რეზონანსი
07.06.2023

უბედური შემთხვევა სამეგრელოში - ზუგდიდის წმინდა ლუკას სახელობის რეფერალურ საავადმყოფოში 5 წლის ბავშვი გარდაიცვალა.

ბავშვი საავადმყოფოში წუხელ, უგონო მდგომარეობაში მყოფი შეიყვანეს და საათნახევრიანი რეანიმაციული ღონისძიებების მიუხედავად, ექიმებმა მისი გადარჩენა ვერ შეძლეს.

სიკვდილის ზუსტი მიზეზი უცნობია. ჩატარდა ექსპერტიზაც, თუმცა მედიკოსები ვერაფერს ამბობენ, რადგან მათ მცირეწლოვნის სრულყოფილი გამოკვლევა ვერ მოასწრეს.

ბავშვი ზუგდიდის საავადმყოფოში წალენჯიხიდან გადაიყვანეს, სადაც ის მშობლებთან ერთად, ბაბუის გასვენებაში იმყოფებოდა და გონებაც იქ დაკარგა.

იქამდე კი 2 დღით ადრე, გავრცელებული ინფორმაციით, მცირეწლოვანი, გურიაში, საქანელადან გადმოვარდა. ოჯახმა შემოწმებისთვის ექიმთანაც მიიყვანა, თუმცა მალევე გაწერეს. არსებული ცნობებით, ახლობლები გარდაცვალებას სწორედ ამ ფაქტს უკავშირებენ, რადგან მათივე თქმით, ბავშვი სრულიად ჯანმრთელი იყო და არაფერი აწუხებდა. მეორე ვერსიით, კი არ გამოირიცხება კვებითი ინტოქსიკაცია.

"მთავარი არხი"

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×