მეთერთმეტე სხდომა საკონსტიტუციო სასამართლოში კვლავ მწვავე პოლიტიკური დაპირისპირებისა და ურთიერთბრალდებების ფონზე წარიმართა. ოპოზიციური პარტიების აკრძალვის შესახებ სარჩელის განხილვისას მოსამართლეების კითხვებს მხარეთა შორის სიტყვიერი შელაპარაკებები მოჰყვა. განსაკუთრებული დაპირისპირება მოსამართლე ევა გოცირიძესა და „ნაციონალური მოძრაობის" წარმომადგენლებს შორის გაჩაღდა, როდესაც გოცირიძემ პარტიას მათი ხელისუფლებაში ყოფნის პერიოდში ჩადენილი დანაშაულების გამოუძიებლობასა და მკვლელების წახალისებაზე პასუხისმგებლობის საკითხი დაუსვა.

პოლიტიკური და საზოგადოებრივი ვნებათაღელვა მოჰყვა მიტროპოლიტ იობის განცხადებას, რომელმაც ხელისუფლების შესაძლებლობების ამოწურვაზე ისაუბრა. ამ პოზიციამ საპატრიარქოსა და სასულიერო პირების მხრიდან შეფასებები გამოიწვია - მმართველმა გუნდმა ის „რეალობას აცდენილად" მიიჩნია, ხოლო ოპოზიციურმა სპექტრმა კრიტიკული პოზიცია სრულად მოიწონა.

საქართველოში დასაქმებული უცხო ქვეყნის მოქალაქეებისთვის, შრომითი საქმიანობის უფლების მოსაპოვებელი გარდამავალი ვადა 2027 წლის 1-ელ იანვარს იწურება. ცვლილება ეხება უცხო ქვეყნის იმ მოქალაქეებს, რომლებიც 2026 წლის 1-ელ მარტამდე, სპეციალურ ელექტრონულ ბაზაში იყვნენ რეგისტრირებულნი. ექსპერტების შეფასებით, ცვლილებების მიზანია შრომითი მიგრაციის პროცესის მოწესრიგება, უცხო ქვეყნის მოქალაქეების შრომითი საქმიანობის კონტროლი და ადგილობრივი შრომის ბაზრის ინტერესების გათვალისწინება.

ოპოზიციურ სპექტრში კვლავ აქტიურდება გაერთიანების აუცილებლობაზე საუბარი. პოლიტიკური ძალებისგან სულ უფრო ხშირად ისმის მოწოდებები, რომ პარტიებმა ვიწრო პარტიულ ინტერესებს გადააბიჯონ, „პარტიული ნაჭუჭებიდან" გამოვიდნენ და საერთო მოქმედების საჭიროება და აუცილებლობა გააცნობიერონ.

ხუთი ოპოზიციური პარტიის პოლიტიკური მომავლის საკითხი საკონსტიტუციო სასამართლოში კვლავ იხილება - მეათე სხდომაც მხარეებს შორის კითხვა-პასუხის რეჟიმში განახლდა, თუმცა, პროცესს თან ახლდა მწვავე სიტყვიერი დაპირისპირება, ურთიერთბრალდებები და კამათი, რასაც სხდომის დარბაზიდან წარმომადგენლების გაძევებაც მოჰყვა.

საკონსტიტუციო სასამართლოში ხუთი ოპოზიციური პარტიის არაკონსტიტუციურად გამოცხადებისა და აკრძალვის შესახებ "ოცნების" სარჩელის განხილვა გრძელდება და თუ სასამართლო ხუთივე ოპოზიციური პარტიის აკრძალვის შესახებ გადაწყვეტილებას მიიღებს, საქართველოში პოლიტიკური ლანდშაფტი არსებითად შეიცვლება.

რამდენიმე დღის შესვენების შენდეგ, საკონსტიტუციო სასამართლოში ხუთი ოპოზიციური პარტიის აკრძალვის საქმეზე მეცხრე სხდომაზე განხილვა კითხვების ეტაპზე გადავიდა - იყო სიტყვიერი დაპირისპირება და ხმაური. მოსარჩელე მხარის წარმომადგენლებმა ორი შუამდგომლობა დააყენეს. აქედან სასამართლომ ერთი დააკმაყოფილა, ისიც ნაწილობრივ.

საქართველოს მოსახლეობის რაოდენობა ბოლო ათ წელიწადში 5.6%-ით გაიზარდა, მაგრამ მხოლოდ უცხოელი მიგრანტების ხარჯზე. დემოგრაფების განცხადებით, სიტუაცია არასახარბიელოა, მაგრამ ეს პრობლემა ბოლო ათ წელიწადში კი არა, 2000-იანი წლების დასაწყისიდან გამოიკვეთა, როდესაც მაშინდელი ხელისუფლების ხელშეწყობით, ქვეყანაში უცხოელი მიგრანტების რაოდენობა გაიზარდა. პრობლემა სერიოზულია, თუმცა გამოსავალიც არსებობს - აუცილებელია პირადობის მოწმობასა და პასპორტში ეროვნების გრაფის აღდგენა და ქვეყნის სოციალურ-ეკონომიკური მდგომარეობის გაუმჯობესება. 

მაღალი ინფლაციის ფონზე საქართველოში ხელფასების საკითხი კვლავ აქტუალური გახდა. უკვე ცნობილია, რომ მომავალი წლიდან 217 ათასზე მეტ ადამიანს ხელფასი გაეზრდება, რისთვისაც ბიუჯეტში 810 მლნ ლარზე მეტი გამოიყო. სახელმწიფო დონეზე მიღებული ეს გადაწყვეტილება საჯარო სექტორში შრომის ანაზღაურების ეტაპობრივ გაუმჯობესებასა და სოციალური გარანტიების შექმნას ისახავს მიზნად, თუმცა, პარალელურად, მწვავედ დგას რესურსების სამართლიანი განაწილების საკითხი. 

თითქმის ორი კვირაა ნავთობის მუდმივად იაფდება. ამერიკის შუალედური არჩევნების შემდეგ დამდგარი ახალი პოლიტიკური რეალობის ფონზე, „ბრენტის“ ტიპის ნავთობის ღირებულებამ 91 დოლარი შეადგინა. სიტუაცია შესაძლოა კიდევ უფრო შეიცვალოს ჰორმუზის სრუტის გახსნის შემთხვევაში, რაც ბაზარზე ნავთობის დამატებით ნაკადს შეიტანს და ფასს კიდევ უფრო დააგდებს. თუ ახალი რეალური სამხედრო დაპირისპირება არ გაჩაღდა, ენერგომატარებლების საგრძნობი გაიაფება გარდაუვალია.

საკანონმდებლო ორგანოში განიხილავენ ცვლილებების პროექტს, რომლითაც საფინანსო ბაზარზე ახალი ბანკები და მაღალი კონკურენცია უნდა გაჩნდეს. სპეციალისტები ამ ცვლილებას მიესალმებიან, თუმცა, მათი აზრით, პრობლემა ამით მაინც არ მოგვარდება.

აბუ-დაბიში სამმხრივი მოლაპარაკებების მეორე დღეს რუსეთის, აშშ-ისა და უკრაინის დელეგაციების შეხვედრა თითქმის ორ საათს გაგრძელდა. რუსეთის პრეზიდენტის თანაშემწემ, სამმხრივ მოლაპარაკებებში რუსეთის დელეგაციის ხელმძღვანელმა ვლადიმერ მედინსკიმ განაცხადა, რომ მოლაპარაკების ცენტრალური თემა უკრაინის კონფლიქტის დასრულების შემდეგ ევროპაში მომავალი უსაფრთხოების არქიტექტურა იყო.