რეზონანსი
16.01.2022

ლელოს ლიდერი, მამუკა ხაზარაძე ტვ იმედის შენობასთან მივიდა და ითხოვს, პირდაპირი ეთერი დაუთმონ. მისი თქმით, მზადაა, მის მიმართ ფულის გათეთრების საქმეზე ყველა კითხვას პასუხი გასცეს.

"მე დავდე სტატუსი დღეს, მანამდე დავარეკინე ტვ იმედში რომ მოვდივართ. ვუთხარით, რომ სიუჟეტის ფარგლებში მზად ვართ, პირდაპირ ეთერში ტვ იმედის მაყურებელს მივაწოდოთ ამომწურავი ინფორმაცია.

ამომწურავი ინფორმაცია კი ის არის, რომ საქართველოში, 21-ე საუკუნეში არ უნდა არსებობდეს ტელევიზია, სადაც განსხვავებული პოლიტიკური შეხედულების მქონე ადამიანებს აქვთ კარები ჩარაზული. 3 წლის განმავლობაში მე და ბადრი ჯაფარიძე, ნებისმიერი თანაპარტიელი ვერ მოხვდა ამ სივრცეში მხოლოდ იმიტომ, რომ სხვანაირად ვუყურებთ მოვლენებს", - განაცხადა მამუკა ხაზარაძემ ფორმულას ეთერში საუბრისას. 

ადგილზე მივიდა იმედის ჟურნალისტი, რომელმაც ხაზარაძეს უთხრა, რომ სიუჟეტის ფარგლებში ჩაიწერდა მის კომენტარს, პირდაპირ ეთერს კი გადაცემის ფორმატი არ ითვალისწინებდა, რაზეც მამუკა ხაზარაძემ უარი თქვა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×