მარიამ ნებულიშვილი
05.08.2020

ოპოზიციას 2020 წლის საპარლამენტო არჩევნებზე ერთიანი მაჟორიტარობის კანდიდატები მხოლოდ თბილისში ეყოლება, დანარჩენ 22 ოლქში კი ასეთი შეთანხმების მიღწევა ვერ მოხერხდა. ამის მიზეზებზე „რეზონანსს"„ნაციონალური მოძრაობის" ერთ-ერთი ლიდერი ხატია დეკანოიძე ესაუბრა.

დეკანოიძის თქმით, „ევროპულმა საქართველომ" მათ 4 ოლქის დათმობა სთხოვა, რაზეც უარი უთხრეს.

„თბილისის გარდა არაფერზე მოლაპარაკებები „ნაციონალურ მოძრაობას" და

„ევროპულ საქართველოს" შორის არ ყოფილა. მათ ჰქოდნათ წინადადება რეგიონების 4 ოლქში მხოლოდ საკუთარი კანდიდატები დაეყენებინათ და ამ 4 ოლქიდან 2 „ნაციონალურ მოძრაობას" მოგებული აქვს, ამიტომ არ განვიხილეთ ეს წინადადება", - ამბობს დეკანოიძე.

„ევროპული საქართველოს" ცნობით, ისინი „ნაციონალურ მოძრაობას" რეგიონების საარჩევნო ოლქების გაყოფის ორ ვარიანტს სთავაზობდნენ - 11/8 და 8/4.

პირველი სტრატეგიით 11 მაჟორიტარულ ოლქში „ნაციონალური მოძრაობა" წარადგენდა საკუთარ კანდიდატს, 8-ში კი - სხვადასხვა ოპოზიციური პარტიები, რომელსაც ყველა სხვა ოპოზიციური პარტია დაუჭერდა მხარს.

11 ოლქი სადაც „ნაციონალურ მოძრაობის" კანდიდატს დაუჭერდნენ მხარს, იყო: თელავი, რუსთავი, ქუთაისი, ზუგდიდი, ბათუმი, ახალციხე, ფოთი ან მარტვილი, ბოლნისი, გორი, ქობულეთი და ჭიათურა.

8 ოლქი, სადაც სხვა ოპოზიციური პარტიების კანდიდატები იქნებოდნენ იყო თერჯოლა, სამტრედია, ზემო აჭარა, ფოთი ან მარტვილი, ხაშური, მცხეთა-მთიანეთი, გურია და რაჭა.

რაც შეეხება მეორე სტრატეგიას, თუ პირველი არ გამოვიდოდა, მაშინ „ევროპული საქართველო" და „ნაციონალური მოძრაობა" 12 მაჟორიტარულ ოლქს გაიყოფდნენ. ზემო აჭარაში, მარტვილში ან ფოთში, ზესტაფონი-თერჯოლაში და ხონში „ევროპული საქართველოს" კანდიდატები იქნებოდნენ, დანარჩენ 8 ოლქში კი -„ნაციონალური მოძრაობის".

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×