პარტია „ლელომ" საარჩევნო კამპანია დაიწყო ლოზუნგით „შუა უნდა შეიკრიბოს". ბოლო პერიოდში პარტიის ლიდერები აქცენტს იმაზე აკეთებენ, რომ „ქართული ოცნების" საპატიო თავმჯდომარეს 26 ოქტომბრის საპარლამენტო არჩევნების შემდეგ საქართველოს დატოვება და მოსკოვში გამგზავრება მოუწევს. ანალიტიკოსთა შეფასებით, შესაძლოა, „ლელო" „შუას შეკრებასთან" ერთად ენმ-სათვისაც ცდილობს ამომრჩევლის წართმევას, თუმცა, საეჭვოა ამ მხრივ რაიმე წარმატებას მიაღწიოს.