საქართველოს გარშემო პოლიტიკური და ეკონომიკური წნეხი იზრდება - ევროკავშირი თბილისთან ურთიერთობის გადახედვას იანვრისთვის გეგმავს, რუსეთი კი ქართული პროდუქციის ნაწილის იმპორტს ზღუდავს. რა დგას ამ პროცესების უკან, რამდენად შეუძლია საქართველოს დასავლეთთან ურთიერთობების გადატვირთვა და ხომ არ იქცევა რუსული ემბარგო ხელისუფლებაზე დამატებითი ზეწოლის მექანიზმად? ანალიტიკოსი რამაზ საყვარელიძე მიიჩნევს, რომ ევროკავშირის პოზიციის შეცვლა უახლოეს მომავალში ნაკლებად მოსალოდნელია, ხოლო რუსეთის მიერ დაწესებულ შეზღუდვებში პოლიტიკურ მიზნებსაც ხედავს.

„ქართულ ოცნებაში" აცხადებენ, რომ მიუხედავად ბრიუსელის „შანტაჟისა" და ოპოზიციისთვის შანსების მიცემისა, „შუა დერეფნის" მნიშვნელობიდან გამომდინარე ევროკავშირს ურთიერთობის დალაგება და დიალოგის დაწყება მოუწევს. ანალიტიკოსთა ერთი ნაწილი ამ მიდგომას არარეალისტურად მიიჩნევს, სხვები კი ფიქრობენ, რომ საქართველო ევროკავშირს თავად უფრო მეტად სჭირდება.

საერთაშორისო ბაზარზე დიზელის ფასი ისტორიულ მაქსიმუმს მიუახლოვდა.  1 ბარელის ღირებულებამ უკვე 200 დოლარს გადააჭარბა და როგორც სპეციალისტები ვარაუდობენ, შესაძლოა, 250 დოლარსაც კი მიაღწიოს. დიზელის გაძვირებას ორი მიზეზი აქვს: აშშ-ირანისა და რუსეთ-უკრაინის ომი. თუ ეს კონფლიქტები არ დარეგულირდება და ჩაკეტილი სრუტეები არ გაიხსნება, ნავთობპროდუქტების გაიაფება წარმოუდგენელია. 

იმის ფონზე, რომ ბოლო დროს აშშ-ის პრეზიდენტმა, დონალდ ტრამპმა ვოლოდიმირ ზელენსკიზე წნეხი გააძლიერა, რესპექტაბელურ მედიაში ვრცელდება ცნობები იმის შესახებ, რომ შესაძლოა ახლა ამერიკამ უკრაინას რუსულ ენერგეტიკულ ინფრასტრუქტურაზე დარტყმების გამო სამხედრო დაზვერვის გაზიარება და იარაღის მიწოდების სისტემა შეუჩეროს, რასაც ომში კრიტიკული მნიშვნელობა გააჩნია. სამხედრო ანალიტიკოსის ვახტანგ მაისაიას პროგნოზით, დახმარების შეწყვეტა უკრაინის მდგომარეობას რადიკალურად შეცვლის.

ევროკავშირი საქართველოსთან მიმართებით არსებული პოლიტიკის გადახედვას იანვარში გეგმავს - კაია კალასის განცხადებით, ბრიუსელის ამჟამინდელი მიდგომა ვერც ხელისუფლებაზე საკმარის ზეწოლას უზრუნველყოფს და ვერც ევროკავშირის სტრატეგიული ინტერესების განხორციელებას უწყობს ხელს. ევროკავშირის უმაღლესი წარმომადგენელი „ქართულ ოცნებას" დემოკრატიულ უკუსვლასა და ქართველი ხალხისთვის ევროპული მომავლის წართმევაში ადანაშაულებს. მმართველ გუნდში კი აცხადებენ, რომ საქართველო მზად არის დიალოგს დაუბრუნდეს. თუმცა, მათი შეფასებით. „შუა დერეფნის" მზარდი მნიშვნელობის გამო, ბრიუსელს საქართველოსთან ურთიერთობის აღდგენა თავადაც დასჭირდება.

პარტიების აკრძალვის შესახებ საკონსტიტუციო სარჩელის განხილვისგან მანანა კობახიძის თვითაცილების მცდელობა უშედეგოდ დასრულდა - საკონსტიტუციო სასამართლოს მოსამართლეს, რომელიც „ქართული ოცნების" ერთ-ერთი დამფუძნებელია და „ნაციონალური მოძრაობის" მწვავე კრიტიკოსი იყო, სარჩელისგან აცილების ოფიციალური მოთხოვნა არ დაუკმაყოფილეს.

აფხაზური მედიის ინფორმაციით, შავი ზღვის თავზე ჩამოაგდეს უკრაინული რაკეტები, რომელიც ოჩამჩირისკენ მიფრინავდა. ეს მსგავსი ტიპის პირველი ინფორმაცია, რომელიც შესაძლოა იმაზე მიუთითებდეს, რომ უკრაინა აფხაზეთის ტერიტორიაზე განლაგებულ რუსულ სამხედრო სამიზნეებზე იწყებს დარტყმებს.

საქართველო საგარეო პოლიტიკის თვალსაზრისით ერთ-ერთი ყველაზე რთული გამოწვევის წინაშე დგას - აშშ-ს საქართველოსთან სტრატეგიული პარტნიორობა შეჩერებული აქვს, ევროკავშირი დიალოგის აღდგენას კონკრეტული პოლიტიკური ნაბიჯების გადადგმას უკავშირებს. ამ ფონზე რუსეთმა ქართული პროდუქციის ნაწილის იმპორტსა და რეალიზაციაზე შეზღუდვები დააწესა, რასაც შესაძლოა უფრო ფართო ეკონომიკური ზეწოლის დაწყების საფრთხეც უკავშირდებოდეს.

ექსპრეზიდენტი მიხეილ სააკაშვილი ამჯერად ახლად შექმნილ ოპოზიციურ პარტიებს უპირისპირდება. მისი აზრით, ოპოზიციაში იქმნება ახალი პარტიები, რომლებიც საკონსტიტუციო სასამართლოს მიერ, „ოცნების" სარჩელის საფუძველზე, 5 ოპოზიციურ პარტიის აკრძალვას ელოდებიან, რათა შემდეგ ოპოზიციურ ველზე მათი ნიშა დაიკავონ. ამ პარტიებსა და მათ ლიდერებს სააკაშვილი „იმბეცილოებს" უწოდებს, რომელთაც სურთ გახდნენ „ახალი მიშა" და ამ კონტექსტში მინიშნებას აკეთებს პარტია „ჯერ საქართველო"-ს დამფუძნებელ ვიქტორ ყიფიანზე.

პენსიების გაზრდის შემდეგ, პარლამენტში ვეტერანებისა და მარჩენალდაკარგული ბავშვების დახმარების გაზრდის ინიციატივა წამოჭრეს. „ხალხის ძალის“ წევრის, სოზარ სუბარის ამ წინადადებას სპეციალისტები დადებითად აფასებენ. რამდენადაც დღეს არსებული მიზერული შემწეობა მინიმალურ მოთხოვნილებებსაც ვერ აკმაყოფილებს, ექსპერტების ნაწილი იმედოვნებს, რომ მთავრობა ამ საკითხს 2027 წლის ბიუჯეტში უკვე გაითვალისწინებს.

რუსეთმა ქართული ღვინისა და უალკოჰოლო სასმელების ნაწილის იმპორტი ისევ შეზღუდა. მიუხედავად ფრთხილი პოლიტიკისა, მოსკოვი მაინც არასაიმედო პარტნიორად რჩება. ამ დროს კი ქართული ღვინის ექსპორტის თითქმის 65% სწორედ რუსეთზე მოდის. დარგის სპეციალისტების ნაწილი მიიჩნევს, რომ ეს კიდევ ერთი სიგნალია ალტერნატიული ბაზრების მოსაძებნად, ნაწილი კი თვლის, რომ მეზობელთან ვაჭრობის შეწყვეტა შეუძლებელია და ხელისუფლებამ პრობლემა სასწრაფოდ უნდა მოაგვაროს.

საქართველოში ოკუპირებული ტერიტორიებიდან დევნილი ოჯახების საცხოვრებლით უზრუნველყოფის პროცესის დაჩქარების მიზნით, ხელისუფლება ახალ მეთოდს ნერგავს. სახელმწიფოს გადაწყვეტილებით, საცხოვრებელი კორპუსების მშენებლობის პარალელურად, ამოქმედდება პროგრამა, რომელიც დევნილებს ბინის ნაცვლად, ალტერნატივად პირდაპირ ფულად კომპენსაციას შესთავაზებს.

გადაწყდა, რომ 70  წლამდე ასაკის პენსიონერებისთვის პენსია 20 ლარის ნაცვლად, 45 ლარით გაიზრდება და 415 ლარს მიაღწევს. გადაწყვეტილება პრემიერ-მინისტრმა საგანგებო ბრიფინგზე გამოაცხადა. 70 წლის და უფროსი ასაკის პენსიონერებისთვის პენსია 60 ლარით გაიზრდება და 555 ლარი გახდება  (ხოლო მაღალმთიან დასახლებებში - 665 ლარი). მთლიანობაში ბიუჯეტს პენსიების ზრდა წლიურად 500 მლნ ლარამდე დაუჯდება.

ციმბირში, ირკუტსკის კვლევით ინსტიტუტში თანამშრომლის გარდაცვალებამ ფილტვის შავი ჭირის გავრცელების ეჭვი გააჩინა. ოფიციალური მოსკოვი ლაბორატორიულ ავარიას უარყოფს. აშშ-მ ციმბირიდან ჩასული მგზავრების შემოწმება დაიწყო. ქართველი სპეციალისტების შეფასებით კი, ჯანმოს რეკომენდაციებსა და არსებულ მონაცემებზე დაყრდნობით, საქართველოში ვირუსის გავრცელების რისკი პრაქტიკულად ნულის ტოლია, თუმცა პრევენციული მზადყოფნა აუცილებელია.

აშშ-ისა და უკრაინის პოლიტიკურ წრეებში დიდი ვნებები და ხმაურიანი განხილვები მოჰყვა დონალდ ტრამპის გადაწყვეტილებას რუსეთთან დიზელის იმპორტზე გარიგების დადების შესახებ. ამერიკულმა მხარემ რუსეთისთვის სანქციების მოხსნის შესახებ უკრაინის წარმომადგენლებს მაიამიში გამართულ მოლაპარაკებებზე შეატყობინა. ამის პარარელურად, მხარეები აგრძელებენ ახალი სამშვიდობო გეგმის განხილვას, რომელიც ზამთრის დადგომამდე საბრძოლო მოქმედებების სრულ შეწყვეტას ითვალისწინებს.

ბოლოდროინდელი სამხედრო წარმატებების ფონზე, როგორც ჩანს, იემენელ ჰუსიტებს სულ უფრო ეხსნებათ მადა და სულ უფრო და უფრო თამამ იერიშებს ახორციელებენ უშუალო მტერზე - საუდის არაბეთზე. მათი ძირითადი სამიზნე სტრატეგიული აეროპორტები და საჰაერო სივრცეა. მიტანილმა სარაკეტო და დრონებით იერიშებმა მსხვერპლი და მასშტაბური ზიანი გამოიწვია.