რეზონანსი
25.05.2022

გერმანიის მთავრობა აცხადებს, რომ რუსეთის წინააღმდეგ ახალი სანქციების დაწესების გადაწყვეტილება 30-31 მაისს დაგეგმილ ევროკავშირის ლიდერების სამიტზე არ იქნება მიღებული.

„როიტერის“ ცნობით, ამის შესახებ განცხადება გერმანიის მთავრობის წარმომადგენლემა გააკეთა.

როგორც მედია წერს, ბერლინში იმედი აქვთ, რომ უკრაინაში შეჭრის გამო რუსეთისთვის სანქციების ახალი პაკეტის დაწესების თაობაზე შეთანხმება უახლოეს ხანში დასრულდება, თუმცა ევროკავშირის ლიდერები ამ საკითხზე 30-31 მაისს დაგეგმილ სამიტზე არ ისაუბრებენ.

ამასთან ერთად, ბერლინში განაცხადეს, რომ აღნიშნულ სამიტზე უკრაინისთვის ევროკავშირის კანდიდატის სტატუსის მინიჭებასთან დაკავშირებითაც არ იქნება გადაწყვეტილება მიღებული.

შეგახსენებთ, რომ ევროკავშირი აპრებს, რუსეთის წინააღდმეგ სანქციების მეექვსე პაკეტში შეიტანოს რუსულ ნავთობზე ემბარგოს დაწესების საკითხი, რასაც ევროკავშირის ზოგიერთი წევრი ქვეყანა არ თანხმდება.

გუშინ „ფაინენშალ თაიმსმა“ გაავრცელა უნგრეთის პრემიერ-მინისტრის წერილი, რომელიც ევროპული საბჭოს პრეზიდენტ შარლ მიშელს მოუწოდებდა, რუსეთის წინააღდმეგ ახალ სანქციებზე 30-31 მაისს დაგეგმილ სამიტზე არ ემსჯელათ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×