რეზონანსი
25.06.2022

ნებისმიერმა ადამიანმა და იურისტმა იცის როგორ იცვლება ხელისუფლება, ეს არის უტოპიური განცხადება, მიკვირს ისეთი ადამიანებისგან ასეთი განცხადების გაჟღერება, რომლებსაც პრეტენზია აქვთ, რადგან იურისტები არიან. მე ვერ მივხვდი რა უნდა ამ ჯგუფს, ხელისუფლებაში მოსვლა თუ ევროპაში შესვლა უნდა, - ამის შესახებ საპარლამენტო უმრავლესობის წევრმა, კახი კახიშვილმა „ქრონიკაში“ 24 ივნისის აქციაზე ხელისუფლების მიმართ წაყენებულ ოპოზიციის მოთხოვნებზე საუბრისას განაცხადა.

„ვინ გადაწყვიტა, ვინ არის ეროვნული მთავრობის შემრჩევი. იურიდიულად იმაზე შევთანხმდეთ, რომ საქართველოს ხელისუფლება პირდაპირ ცნობს არჩევნებს, რომელიც შედგა 2020 წელს საპარლამენტო არჩევნებს და კონსტიტუციის საფუძველზე არჩევნების შედეგად შეირჩა პარლამენტი წევრთა რაოდენობა, მანდატები გადანაწილდა და კონსტიტუციის შესაბამისად იმ პოლიტიკურ ძალას, რომელსაც ჰქონდა უმრავლესობა დააკომპლექტა მთავრობა. ეს არის კონსტიტუციური მოთხოვნა და თეთრზე შავად წერია და ნებისმიერმა ადამიანმა იცის, რომ აი ამ პოსტულატებს უნდა ვცეთ პატივი.

ახლა პოლიტიკურად, ეროვნული მთავრობის შერჩევა მე ვიცი საარჩევნო ყუთთან, როდესაც ყველა მოქალაქეს უფლება აქვს მივიდეს და შემოხაზოს სასურველი კანდიდატი. ეს არის ცნება, როდესაც მოსახლეობა პირდაპირ იღებს მონაწილეობას ხელისუფლების შერჩევაში“, - განაცხადა კახი კახიშვილმა.

24 ივნისის აქციაზე ჩამოყალიბდა ახალი მოძრაობა „შინ ევროპისკენ“, რომელმაც ერთი კვირის განმავლობაში პრემიერ-მინისტრის გადადგომა მოითხოვა. ოპოზიციის წარმომადგენლებმა დაადასტურეს, რომ მოძრაობის მოთხოვნები მათთან არის შეთანხმებული.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×