თურქეთის პრეზიდენტი რეჯეფ თაიფ ერდოღანი აცხადებვს, რომ მთელი რიგი მკაცრი ბრალდებები, რომლებიც მაფიის გაქცეულმა მეთაურმა მისი გარემოცვის წევრებს წაუყენა, არის „შეთქმულება თურქეთის წინააღმდეგ" და პირობა დადო, რომ კრიმინალურ დაჯგუფებებთან ბრძოლას გააძლიერებს.

კრემლი რომ ყველა ხერხს იყენებს თავისუფალი სამყაროს, თავისუფალი ადამიანების და დემოკრატიული ინსტიტუციების წინააღმდეგ, კიდევ ერთხელ მკაფიოდ დაფიქსირდა. ამ  ბრძოლაში რუსეთის ხელისუფლება როგორც  რეპრესიული მანქანა  უწყებების და კერძო პირების ხელითაც მოქმედებს. მთავარი მიზანი საკუთარი დანაშაულებების მიჩქმალვა, დეზინფორმაციის გავრცელება და თავის გამართლება უკიდურესად საჩოთირო თემებშიც კი. კრემლი რომ უკრაინელ სეპარატისტებს ყველანაირ საბრძოლო მხარდაჭერას წლების განმავლობაში უწევდა, ეს არავისთვისაა ახალი. იმისათვის, რომ კრემლმა ეს თავის „სიმართლე“ ყველა ფრონტზე დაამტკიცოს, ისეთი ადამიანები გამოყავს ავანსცენაზე ღირსების და პატივის დასაცავად, რომლებიც სამხედრო დანაშაულებების მონაწილეები არიან და რომელთა ხელებიც უამრავი ადამიანის სისხლშია დასვრილი. 

იაპონია კორონავირუსის მეოთხე ტალღას ებრძვის - ქვეყნის სიდიდით მეორე ქალაქ ოსაკაში საავადმყოფოებში ადგილები აღარ არის, იწურება საწოლების მარაგიც. ადგილობრივი ექიმები ამბობენ, რომ უსაფრთხოდ აღარავინ არის, ხოლო ქალაქ ოსაკაში ინფექციის გამანადგურებელი შემოტევაა.

მინსკში ოპოზიციურად განწყობილი ჟურნალისტი რომან პროტასევიჩი დააკავეს. BBC-ის ცნობით Ryanair-ის თვითმფრინავი, რომელიც ათენიდან ვილნიუსის მიმართულებით მიფრინავდა, ბელორუსის აეროპორტში ავარიულად დაეშვა, რომელშიც ჟურნალისტი იმყოფებოდა. აღნიშნულ ფაქტზე დაწყებულია გამოძიება. საერთაშორისო თანამეგობრობის ქვეყნები შეშფოთებას გამოთქვამენ. მომხდარის გამო შესაძლოა ბელორუსს სანქციებიც დაუწესდეს.

საფრანგეთის პრეზიდენტმა ემანუელ მაკრონმა პარასკევს განაცხადა, რომ ნატოს ლიდერებმა მკაფიოდ და ერთმნიშვნელოვნად უნდა გამოხატონ საკუთარი პოზიცია ნატო-ს ღირებულებებსა და თამაშის წესებზე ორგანიზაციის სამიტზე, რომელიც ივნისშია დაგეგმილი, რაც მიმომხილველების აზრით ორაზროვანი დარტყმაა თურქეთზე, რომლის ქცევაც ალიანსში ბევრს აღიზიანებს.

ისრაელსა და პალესტინურ რადიკალურ დაჯგუფება "ჰამასს" შორის ორმხრივი იერიშები 9 მაისიდან არ წყდება. ამჯერად ისრაელი ღაზას სექტორზე შეტევას აძლიერებს და თუ აქამდე მხოლოდ საჰაერო იერიში ხორციელდებოდა, ქვეყანამ გუშინ 9 ათასი ქვეითის მობილიზაცია გამოაცხადა, სამხედრო ოპერაციაში ავიაციის გარდა უკვე მონაწილეობენ არტილერია და ტანკები, თუმცა, მედიასაშუალებები წერენ, რომ ეს არ არის სახმელეთო ოპერაცია და სამხედროები უშუალოდ ღაზის სექტორის ტერიტორიაზე არ იმყოფებიან.

აშშ-ის ინფექციურმა დაავადებების წამყვანი ექსპერტი, დოქტორი ენტონი ფაუჩი ვარაუდობს, რომ შეერთებულ შტატებში უახლოეს მომავალში შესაძლოა შიდა სივრცეებში ნიღბების ტარებაზე შეზღუდვები შემსუბუქდეს და რეკომენდაციები უფრო „ლიბერალური" გახდეს, რადგან ქვეყანაში უკვე ბევრი აცრილი ადამიანია.

ისრაელსა და ღაზას სექტორს შორის სარაკეტო იერიშები არ წყდება. ორშაბათს საღამოდან დღემდე ათასზე მეტი რაკეტა და საარტილერიო ჭურვი ისროლეს ღაზას სექტორიდან ისრაელის მიმართულებით. "BBC"-ის ინფორმაციით დაღუპულია 35 პალესტინელი, მათ შორის 10 ბავშვი. არეულობაა ისრაელის სხვა ქალაქებშიც, სადაც ადგილობრივი არაბები დემონსტრაციებს მართავენ.

ინდოეთში კოვიდ 19-ის შემთხვევათა ზრდა ქვეყანას ანადგურებს. ეპიდემიოლოგები ცდილობენ ფრთხილი პროგნოზები გააკეთონ იმის შესახებ, თუ სად შეიძლება გაჩნდეს ვირუსის ახალი შტამი.

აშშ-ში საწვავის უდიდეს მილსადენზე კიბერშეტევა განხორციელდა. ამასთან დაკავშირებით, შეერთებული შტატების მთავრობამ საგანგებო მდგომარეობა გამოაცხადა, ხოლო სამართალდამცავები კიბერშეტევეაში მონაწილე პირებს ეძებენ. საუბარი მიმდინარეობს აღნიშნულ შეტევაში რუსეთის როლზეც, თუმცა ზუსტი დამნაშავეების იდენტიფიცირება ჯერჯერობით არ მომხდარა.