უელსის ეკლესიის მმართველმა ორგანომ დაამტკიცა კანონპროექტი, რომელიც ერთნაირსქესიანთა ქორწინებების კურთხევის მომსახურებას მუდმივ წესად აქცევს. ინფორმაციას BBC ავრცელებს.

ეს გადაწყვეტილება 2021 წელს შემოღებულ დროებით ზომას მოჰყვა, რომლის მიხედვითაც ერთნაირსქესიან წყვილებს შეეძლოთ თავიანთი ქორწინების ან სამოქალაქო პარტნიორობის კურთხევა საეკლესიო ცერემონიით.

უელსის ეკლესიის რამდენიმე მაღალი რანგის წარმომადგენელმა, მათ შორის სენტ ასაფისა და ლლანდაფის ეპისკოპოსებმა, წინადადებას მხარი დამტკიცებამდე დაუჭირეს.

ინდივიდუალურ სასულიერო პირებს მაინც ექნებათ უფლება, უარი თქვან ერთნაირსქესიანი წყვილების კურთხევის ჩატარებაზე.

კურთხევის მსახურების მუდმივ წესად ქცევას 143 წევრმა დიდი უმრავლესობით დაუჭირა მხარი.