რეზონანსი
14.10.2021

ჯანდაცვის მინისტრის მოადგილის, თამარ გაბუნიას განცხადებით, სავალდებულო ვაქცინაცია ადამიანების უფლებებს ეწინააღმდეგება, თუმცა არ არის გამორიცხული გარკვეულ ღონირძიებებსა და ობიექტებში დაშვება შეიზღუდოს. ეს შეიძლება იყოს კლუბები, სტადიონები, კონფერენციები და ა.შ. როგორც გაბუნიამ განმარტა, აღნიშნულ შეზღუდვაზე მუშაობა მიმდინარეობს. 

"არჩევანის ფარგლებში შესაძლებელია გარკვეული მოთხოვნების დაწესება იმაზე, თუ რა იქნება დაშვების პირობა კონკრეტულ ბიზნესგარემოში თუ გასართობ ღონისძიებებზე.

ვაქცინაციის შესახებ გადაწყვეტილება პირმა თავად უნდა მიიღოს. რა თქმა უნდა, არჩევანის ფარგლებში შესაძლებელია გარკვეული მოთხოვნების დაწესება იმაზე, თუ რა იქნება დაშვების პირობა კონკრეტულ ბიზნესგარემოში თუ გასართობ ღონისძიებებზე. ამაზე მიდის მუშაობა. მწვანე საშვის თემა ბევრ ქვეყანაში დაშვებულია, ჩვენს მეზობელ ქვეყნებში აღიარებულია, ამდენად აქ არჩევანის უფლება აუცილებლად განიხილება - "პისიარ" ტესტირება ან ვაქცინაციის სტატუსი ან გადატანილი დაავადება, ამ მხრივ მუშაობა მიდის,"- განაცხადა გაბუნიამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×