საქართველომ დაკარგა ერთი ღირსეული მამულიშვილი, რომელიც უზომოდ იყო შეყვარებული თავის ქვეყანაზე, თავის ხალხზე, - განაცხადა ზურა ხაჩიძემ „ქრონიკასთან".
მომღერალი ლევან გაჩეჩილაძის სამოქალაქო პანაშვიდზე იმყოფებოდა.
„ის იყო ღირსეული პოლიტიკოსი, ადამიანი, რომელსაც თავისი შეხედულება ჰქონდა, თუ როგორი უნდა ყოფილიყო თანამედროვე, დამოუკიდებელი საქართველო", - აღნიშნა ხაჩიძემ.
სიონის საკათედრო ტაძარში ლევან გაჩეჩილაძის სამოქალაქო პანაშვიდი მიმდინარეობს. პანაშვიდზე პრეზიდენტი, პრემიერი, საკანონმდებლო და აღმასრულებელი ხელისუფლების წარმომადგენლები იმყოფებოდნენ.