ეუთო/ოდირის დასკვნა ამ შემთხვევაშიც იქნება პოზიტიური, - განაცხადა რეგიონული პოლიტიკისა და თვითმმართველობის კომიტეტის თავმჯდომარე ირაკლი ქადაგიშვილმა.
დეპუტატმა კომენტარი გააკეთა მთავრობის გადაწყვეტილებასთან დაკავშირებით, რომელიც თვითმმართველობის არჩევნების დასაკვირვებლად ეუთო/ოდირის მოწვევას ეხება.
„მიუხედავად იმისა რომ, ოპოზიციამ და გარკვეულმა დასავლურმა პოლიტიკურმა წრეებმა ეუთო/ოდირის დასკვნა გვერდზე გადადეს და თვალი დაიბრმავეს, არ დაინახეს ეუთო/ოდირის დადებითი დასკვნა, ფაქტი მაინც ჯიუტია. ეუთო/ოდირის დასკვნა ამ შემთხვევაშიც იქნება პოზიტიური და რა თქმა უნდა, ეს მათ აშფოთებთ, იმიტომ რომ მათ უარგუმენტობას, საერთაშორისო სადამკვირვებლო ორგანიზაციის არგუმენტირებული დადებითი დასკვნა უპირისპირდება ხოლმე“, - აცხადებს ქადაგიშვილი.
მთავრობამ ადგილობრივი თვითმმართველობის არჩევნების დასაკვირვებლად ეუთო/ოდირის მისიის მოწვევის გადაწყვეტილება მიიღო, რასთან დაკავშირებითაც ეუთო/ოდირს შესაბამისი წერილი უკვე გაეგზავნა.