ანიტა და მისი რაზმი მანიპულაციის იმედად არის დარჩენილი. მათმა მომხრეებმა უნდა გააკეთონ დასკვნა – ან ისინი თუნდაც „ქართული ოცნების“ ყოფილი წევრების მიერ არიან მანიპულირებული, ან მანიპულირებენ ხალხზე თავად, ვინც პოლიტიკაში 5 000 ლარს იღებს, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.

ქადაგიშვილის თქმით, არცერთი შემთხვევა მათ სასარგებლოდ ვერ მეტყველებს.

ირაკლი ქადაგიშვილმა კომენტარი გააკეთა „ნაციონალური მოძრაობის“ წევრის, სოფო ჯაფარიძის იმ განცხადებაზე, რომლის თანახმადაც, „კობახიძე და „ქართული ოცნება“ კიდევ ბევრ სიურპრიზს უნდა ელოდნონ მათივე ყოფილი თანაგუნდელებისგან“.

„სოფო ჯაფარიძეს „სიურპრიზი“ წამოსცდა, თუ გამიზნულად თქვა? მათ პოლიტიკურ მეტყველებაში არ არის რაიმე სიმძიმე, გარდა სიტყვების რახარუხისა. მისი წამოცდენაც სიტყვების რახარუხს მოჰყვა“, – განაცხადა ირაკლი ქადაგიშვილმა.