მეორე მსოფლიო ომის შემდგომი გერმანიის ისტორიაში პირველად, ბუნდესტაგში ახალი კანცლერი პირველივე მცდელობით ვერ აირჩიეს. ფრიდრიხ მერცს 6 ხმა დააკლდა, თუმცა, რამდენიმე საათში გამართული მეორე კენჭისყრის შემდეგ მან მაინც შეძლო ხმების სასურველი რაოდენობის მიღება. თუმცა, პირველი ტურის შედეგებს დიდი იმედგაცრუება და დაბნეულობა მოჰყვა. ახალ მმართველ კოალიციაში იმის გამორკვევა დაიწყეს, თუ ვინ არ მისცა მერცს ხმა კენჭისყრისას. ანალიტიკოსები მმართველი კოალიციის სიმყოფეზე ალაპარაკდნენ. თუმცა, ამ ყველაფერს წერტილი დაუსვა რამდენიმე საათში გამართულმა მეორე ტურმა, რომელიც მერცმა უკვე მარტივად მოიგო.

დასავლეთის ქვეყნებში გამართულ არჩევნებში რუსეთის ჩარევაზე ხშირად საუბრობენ. ეს ძირითადად სხვადასხვანაირად ხდება - სოციალური ქსელების გამოყენებით, ხშირია კიბერშეტევები, დივერსიები და ა.შ. რუმინეთის საპარლამენტო არჩევნების შედეგების გაუქმებაც ამას დაუკავშირეს. გამოცემა „პოლიტიკო" ავრცელებს ინფორმაციას, რომ რუსულმა ჰაკერულმა ჯგუფმა რუმინეთის არჩევნებში რუმინეთის მთავრობისა და პრეზიდენტობის რამდენიმე კანდიდატის ვებგვერდებზე შეტევა განახორციელა.

გერმანიაში სამთავრობო ცვლილებები მიმდინარეობს- „სოციალ-დემოკრატიული პარტიის" ლიდერებმა „ქრისტიან-დემოკრატიული/ქრისტიან-სოციალური კავშირის" კონსერვატიულ ბლოკთან კოალიციური შეთანხმება გააფორმეს, რამაც გერმანიის ახალ მთავრობაში მინისტრების დანიშვნის გზა გახსნა, - ინფორმაციას „დოიჩე ველე" ავრცელებს. როგორი მოლოდინებია და რას უნდა ველოდოთ ახალი მთავრობისგან.

„სამწუხაროა, რომ ევროპაში გარკვეული პირები ბლოკავენ უკრაინის ევროკავშირში გაწევრიანების პროგრესს იმისთვის, რომ წითელი მოედნის ტრიბუნაზე უკეთესი ადგილი მოიპოვონ" - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

9 მაისს  მოსკოვი  ფაშიზმზე გამარჯვების აღლუმის ჩასატარებლად ემზადება. უკრაინის ხელისუფლება კი ზეიმზე მიწვეულ სტუმრებს რუსეთში ჩასვლას უსაფრთხოების თვალსაზრისით არ ურჩევს. საპასუხოდ მოსკოვში აცხადებენ, რომ რაიმე პროვოკაციის შემთხვევაში, შესაძლებელია კიევისთვის 10 მაისი არ დადგეს. ყოველივე ამის ფონზე კი ცნობილი გახდა, რომ რამდენიმე ქვეყნის ლიდერი, რომელმაც ოფიციალურად მიიღო მიწვევა აღლუმზე, მოსკოვში შეიძლება ვერ ჩავიდეს.

შეერთებულმა შტატებმა რუმინეთი უვიზო რეჟიმის პროგრამიდან ამოიღო, მიზეზად კი საზღვრისა და მიგრაციის უსაფრთხოების უზრუნველყოფა დაასახელა, რასაც ოფიციალური ბუქარესტის შეშფოთება მოჰყვა. რუმინეთში ფიქრობენ, რომ რეალური მიზეზი რუმინეთის ცენტრალური საარჩევნო ბიუროსა და საკონსტიტუციო სასამართლოსა გადაწყვეტილებაა, რომლის მიხედვითაც გასული წლის ნოემბერში ჩატარებული საპრეზიდენტო არჩევნების პირველი ტურის შედეგები გაუქმდა, პირველ ადგილზე გასულ კანდიდატს, მემარჯვენე კალინ ჯორჯესკუს კი არჩევნებში მონაწილოება აეკრძალა.

უკრაინაში ცეცხლის შეწყვეტაზე რუსეთის დაყოლიების უშედეგო მცდელობების შემდეგ, აშშ რუსეთის მიმართ პოლიტიკას თანდათან ცვლის და ეს ყველაფერი ახლო მომავალში პრეზიდენტ დონალდ ტრამპის კონკრეტულ გადაწყვეტილებებში შეიძლება აისახოს. ამ ეტაპზე უკვე შეიძლება იმის თქმა, რომ აშშ ნეიტრალური შუამავლის პოზიციას ცვლის და სავარაუდოდ, გააძლიერებს უკრაინის სამხედრო დახმარებას და სანქციებით მოსკოვზე ზეწოლას.

გერმანიის დაზვერვის სამსახურმა „ალტერნატივა გერმანიისთვის" მემარჯვენე ექსტრემისტულ მოძრაობად გამოაცხადა და მიზეზად მისი ქსენოფობიური პოზიციები დაასახელა. პარტიას ამ ეტაპზე აკრძალვა არ ემუქრება, თუმცა, როგორც დასავლური გამოცემები წერენ, ეს სცენარი გამორიცხული არ არის.

ამერიკის ახალი ადმინისტრაციისგან მუდმივად მოდიოდა განცხადებები, რომ უკრაინის ომს რაც შეიძლება სწრაფად დაასრულდებდნენ. უფრო მეტიც, მათი ერთ-ერთი მთავარი საარჩევნო დაპირება იყო. თუმცა დღეს აშშ-ის ვიცე-პრეზიდენტმა, ჯეი დი ვენსმა თქვა, რომ ეს უახლოეს მომავალში ვერ მოხდება. ანალიტიკოსები „რეზონანსთან" შეერთებული შტატების პოზიციის შეცვლის მიზეზებზე საუბრობენ და აღნიშნავენ, რომ სავარაუდოდ, ვაშინგტონი კიევის დახმარებას გაზრდის.

ჩეჩნეთის რესპუბლიკის მეთაური, რამზან კადიროვი, შესაძლოა, მომდევნო ორ თვეში თანამდებობიდან გადააყენონ. ამის შესახებ კრემლის წყარომ რუსულ ტელეგრამ-არხს 1 მაისს განუცხადა.

საკმაოდ ბევრი მცდელობის შემდეგ შეერთებულმა შტატებმა და უკრაინამ საბოლოოდ ხელი მოაწერეს შეთანხმებას უკრაინის ბუნებრივ რესურსებზე წვდომის შესახებ. როგორც უკრაინის პირველი ვიცე-პრემიერი და ეკონომიკის მინისტრი იულია სვირიდენკო აცხადებს, კიევი და ვაშინგტონი შექმნიან უკრაინის აღდგენის საინვესტიციო ფონდს, რომელიც ქვეყანაში გლობალურ ინვესტიციებს მოიზიდავს. ანალიტიკოსები ამბობენ, რომ დღევანდელ სიტუაციაში უკრაინას კომპრომისული ვარიანტის შერჩევა მოუწია, რაც უცილებელი იყო.

9 მაისის აღლუმის მოახლოებასთან ერთად მოლოდინია, რომ კიევი მოსკოვში სიუპრიზის მოსაწყობად ემზადება. ანალიტიკოსები „რეზონანსთან" ვარაუდობენ, რომ შესაძლოა უკრაინელებმა აღლუმის ჩასაშლელად მოსკოვში ტერაქტი, მასირებული, ან სადაზვერვო დივერსიული აქტი განახორციელონ.