შაბათს, ორ გემზე განხორციელებული თავდასხმის შემდეგ, ჰორმუზის სრუტეში საზღვაო მიმოსვლა კვლავ შეჩერდა.

Marine Traffic-ის ცნობით, ამ ტერიტორიაზე არსებული გემების უმეტესობა სპარსეთის ყურის სიღრმეში ან ომანის ყურის შედარებით უსაფრთხო წყლებში გადავიდა.

ცნობისთვის, დიდი ბრიტანეთის საზღვაო ტრანსპორტის ორგანიზაციის ცნობით, შაბათს, ირანულმა ნავებმა სრუტეში გამავალ ტანკერს ცეცხლი გაუხსნეს, ხოლო მეორე გემს "უცნობი ჭურვი" მოხვდა.

ირანმა ჰორმუზის სრუტის გახსნასთან დაკავშირებით თავისი პოზიცია გუშინ შეცვალა და განაცხადა, რომ გააგრძელებს სრუტის ბლოკირებას მანამ, სანამ აშშ-ის მიერ ირანის პორტების ბლოკადა ძალაში დარჩება.