"ქართული ოცნების" ახალგაზრდული ორგანიზაციის შემაჯამებელი კონფერენცია დღეს თბილისში გაიმართება. შეკრებები აპრილში, აჭარიდან დაიწყო და დისკუსია კითხვა-პასუხის ფორმატში მიმდინარეობდა.
ორგანიზაციის წევრები აღნიშნავენ, რომ შეხვედრები შედეგს აუცილებლად გამოიღებს. მარიამ გრიგოლიშვილის განცხადებით, ერთიანი იდეითა და მიზნით, ჩვენი ქვეყანა აუცილებლად წინ წავა:
"ქართული ოცნების" ახალგაზრდული ორგანიზაციის რეგიონული კონფერენციები გახლავთ იმის დასტური, რომ როგორი პოლიტიკური შეხედულებებიც და როგორი კრიტიკული შეკითხვებიც არ უნდა ჰქონდეთ ახალგაზრდებს, დიალოგს ალტერნატივა არ აქვს. მთავარია, ერთი საერთო მიზანი გვაერთიანებდეს - ეს გახლავთ სამშობლოს სიყვარული და სურვილი, რომ ჩვენი ქვეყნისთვის ბევრი სასიკეთო საქმე გავაკეთოთ. ამ ერთიანი იდეითა და მიზნით, ჩვენი ქვეყანა აუცილებლად წინ წავა. განსაკუთრებით საინტერესოა, რომ ამ პროექტზე გაჟღერებული იდეები აუცილებლად გაითვალისწინება შემდგომში ახალგაზრდული პოლიტიკის დაგეგმვის ნაწილში," - აღნიშნავს "ქართული ოცნების" ახალგაზრდული ორგანიზაციის გამგეობის წევრი მარიამ გრიგოლიშვილი.
დასკვნით შეხვედრაზეც ფორმატი უცვლელია. რეგიონული კონფერენციების მიზანი, ახალგაზრდებთან უშუალო კომუნიკაცია და პოლიტიკურ პროცესებში მათი მონაწილეობის გაზრდაა.