რადიო "თავისუფალი ევროპის“/"რადიო თავისუფლების" ბულგარული და რუმინული სერვისები (RFE/RL და Europa Liberă Romania) მაუწყებლობას 2026 წლის 31 მარტს შეწყვეტენ.

"ეს გადაწყვეტილება მარტივად არ მიღებულა და, პირველ რიგში, ხანგრძლივი საბიუჯეტო სირთულეებით არის განპირობებული. ჩვენ ვამაყობთ იმ უკომპრომისო და დაბალანსებული ჟურნალისტიკით, რომელსაც Svobodna Evropa და Europa Liberă România 2019 წელს, ბულგარეთსა და რუმინეთში დაბრუნების შემდეგ ქმნიდნენ. მადლობას ვუხდით ამ გუნდებს აუდიტორიისა და "რადიო თავისუფლების" ერთგულებისთვის ამ 7 წლის განმავლობაში", - განაცხადა RFE/RL-ის პრეზიდენტმა და გენერალურმა დირექტორმა სტივენ კაპუსმა.