გორის მუნიციპალიტეტის მერობის კანდიდატი, კონსტანტინე ბუზალაძე, წინასაარჩევნო კამპანიის ფარგლებში, კარალეთის თემში მოსახლეობას შეხვდა და საკრებულოში მაჟორიტარობის კანდიდატი წარუდგინა.
ბუზალაძის თქმით, მაჟორიტარობის კანდიდატი მურაზ ღოლიჯაშვილი იქნება, რომელიც ადგილობრივი მოსახლეობის გამოწვევებს კარგად იცნობს და მათ მოგვარებაზეც აქტიურად იმუშავებს.
“მაჟორიტარი კანდიდატი საკრებულოში მურაზ ღოლიჯაშვილი იქნება. კანდიდატს ადგილობრივები კარგად იცნობენ და თავადაც კარგად იცის ის გამოწვევები, რომელთა მოგვარების გზებზეც უკვე ვმუშაობთ. შეხვედრები კარალეთში, დიდ და პატარა გარეჯვარში და კარალეთის დევნილთა ჩასახლებაში გაიმართა. ამ სოფლებში მიმდინარე წელს რეაბილიტაცია ჩაუტარდა შიდასაუბნო გზებს, კარალეთში მოეწყო სანიაღვრე არხი, ასევე, მიმდინარეობს სასმელი წყლის სისტემის მოწყობა. მჯერა, 4 ოქტომბერს მოსახლეობის მაქსიმალური მხარდაჭერა გვექნება და ჩვენი თანამშრომლობა კიდევ უფრო აქტიურად გაგრძელდება.” - წერს კონსტანტინე ბუზალაძე.
გორის მუნიციპალიტეტის მერობის კანდიდატი “ქართული ოცნებიდან”, კონსტანტინე ბუზალაძე, წინასაარჩევნო კამპანიის ფარგლებში, გორში, წმინდაწყლის დასახლებაშიც შეხვდა მოსახლეობას.
მან ადგილობრივებს საკრებულოს მაჟორიტარობის კანდიდატი, ვასილ ოსიშვილი წარუდინა და სხვადასხვა მიმართულებით განსახორციელებელ პროექტებზე ისაუბრა.
“მოსახლეობას წარვუდგინეთ საკრებულოში მაჟორიტარობის კანდიდატი, ვასილ ოსიშვილი. ინფრასტრუქტურულ პროექტებთან ერთად, ვმუშაობთ როგორც ჯანდაცვისა და სოციალურ საკითხებზე, ასევე განათალების, სპორტისა და კულტურის მიმართულებით არსებული პროგრამების გაუმჯობესებაზე. მაქსიმალურად ვცდილობთ, ყველა პროექტი მოსახლეობის საჭიროებებზე იყოს მორგებული.” - წერს კონსტანტინე ბუზალაძე.