უკრაინაში პოლიტიკური სკანდალი მძვინვარებს, პრეზიდენტ ზელენსკის ერთ-ერთი ყველაზე გავლენიანი ფიგურა, უკვე ყოფილი მრჩეველი ანდრეი იერმაკი, მის სახლში ჩატარებული ანტიკორუფციული რეიდის შემდეგ მალევე გადადგა და განაცხადა, რომ ფრონტის ხაზზე მიდის - „შურისძიებისთვის მზად ვარ", - უთხრა მან „The Post"-ს. დასავლეთი მომხდარს „პოლიტიკურ მიწისძვრად" აფასებს.

იერმაკმა გადადგომის შესახებ განცხადება გუშინ, გვიან გაავრცელა, - ეს განცხადება კი გაკეთდა რამდენიმე საათის შემდეგ, რაც კიევის ეროვნული ანტიკორუფციული ბიურომ მიერ მის სახლში რეიდი ჩაატარა . ინფრომაციას ნიუ-იორკ პოსტი ავრცელებს.

„მე ფრონტზე მივდივარ და მზად ვარ ნებისმიერი შურისძიებისთვის", - განუცხადა ანდრეი იერმაკმა „The Post"-ს პარასკევს საღამოს, „პატიოსანი და წესიერი ადამიანი ვარ"-დასძინა მან.

„მე ვემსახურე უკრაინას და 2024 წლის 24 თებერვალს კიევში ვიყავი", - როცა რუსეთმა სრულმასშტაბიანი ომი დაიწყო. „შესაძლოა, კიდევ შევხვდეთ ერთმანეთს. დიდება უკრაინას".

იერმაკმა დამატებითი დეტალები იმის შესახებ, თუ როდის და როგორ წავიდოდა ფრონტის ხაზზე და შეუერთდებოდა თუ არა უკრაინის შეიარაღებულ ძალებს არ გაამხილა

პრეზიდენტის ადმინისტრაციის ყოფილი ხელმძღვანელის თქმით, იგი „შეურაცხყოფილი" იყო ანტიკორუფციული ორგანოების მიერ მის სახლში ჩატარებული ჩხრეკით

„ არ მინდა ზელენსკისთვის პრობლემების შექმნა; მე ფრონტზე მივდივარ.მე აღშფოთებული ვარ იმ სიბინძურით , რაც ჩემზე ვრცელდება", - დასძინა მან.

28 ნოემბრის საღამოს, პრეზიდენტმა ვოლოდიმირ ზელენსკიმ იერმაკის გადადგომის შესახებ განცხადება მიიღო, . დასავლეთმა ამ მოვლენას „პოლიტიკური მიწისძვრა" უწოდა.

იერმაკისთვის ბრალი ოფიციალურად ჯერ არ წაუყენებიათ. თუმცა, პარლამენტის წევრი ალექსეი გონჩარენკო მიიჩნევს, რომ პოლიტიკოსი ბიზნესმენ ტიმურ მინდიჩის კორუფციულ სქემებში მონაწილეობდა. პარლამენტის წევრმა იაროსლავ ჟელეზნიაკმა განაცხადა, რომ იერმაკი მინდიჩის ჩანაწერებში, რომლებიც NABU-მ ჩამოართვა, ალი ბაბას სახელით გამოჩნდა.

54 წლის იერმაკი უკრაინის პრეზიდენტის ადმინისტრაციის ხელმძღვანელის თანამდებობას 2020 წლის 11 თებერვლიდან იკავებდა, მანამდე კი ზელენსკის თანაშემწე იყოდა საგარეო პოლიტიკასა და საერთაშორისო ურთიერთობებს კურირებდა. ბოლო დროს იერმაკი კიევის ომის მოსაგვარებლად მოლაპარაკების ჯგუფს ხელმძღვანელობდა.

დიპლომატების ჯგუფი შეცვლილია

შეგახსენებთ, უკრაინის დელეგაცია ამ შაბათ-კვირას აშშ-ში ჩადის, რათა პრეზიდენტის სპეციალურ წარმომადგენელს სტივ უიტკოფს და ჯარედ კუშნერს შეხვდეს, მთავარი საკითხი, კი „28 პუნქტიანი სამშვიდობო გეგმაა", აღსანიშნავია, რომ წინა მოლაპარაკებეში უკრაინულ დელეგაციას სწორედ იერმარკი ხელმძღვანელობდა.

ზელენსკიმ თავისი მომლაპარაკებელის გუნდი, რომელსაც აშშ-სთან სამშვიდობო გეგმაზე მუშაობა დაევალა, უკვე შეცვალა.

გუნდში რჩება უკრაინის ეროვნული უშიშროებისა და თავდაცვის საბჭოს მდივანი, რუსტემ უმეროვი.

შეგახსენებთ ეს ის უმეროვია, რომელზეც ადრე ინფორმაციები ვრცელდებოდა, რომ ტრამპის 28 პუნქტიანი გეგმის შესახებ ადრე იცოდა, და კონკრეტულ პუნქტების შესრულებაზეც თანახმა იყო, რაც ზელენსკისთვის მიუღებელი აღმოჩდნა. მოგვიანებით უმეროვმა გავრცელებული ინფორმაციები უარყო და დასძინა, რომ მას არანაირი თავდაპირველ პუნქტებზე თანხმობა არ გაუცია.

რაც შეეხბა იერმაკს, ბუნებრივია ის ჯგუფიდან „ჩამოიწერა", მის სახლში რეიდი მას შემდეგ განხორციელდა, რაც უკრაინის ანტიკორუფციულმა ორგანომ 15 თვიანი გამოძიების შემდეგ, თაღლითური სქემა გაშიფრა, რომელშიც უკრაინის პრეზიდნეტის ახლო მეგობარიც ფიგურირებდნენ.

უფრო კონკრეტულად, თაღლითური ორგანიზაცია, „ენერგოატომის" კონტრაქტორებს 10-15 პროცენტიანი ქრთამის გადახდას აიძულებდა, - წინააღმდეგ შემთხვევაში, კი მათ „შავ სიაში" მოხვედრა ემუქრებოდათ.გამომძიებლების თქმით, თაღლითებმა 100 მილიონი დოლარი მიითვისეს.

აშშ-ში უკრაინის ელჩმა ოლჰა სტეფანიშინამ The Post-ს განუცხადა, რომ „იერმაკმა თანამდებობა დატოვა, რადგან სპეკულაციების შეწყვეტა სურდა", - თქვა მან.