ტურისტულ რეგიონებში ბინებზე დიდი მოთხოვნაა. მშენებლობების გააქტიურება კი დიდ რისკს უკავშირდება. ქვეყნის სახელგანთქმული კურორტები იერსახეს და ავთენტურობას, ფაქტობრივად, კარგავს. ამის მაგალითია ბაკურიანი, გუდაური, ბახმარო და თითქმის ყველა ზღვისპირა კურორტი, სადაც ქაოსური განაშენიანება მიდის. 

ლარის კურსმა სპეკულაციურ შემოტევას ერთხელ კიდევ გაუძლო. პოლიტიკური პროცესების ფონზე რადიკალური ოპოზიციის მხარდამჭერმა ექსპერტებმა რატომღაც მიზანში ეროვნული ვალუტა ამოიღეს, რომ ნეგატიური მოლოდინი შექმნან და ამით სიტუაცია ჩიხში შეიყვანონ. თუმცა ამ პირობებშიც კი ლარმა გამყარება მაინც შეძლო და  ჯერ კიდევ სტაბილურადაა. თუკი არჩევნების წინ კურსი 2,75-მდე იყო, ამ ეტაპზე 2,73-ის ფარგლებშია და პოზიციები შეიძლება კიდევ უფრო გაიუმჯობესოს.

საქართველოში საწვავის ხარისხის კონტროლი ნავთობპროდუქტების ბაზრის გამოწვევად რჩება. ეს ეხება როგორც ბენზინს და დიზელის საწვავს, ასევე საავტომობილო ზეთებსა და თხევადი აირის ხარისხს. მიუხედავად იმისა, რომ ქვეყანას ხარისხის მაღალი სტანდარტი გააჩნია, საჭიროა შესაბამისი სახელმწიფო სტრუქტურების მხრიდან საწვავის ხარისხის პერმანენტული კონტროლი როგორც საბითუმო, ასევე საცალო ქსელში რეალიზებულ პროდუქტებზე, რაც, სამწუხაროდ, არ ხდება და კვლევებიც ცხადყოფს, რომ ბაზარზე გარკვეული რისკები არსებობს, რაც დასაძლევია.

დედაქალაქში კომუნალური სერვისის მიწოდების საკითხი ვერანაირ კრიტიკას ვერ უძლებს. ფაქტობრივად, დენი, გაზი, წყალი მოსახლეობას მუდმივად შეფერხებით მიეწოდება და მიზეზად, უმეტესწილად, ავარიული მდგომარეობა სახელდება. ცალსახაა, რომ კომპანიები კეთილსინდისიერად ვერ ასრულებენ მათზე დაკისრებულ ვალდებულებებს. თითქმის ყოველდღიურად ხდება შეფერხება ამა თუ იმ უბანზე წყალის, შუქისა და ბუნებრივ აირის მიწოდების მხრივ. ეს კი ქმინს დისკომფორტს როგორც მოსახლეობაში, ასევე ხელი ეშლება ბიზნესს თავიანთი საქმიანობის უხარვეზოდ შესრულებაში და ა.შ. 

საქართველოს რკინიგზის მმართველობითი ანგარიშიდან ირკვევა, რომ ყარსი-ახალქალაქის რკინიგზაზე საქართველოს რკინიგზის მთლიანი დატვირთვის 1%-იც არ მოდის. ახალქალაქის სადგურის გავლით, 2024 წლის ცხრა თვეში საქართველოში შემოვიდა 13 000 ტონა და გავიდა 9 000 ტონა ტვირთი, რაც მთლიანად რკინიგზის ტვირთბრუნვის - 10 400 000 ტონის ერთ პროცენტსაც არ შეადგენს. მაინც რატომ ვერ ამოქმედდა ახალი მაგსტრალური რკინიგზა სათანადოდ და რა არის ხელისშემშლელი ფაქტორები?

რუსეთმა ბენზინის საექსპორტო ბაზარი შესაძლოა, დაგეგმილზე ადრე გახსნას. რუსეთიდან ნავთობპროდუტის შეძენა წლის ბოლომდე აკრძალულია, თუმცა, დიდი ალბათობით, ბაზარი მომავალი კვირიდან გაიხსნება. ასეთ შემთხვევაში საქართველო რუსულ საწვავს ისევ შემოიტანს, რაც სხვა ქვეყნის ნავთობპროდუქტთან შედარებით იაფია. 

საქართველოში პენსია ყოველწლიურად იზრდება, თუმცა დღევანდელი ეკონომიკური პირობების და ფასების გათვალისწინებით თანხა არასაკმარისია, მაგრამ ეკონომისტთა ნაწილი ფიქრობს, რომ ბიუჯეტს პენსიის მეტად ზრდის შესაძლებლობა არ აქვს. საინტერესოა, რამდენი უნდა იყოს პენსია, რომ პენსიონრებმა საკუთარი მოთხოვნების დაკმაყოფილება შეძლონ? 

აფხაზეთში პოლიტიკურმა დაძაბულობამ ეკონომიკურადაც პრობლემები შექმნა. როგორც გალის მოსახლეობა ამბობს, გავლენა, პირველ რიგში, ფასებს დაეტყო და ძირითადი მოხმარების პროდუქცია უკვე გაძვირდა. ამას დაემატა ელექტროენერგიასთან დაკავშირებული კრიზისი, რადგან დენი უკვე გრაფიკით მიეწოდებათ. გალი უშუალოდ ზუგდიდიდან შესული პროდუქციით მარაგდება, თუმცა ასევე რუსული ნაწარმის იმპორტიც დიდია. 

ლონდონის საფონდო ბირჟაზე ქართული კომპანიების აქციების ფასები იზრდება. `გალტ ენდ თაგარტში” ითქვა, რომ ნოემბრის პირველი კვირის მონაცემებით მატების ტემპმა 19-23% შეადგინა. ეს კი იმას ნიშნავს, რომ საქართველოში საერთაშორისო პლატფორმაზე სტაბილურობას ელიან და არავის აქვს იმის მოლოდინი, რომ ქვეყანაში მდგომარეობა აირევა. 

ზამთარი ჯერ არ დამდგარა, თუმცა სვანეთში პრობლემები უკვე შეიქმნა. საუბარია კრიპტოვალუტის მაინიგზე, რის გამოც, რეგიონში დენის არანორმალური მოხმარების გამო, ელექტროენერგიის მიწოდება შეწყდა. ციფრული ვალუტის აპარატების გამო, მესტიაში პრობლემა ყოველწლიურად მზარდია და სიტუაცია უკვე ჩიხშია. ენერტეგიკოსები და ეკონომისტები სხვა გზას ვეღარ ხედავენ და პირდაპირ ამბობენ, რომ ელექტროენერგიაზე გადასახადიუნდა დაწესდეს.

საქართველოს უძრავი ქონებით ბაზრით უცხოელები დაინტერესება დიდია. ტენდენცია ბოლო რამდენიმე წელია, გრძელდება და უკვე საგანგაშო მაჩვენებელს აღწევს, რამაც შეიძლება დემოგრაფიის კუთხით პრობლემა შექმნას. დედაქალაქში და რეგიონებში, განსაკუთრებით აჭარაში, მათი რიცხვი ყოველდრიურად იზრდება. ქართველები უწყვეტად გადიან ქვეყნიდან, პარალელურად კი მატულობს უცხო მოქალაქთა რიცხვი, რომელებიც საქართველოში უძრავი ქონების შეძენითა და ფეხის მოკიდებით არიან დაინტერესებული. 

აშშ-ს სათავეში დონალდ ტრამპისა და რესპუბლიკელების მოსვლა ქვეყნის ეკონომიკას მნიშვნელოვნად შეცვლის და ამ გავლენას პირდაპირ თუ ირიბად თითქმის ყველა ქვეყანა იგრძნობს. უცხოელი ანალიტიკოსების მხრიდან საუბარია იმის შესახებ, რომ დოლარი პოზიციებს გაიუმჯობესებს ევროს მიმართ და რეგიონალურ ვალუტებზეც  გავლენას მოახდენს. მათ შორის ლარზე. ამდენ ხანს პროგნოზი იყო, რომ ქართული ვალუტა სტაბილურად გააგრძელებდა გამყარებას, თუმცა ახლი უკვე როგორ განვითარდება სავალუტო პროცესები ჯერჯერობით გაურკვეველია.