4 ოქტომბრის საქმეზე მსჯავრდებულთა ნაწილი საპატიმროს მალე დატოვებს - შეკრების ორგანიზატორები მურთაზ ზოდელავა, ლაშა ბერიძე 4 ნოემბერს გამოდიან. აქციის სხვა ორგანიზატორები - პაატა ბურჭულაძე, ირაკლი ნადირაძე და პაატა მანჯგალაძე ამ გზით გათავისუფლებას ამ ეტაპზე არ განიხილავენ. საერთო ჯამში ამ საქმეზე გასამართლებული 64 პირიდან საპროცესო შეთანხმება უკვე 50-მა მოითხოვა და ეს პროცესი გრძელდება. ანალიტიკოსთა ნაწილი არ გამორიცხავს, რომ საპროცესო შეთანხმების გაფორმება სხვა მსჯავრდებულებმაც მოითხოვონ, მათ შორის მათ, ვინც ამ ეტაპზე ამ შესაძლებლობას უარყოფს. ხელისუფლება კი, თავის მხრივ, შეეცდება ეს პროცესი საკუთარი პოლიტიკური პოზიციების გასამყარებლად გამოიყენოს როგორც დასავლეთთან ურთიერთობაში, ისე ქვეყნის შიგნით.

შიდა პოლიტიკური დაძაბულობისა და მზარდი უთანხმოებების ფონზე, 3 ნოემბრიდან „ნაციონალური მოძრაობა" ოფიციალურად აღარ არის ოპოზიციის ალიანსის წევრი. ალიანსში ამაზე განსხვავებული განცხადებები კეთდება. ლიდერთა ნაწილი ამბობს, რომ ენმ გარიცხეს, ნაწილის თქმით კი ალიანსის წესდებაში პარტიის გარიცხვის პროცედურა საერთოდ არაა გაწერილი. თავად „ნაცმოძრაობაში" აცხადებენ, რომ ისინი უკვე დიდი ხანია აღარ არიან ამ გაერთიანების წევრი და ეს არაერთხელ დაუდასტურებით საჯაროდ.

საქართველოში ბინების ფასი ლარში ინფლაციის მაჩვენებელს მნიშვნელოვნად უსწრებს. თუ ეს პროცესი არ დასტაბილურდა, სფეროში შესაძლოა, 2008 წლის კრიზისის სცენარი განმეორდეს. გაძვირების ასეთმა სწრაფმა ტენდენციამ საქართველოს მოქალაქეებისთვის ბინის შეძენა თითქმის შეუძლებელი გახადა. ამას ადასტურებს სტატისტიკაც, სადაც ნათქვანია, რომ მყიდველთა თითქმის 50%-ი უცხო ქვეყნის მოქალაქეა. სპეცილისტების აზრით, თუ სახელმწიფო და ფინანსური სექტორი დროულად არ იზრუნებენ ადგილობრივი მოსახლეობისთვის ალტერნატივების შექმნაზე, არსებული ბუმი შესაძლოა, სამომავლოდ ქვეყნის ეკონომიკისთვის მძიმე ფინანსურ ტვირთად იქცეს.

ხანგრძლივი პაუზის შემდეგ, უკრაინისა და რუსეთის წარმომადგენლები მოლაპარაკებების მაგიდასთან კვლავ ერთმანეთის პირისპირ სხდებიან. 10-11 ნოემბერს აბუ-დაბიში ჩანიშნულ შეხვედრას დასავლეთში უკვე უწოდებენ შესაძლო გარდამტეხ ეტაპს, თუმცა, პროცესს თან სდევს სკეპტიციზმიც.

ექსპრემიერ ირაკლი ღარიბაშვილის სასამართლოს დახურვამ საზოგადოების ნაწილში გააძლიერა ეჭვები, რომ ხელისუფლება თავს იზღვევს ახალი სკანდალებისგან, რაც შეიძლება გამოიწვიოს სხდომებზე ახალი შესაძლო კორუფციული ბრალდებებისა და ახალი სახელების გაჟღერება. დაცვის მხარის მიერ ციხეში ღარიბაშვილის შესაძლო წამებაზე გამოძიების მოთხოვნამ კი ვითარება კიდევ უფრო დრამატული გახადა.

4 ნოემბერს ევროკომისია გაფართოების ანგარიშს გამოაქვეყნებს. სხვადასხვა წყაროების წინასწარი ინფორმაციით, საქართველოს მიმართ ბრიუსელის კრიტიკული გზავნილები უცვლელი დარჩება - ქვეყანა წევრობის კანდიდატად მხოლოდ ფორმალურად იქნება მოხსენიებული, თუმცა სტატუსის გაუქმება მოსალოდნელი არ არის. საინტერესოა ის ფაქტიც, რომ ანგარიშის გამოქვეყნების დროს პრემიერი ირაკლი კობახიძე ბრიუსელში იქნება.

ჟენევის დისკუსიების მორიგი, 68-ე რაუნდი, რომელიც 10-11 ნოემბერს იმართება, განსაკუთრებული ყურადღების ცენტრშია, რადგან საქართველოს დელეგაციას სათავეში ახალი ხელმძღვანელი - საგარეო საქმეთა მინისტრის პირველი მოადგილე და რუსეთთან ურთიერთობების საკითხებში პრემიერ-მინისტრის სპეცწარმომადგენელი გიორგი ზურაბაშვილი ჩაუდგება. მის დანიშვნას წინ უძღოდა კონკრეტული მოვლენები, რაც ანალიტიკოსებს აფიქრებინებს, რომ ეს საკადრო დაგაწვყვეტილება რუსეთის მიმართ საქართველოს პოლიტიკის შეცვლას მოასწავებს.

ოპოზიციური პარტიების შესაძლო აკრძალვა, 4 ოქტომბრის საქმეზე მსჯავრდებულების მონანიების სანაცვლოდ გათავისუფლება, ექსპრემიერ ირაკლი ღარიბაშვილის შესაძლო შეწყალების საკითხი - პრემიერ-მინისტრი ირაკლი კობახიძე რამდენიმე მნიშვნელოვან თემას შეეხო. მისი განცხადებით, ხუთი ოპოზიციური პარტიის აკრძალვის მოთხოვნით წარდგენილი სარჩელის საფუძვლები იმდენად მკაფიოა, რომ მმართველი პარტია "ბოლომდე წელში გამართულია".

ყოფილი პრემიერ-მინისტრი და პარტია "გახარია საქართველოსთვის" ლიდერი გიორგი გახარია საქართველოში ახალი პოლიტიკური პარტიების შექმნის ინდიკაციებზე საუბრობს და მიიჩნევს, რომ მათი დამფუძნებლები შესაძლოა ნებსით თუ უნებლიედ "ქართული ოცნების" პოლიტიკურ თამაშში ერთვებოდნენ.

ნავთობის გლობალურ ბაზრებზე ფასების ზრდის  ტენდენცია შეიძლება შეიცვალოს.  ბოლო 2 დღეა საერთაშოარისო ბირჯებზე დიდი ვარდნაა. როგორც კი ესკალაციის რისკი შედარებით მცირდება და პოლიტიკური დიალოგის იმედი ჩნდება, სიტუაცია იცვლება. პარალელურად აშკარაა, რომ სპეკულაციური ფაქტორი საკმაოდ დიდია, რაზეც სპეციალისტები დაუფარავად საუბრობენ.

გაზის გადასახადთან დაკავშირებით მიდგომა იცვლება. უკვე  ცნობილია, რომ საფეხურებრივი ტარიფები დაწესდება, მაგრამ რა უნდა იყოს გაზის ტარიფის ქვედა ზღვარი, რომ მან რეალურად დაიცვას სოციალურად დაუცველი და მოსახლეობის ხელმოკლე ფენა?  რამდენად შესაძლებელია ამ სქემის ეკონომიკურად გამართლება? - ამ კითხვებზე პასუხებიც უახლოეს თვეებში თითოეული ოჯახის ბიუჯეტისთვის გადამწყვეტი იქნება.

გლობალური შიმშილის 2026 წლის ანგარიშის მიხედვით, საქართველო საუკეთესო 24 ქვეყანას შორის დასახელდა. პარალელურად კი, „საქსტატის“ მონაცემებით, ქვეყნის მასშტაბით, ყოველი მეოთხე ბავშვი სიღარიბის ზღვარს ქვემოთაა. მიუხედავად იმისა, რომ ეს მონაცემები ერთმანეთისგან განსხვავდება, სოციოლოგებისა და ეკონომისტების განცხადებით, რეალურად, ასეც უნდა იყოს, რადგან სრულიად განსხვავებულ სურათს გვიჩვენებს. 

პარლამენტმა დაჩქარებული წესით განიხილა და მესამე მოსმენით უკვე დაამტკიცა საკანონმდებლო ცვლილებათა პაკეტი, რომლის თანახმად, საქართველოში საერთაშორისო აზარტული ტურნირები გაიმართება. ეკონომიკისტები ამ ცვლილებაში საგანგაშოს ვერაფერს ხედავენ და პირდაპირ აცხადებენ, რომ ეს ლუდომანიის წახალისება კი არა, ეკონომიკურად მომგებიანი გადაწყვეტილებაა.

პოლიციამ ზუგდიდში მამა-შვილის დაჭრაში ბრალდებული, წარსულში მრავალჯერ ნასამართლევი ვალტერ როგავა დააკავა.

მოსკოვი უკრაინის გავლით ევროპაში გაზის ტრანზიტის აღდგენას ამ ეტაპზე გამორიცხავს და აქცენტს „გლობალურ სამხრეთზე" აკეთებს. კრემლის ეს პოზიცია ამერიკულ მედიაში გავრცელებულ ცნობებს მოჰყვა. რას ემსახურება გაზის მარშრუტების გარშემო აგორებული ახალი ტალღა და დგას თუ არა მის უკან ევროკავშირის შესუსტების გეოპოლიტიკური ინტერესი.

ბულგარეთის საპრეზიდენტო არჩევნების მეორე ტურის ხმების დათვლის პროცესი დასრულდა, საბოლოო შედეგებით გამარჯვება ილიანა იოტოვამ მოიპოვა. ბულგარეთის ცენტრალური საარჩევნო კომისიის მონაცემებით, ბიულეტენების 100%-ის დათვლის შემდეგ ცხადი გახდა, რომ იოტავამ საპრეზიდენტო არჩევნების მეორე ტურში ხმების 57.57 პროცენტი მოიპოვა. მისმა ოპონენტმა, ყოფილმა პრემიერ-მინისტრმა ანდრეი გიუროვმა კი - 39.48 პროცენტი. ბულგარელი ამომრჩევლების 2.9 პროცენტმა კი ხმა არცერთ საპრეზიდენტო კანდიდატს არ მისცა.