აშშ-ში ელჩის კანდიდატურა შერჩეული გვყავს, ჩვენ მზად ვართ დღესვე კომუნიკაციისთვის და ველოდებით შემხვედრ ნაბიჯებს, - ამის შესახებ პრემიერ-მინისტრმა ირაკლი კობახიძემ განაცხადა. ამასთან, ხელისუფლებას იმედი აქვს, ურთიერთობა არა მარტო დაუბრუნდება სტრატეგიული ურთიერთობის ჩარჩოს, არამედ „კონკრეტული დღის წესრიგით გამდიდრდება". აშშ-საქართველოს ურთიერთობების აღგენასა და გაჯანსაღების შესახებ ანალიტიკოსების მოსაზრებები სხვადასხვგვარია.

ქართული დელეგაცია ბუქარესტში ვიზიტს განაგრძნობს, საპარლამენტო დელეგაციის წეევრები აცხადებენ, რომ ქართულმა მხარემ ღიად დასვა საკითხი, თუ რამდენად მზად იქნება ევროკავშირი 2030 წელს გაფართოებისთვის. ოპოზიციაში აცხადებენ რომ „ოცნება" ამ ვიზიტს გააპიარებს, როგორც ლეგიტიმაციას, აღნიშნავენ იმასაც, რომ „დასავლელმა პარტნიორებმა ყურადღება მოადუნეს".

საცობები თბილისისთვის მოუგვარებელ პრობლემად იქცა. დედაქალაქში ბევრი ისეთი ადგილია, სადაც ავტომობილით გადაადგილება ხშირ შემთხვევაში შეუძლებელია. ფაქტია, რომ თბილისს შუქნიშნებისა და "ბასლაინების" მომრავლებამ ვერ უშველა. სპეციალისტები დიდი ხანია ამბობენ, რომ ქალაქს ხიდების და ესტაკადების მშენებლობა სჭირდება და, როგორც ჩანს, ამას თბილისის მერიაშიც მიხვდნენ. 

თურქეთში პროტესტი მასშტაბურ სახეს იღებს - პოლიციამ პრეზიდენტ რეჯეფ თაიფ ერდოღანის მთავარი პოლიტიკური ოპონენტი დააკავა. ათიათასობით ადამიანი ქუჩაში ქერემ იმამღლუს გათავისუფლებას ითხოვს. სტუდენტებმა ბარიკადების გარღვევა მოახერხეს და უნივერსიტეტების კამპუსები დაიკავეს. პოლიციამ რამდენჯერმე გამოიყენა ცრემლსადენი გაზი.

„ქართული ოცნება" განსაკუთრებით ბოლო პერიოდში ხშირად აკეთებს ოპოზიციის დასუსტებაზე განცხადებებს. მმართველ პარტიაში განსაკუთრებით ხაზს უსვამენ ბაიერგადალახულ პარტიებსა და ენმ - მეხუთე პრეზიდენტ სალომე ზურაბიშვილს შორის დაპირისპირებას.

„მე ვერ გამითავისებია, როგორ არ უნდა მიიღოს მონაწილეობა არჩევნებში ოპოზიციამ. თუ ხელისუფლებაში მოსვლა სურთ, ამისთვის უნდა იბრძოლონ," - ასე აფასებს პოლიტილოგი იგორ კვესელავა ოპოზიციის პოზიციას ადგილობრივი არჩევნების ბოიკოტზე.

უკვე მეორე მოსმენით მიიღო პარლამენტმა „მაუწყებლობის შესახებ" კანონში ცვლილებები, რომელშიც მთელი რიგი შეზღუდვებია. მათ შორის ნათქვამია, რომ საკითხის გაშუქებისას ბალანსი დაცული უნდა იქნას, ამასთან, სატელევიზიო და რადიომაუწყებელმა უნდა დაიცვან სამართლიანობისა და მიუკერძოებლობის პრინციპი. კანონპროექტი უკვე დაკორექტირდა, რის მიხედვით განისაზღვრა, რომ შეზღუდვები აღნიშნული მედიების ვებ- და სოციალურ გვერდებზეც გავრცელდება.

ოპოზიცია აცხადებს, რომ დღეს ქართული საზოგადოების ყველაზე დიდი დაკვეთა ახალი საპარლამენტო არჩევნებია. მიმდინარე პროტესტის ერთ-ერთი მთავარი მოთხოვნაც ესაა, თუმცა დღეს "ქართული ოცნება" ამის შესაძლებლობას კატეგორიულად გამორიცხავს და ოპოზიციურ პარტიებს ადგილობრივი არჩევნებში მონაწილოებისკენ მოუწოდებს.

აშშ-სა და რუსეთის პრეზიდენტებს შორის სატელეფონო საუბრის მთავარი ხაზი უკრაინის ომში ცეცხლის შეწყვეტის აუცილებლობა იყო, თეთრი სახლის თანახმად, მხარეები შეთანხმდნენ, რომ სამშვიდობო ძალისხმევა დაიწყოს ენერგეტიკისა და ინფრასტრუქტრის ობიექტებზე ცეცხლის შეწყვეტით, თუმცაღა, დონალდ ტრამპისა და ვლადიმერ პუტინის საუბრიდან მალევე რუსეთმა ისევ დაარტყა უკრაინის ენერგოობიექტებს.

„ოპოზიციამ ცოტა აიშვა - საკუთარი აზრის გამოთქმის უფლებას ერთმანეთსაც კი არ აძლევენ და უბრუნდებიან იმ რეჟიმს, როდესაც ერთმანეთს უკანასკნელი სიტყვებით მოიხსენიებდნენ", - ამის შესახებ „ქართული ოცნების" დეპუტატმა თენგიზ შარმანაშვილმა განაცხადა.

ოპოზიცია 31 მარტისთვის ემზადება, კონსულტაციებს მართავენ მეხუთე პრეზიდენტ სალომე ზურაბიშვილთან ერთიანი სამოქმედო გეგმის გასაჟღერებლად და აცხადებენ, რომ აქცია უნდა იყოს მასშტაბური, რათა კვლავ მიიქციონ საერთაშორისო პარტნიორების ყურადღება მიიქციონ. ამის პარალელურად კი თავად ოპოზიციონერებს შორის პერიოდულად ხდება დაპირისპირება. ყოველივე ამისა და წარსული გამოცდილების ფონზე, რამდენად გამოვა ხალხი უშალოდ ოპოზიციის მიერ ორგანიზებულ აქციაზე და რა სცენარია მოსალოდნელი 31 მარტს?

საპროტესტო აქციების მონაწილეთა მასობრივი დაჯარიმების შემდეგ, ხელისუფლებამ ახლა იმ ფონდების ანგარიშები დააყადაღა, რომლებიც დაჯარიმებულ აქტივისტებს ფინანსურად ეხმარებოდნენ. მმართველ პარტიაში აცხადებენ, რომ ამ ფონდებით ხდებოდა ძალადობის მხარდაჭერა და წახალისება, ხოლო ოპოზიციაში ამბობენ, რომ „ოცნება" პროტესტის ჩახშობას მაქსიმალურად ცდილობს. რამდენად იმოქმედებს ფონდების დაყადაღება მიმდინარე საპროტესტო აქციებზე?

„ნაცმოძრაობის" წევრი ლევან ხაბეიშვილი ყოფილი პრემიერის გიორგი გახარიას გუნდს მწვავედ უპირისპირდება. ენმ-ის ყოფილი თავმჯდომარე ამბობს, რომ გახარიას პარტიას „ოცნების" საპატიო თავმჯდომარე ბიძინა ივანიშვილთან კონტაქტი აქვს, ხელისუფლებამ კი მათ ზოგადად ოპოზიციისა და მათ შორის „ნაცმოძრაობის" სალანძღავად ფული შესთავაზა. პარტიის „გახარია საქართველოსთვის" წევრი ბექა ლილუაშვილი „რეზონანსთან" საუბრისას ხაბეიშვილის ბრალდებას სრულ სიცრუეს და სისულელეს უწოდებს.

შრომის ბაზარზე კონკურენციის პრობლემამ იჩინა თავი. ამის ერთ-ერთი მიზეზი დასაქმებულთა მხრიდან ანაზღაურების ზრდაა, რასაც ისინი სექტორიდან ითხოვენ. ხელფასის ზრდა და მასთან დაკავშირებული საკითხები, ბიზნეს სექტორს მნიშვნელოვანი გამოწვევების წინაშე აყენებს. იგი პირდაპირ პროდუქციის თვითღირებულების ზრდაზე აისახება, რაც განსაკუთრებთ მცირე ბიზნესს დიდ პრობლემებს უქმნის და ხშირ შემთხვევაში, საწარმოების ნაწილს საქმიანობის შეჩერებაც უწევთ. 

საერთაშორისო და ადგილობრივი ორგანიზაციებისთვის დაფინანსებისა და ზოგიერთი პროგრამის შეჩერება დასაქმების ბაზარზეც აისახა და კადრების შემცირება გამოიწვია. სიტუაცია გადამდები აღმოჩნდა ბიზნესისთვის, სადაც კომპანიებისთვის დამატებითი წნეხი პოლიტიკური დაძაბულობაა და ბიზნესგეგმებსა და გრძელვადიან პროექტებს ხშირად ვერ ახორციელებენ. ვეღარ ხერხდება შტატების ზრდა, ხოლო ის ორგანიზაციები, რომლებსაც ფინანსური დაფინანსება შეუწყდათ, თანდათან გაკოტრების რეჟიმში გადადიან, რაც დასაქმების ბაზარზე ნეგატიურ ცვლილებას გამოიწვევს. 

ოქროს ფასი უკვე ყოველ დრე ახალ რეკორდს ამყარებს. გლობალურ ბაზრებზე ძვირფასი ლითონი  კატასტროფულად არის გაძვირებული და ისტორიაში პირველად გადალახა 3000-დოლარიანი მაჩვენებელი. 19 მარტის მონაცემით, ლონდონის ბირჟაზე 1 უნცია ოქროს ღირებულება 3029 დოლარია. ეს ბოლო 1 წელიწადში 40%-ით გაძვირებული მაჩვენებელია. მოლოდინიც ძალიან პესიმისტურია. უცხოელი ანალიტიკოსები უკვე თამამად საუბრობენ, რომ ოქროს ღირებულება შეიძლება 4000 დოლარამდე გაიზარდოს, რაც გარკვეულ გავლენას ადგილობრივ ბაზარზეც ახდენს. ფასი საქართველოშიც სწრაფად იცვლება.

საქართველოში პროდუქციასა და მომსახურებაზე ინფორმაციის მიღება ქართულ ენაზე არის სავალდებულო, რაც ძალიან ხშირად კომპანიების მხრიდან ირღვევა. ბოლო პერიოდში ამან ინტენსიური ხასიათი მიიღო. მოქალაქეების საჩივრებმა იმატა და კონკურენციის სააგენტოში მიმართვიანობა გაზრდილია. განსაკუთერბით პრობლემაა რესტორნებში, მიტანის სერვისში და უკვე სატაქსო მომსახურებაშიც.

საქართველოში საშუალო ხელფასი 2217 ლარს შეადგენს. ეს იმ პირობებში, როდესაც ქვეყნის მოსახლოების დიდი ნაწილის ანაზღაურება ჯერ კიდევ სამნიშნა რიცხვთა ფარგლებშია. ამიტომ ეკონომისტები ამბობენ, რომ საშუალო ხელფასი გაანგარიშება რეალობას მოწყვეტილია და მედიანური ხელფასის ცნება უფრო ახლოსაა სინამდვილესთან, თუმცა არც ისაა სინამდვილესთან ბოლომდე ახლოს.

ბელგოროდის ოლქში ვითარება მძიმეა, - ამის შესახებ ინფორმაციას სააგენტო „როიტერი" რუსეთის ბელგოროდის ოლქის გუბერნატორზე, ვიაჩესლავ გლადკოვზე დაყრდნობით ავრცელებს. გუშინ რუსეთის თავდაცვის სამინისტრომ ინფორმაცია გაავრცელა, რომ რუსულმა ძალებმა ბელგოროდის ოლქის სიღრმეში უკრაინის შეიარაღებული ძალების შეღწევის მცდელობები აღკვეთეს.

აშშ-ის ოფიციალური პირებმა არაერთხელ განაცხადეს, რომ უკრაინა-რუსეთის სამშვიდობო ხელშეკრულების ფარგლებში მხარეებს მოუწევთ გარკვეული ტერიტორიების დათმობა. ჯერ არ არის ცნობილი, რომელ მიმართულებებზეა საუბარი, თუმცა გარკვეული ცნობები დასავლურ მედიაში უკვე ვრცელდება. ამასთან, საუბარი მიდის ძრითადად უკრაინის შესაძლო ტერიტორიულ დანაკარგებზე და ამ კონტექსტში ზოგიერთი ისეთი ტერიტორიაც განიხილება, რომელიც ამჟამად უკრაინის არმიის კონტროლის ქვეშაა.