლიტიკური იდეოლოგიის მატარებელი არასამთავრობო ორგანიზაციების კავშირი, მათ გვერდითაა მედია, იმავე მედიის მხარდამჭერი ენჯეოები, ეს ყველაფერი ერთმანეთთან კავშირშია. ისინი იყენებენ „სოროსის ფონდის" სახსრებს და სხვა მემარცხენე მეწარმეების ფინანსებს. ისინი იყენებენ ეგრეთწოდებული პროგრესული ევროპული მთავრობებისგანაც ფულს, ისევე როგორც თავის დროზე ბაიდენის ადმინისტრაციისგან. ისინი როგორც წესი, ვითომ დამოუკიდებელი მედიის დაფინანსებას იბრალებენ და სამოქალაქო საზოგადოების სახელით მოქმედებენ", - აღნიშნა ანდრაშ ლასლომ.