რეზონანსი
24.11.2022

ევროკავშირში რუსული ნავთობის ფასის ზედა ზღვარზე ვერ შეთანხმდნენ. ინფორმაციას ამის შესახებ გამოცემა Politico ოთხ დიპლომატზე დაყრდნობით ავრცელებს.

გამოცემის თანახმად, 23 ნოემბერს, ევროკავშირის ქვეყნების ელჩები აწარმოებდნენ მოლაპარაკებას გვიან ღამემდე, მაგრამ ვერ შეთანხმდნენ ფასის ზედა ზღვარზე, რომლითაც რუსული ნავთობით იქნება შესაძლებელი ვაჭრობა. მოლაპარაკებები დღესაც გაგრძელდება.

"ფასია პრობლემა", - განაცხადა ერთ-ერთმა დიპლომატმა Politico-სთან.

ევროკომისია რუსული ნავთობის ერთ ბარელზე $65-დან $70-მდე ზედა ზღვრის დაწესების იდეით გამოვიდა, რაც ახლოსაა G7-ის ქვეყნების დიაპაზონთან. Politico-ს ცნობით, ქვეყნების უმრავლესობა ამ ფასს დათანხმდა, გარდა პოლონეთისა, რომელიც გაცილებით დაბალ ზღვარს, ერთ ბარელზე $30-ს მოითხოვდა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×