საფრანგეთის პრეზიდენტმა, ემანუელ მაკრონმა უკრაინაში სამოქალაქო ინფრასტრუქტურაზე რუსეთის სარაკეტო თავდასხმები დაგმო და აღნიშნა, რომ ეს ქმედება არ შეიძლება დაუსჯელი დარჩეს.

„უკრაინის წინააღმდეგ მასიური დაბომბვა განხორციელდა, რის გამოც ქვეყნის დიდი ნაწილი წყლისა და ელექტროენერგიის გარეშე დარჩა. სამოქალაქო ინფრასტრუქტურაზე დარტყმები ომის დანაშაულია და არ შეიძლება დაუსჯელი დარჩეს", - აღნიშნა ემანუელ მაკრონმა.