გიორგი ბარამიძის განცხადებას მტკიცებულებად ქართველების წინააღმდეგ ოკუპირებული აფხაზეთის ე.წ. ხელისუფლება იყენებს. თავად ბარამიძე კი პასუხისმგებლობას არ გრძნობს და დღესაც იმავეს იმეორებს.

„ომის დროს, როდესაც ადამიანს დედა ჰყავს მოკლული, ძმა ჰყავს მოკლული, მტერს არ ინდობ, ტყვეს არ იყვან და ხვრეტ. ამაზე საუბრობს ეს მოღალატეობრივი რეჟიმი. მე არ დამიდანაშაულებია არვინ, ეს არის მტკნარი ტყუილი. კრემლის რეჟიმს ვადანაშაულებ ტყუილების გავრცელებაში. ვამაყობ იმით, რომ ყოველთვის ვლაპარაკობ სიმართლეს“, - განაცხადა გიორგი ბარამიძემ.