ახლო აღმოსავლეთში ვითარება უკიდურესად რთულია. მხარეები ოფიციალურად ცეცხლის შეწყვეტის 60-დღიანი მემორანდუმის გაგრძელებაზე უარს ამბობენ.

ვაშინგტონი თეირანს კაპიტულაციისკენ მოუწოდებს და დარტყმებით ემუქრება.

ამერიკის შეერთებული შტატების პრეზიდენტი აცხადებს, რომ არ შეიძლება ირანს ბირთვული იარაღი ჰქონდეს და არც ექნება.

„ირანს არ შეიძლება ჰქონდეს ბირთვული იარაღი და არც ექნება. ახლა კი, იმის შემდეგ, რაც ჩვენ B-2 ტიპის ბომბდამშენებით გავაკეთეთ, კიდევ მეტი დრო დასჭირდებათ, რომ ბირთვული იარაღი შექმნან. ირანი დიდ გასაჭირშია. მათ 300%-იანი ინფლაცია აქვთ. ქვეყანაში სრული ქაოსია, მათი სამხედრო ძალები კი დავამარცხეთ“, - განაცხადა დონალდ ტრამპმა.