რა მიზეზითაც რუსეთი უკრაინაში შეიჭრა, რომ ნატო არ გაფართოებულიყო, ახლა ამის საწინააღმდგო მიიღო. თურქეთი თანახმაა, მხარი დაუჭიროს ფინეთისა და შვედეთის ალიანსში გაწევრიანებას. სამიტზე კი აღინიშნა, რომ მოკავშირეები მზად არიან აღნიშნული პროცესი რაც შეიძლება მალე მოხდეს. ანალიტიკოსების აზრით, ამ ორ ქვეყანას ყოველგვარი მაპის გარეშე მიიღებენ. მიიჩნევენ, რომ ეს ისტორიული გადაწყვეტილებაა, რაც რუსეთისთვის კატასტროფაა, საქართველოსა და ალიანსში გაწევრიანების მსურველი ქვეყნებისთვის კი სტიმული.

საქართველოში უცხოურ ვალუტაში გაცემული სესხები გაძვირდება _ ასეთია საბანკო სფეროს მოლოდინი. მიზეზად ამერიკის შეერთებული შტატების რეფინანსირების სესხებზე საპროცენტო განაკვეთის რეკორდული ნიშნული სახელდება. ფედრეზერვმა რეფინანსირების განაკვეთი 0.75%-ით გაზარდა, ამიტომ საქართველოს საბანკო სფერო უცხოურ ვალუტაში სესხების გაძვირებას 2-4%-ით პროგნოზირებს, სპეციალისტები კი ამბობენ, რომ უცხოური კრედიტები მართლაც გაძვირდება, თუმცა - მცირედით.

საქართველოში ზეთის იმპორტი მცირდება, ხოლო ფასი ელვის სისწრაფით მატულობს. ტენდენცია, ძირითადად, უკრაინაში მიმდინარე ომით არის გამოწვეული. ამ ქვეყნიდან პროდუქტი საერთოდ არ შემოდის, ხოლო რუსეთიდან მთავარი დამაბრკოლებელი ფასია, ბოლო 3 თვეში ზეთი 35%-ით არის გაძვირებული. ამ დროს საქართველოში წელს მზესუმზირის მოსავალი კარგია, მაგრამ დარგი, ძირითადად, საოჯახო მეურნეობების იმედადაა. წმინდა ქართული, ქარხნული წარმოების ზეთი ბაზარზე რეალურად არ არის.

საქართველოს მთავრობამ მოსალოდნელ გლობალურ სასურსათო კრიზისთან დაკავშირებით მუშაობა უკვე დაიწყო. ქვეყნიდან აიკრძალება როგორც ხორბლის, ისე ქერის გატანა და ადგილზე წარმოებული მარცვლეული საქართველოში დარჩება. საინტერესოა, სხვა პროდუქციის მიმართ თუ ფიქრობს მთავრობა მსგავსი გეგმის შემუშავებას და კიდევ რა არის საჭირო სასურსათო უსაფრთხოების უზრუნველყოფისთვის?

უკრაინის ფრონტზე ოკუპანტის მორიგი სამიზნე ცნობილია - რუსული მედია უკვე წერს, რომ მათი ნაწილები ფაქტიურად ლუგანსკის ოლქის ადმინისტრაციულ საზღვრებზე გავიდნენ და „ლისიჩანსკის დაცემის შემდეგ, ხარკოვზე შეტევისთვის ემზადებიან". მათივე ცნობით, ბრძოლები უკვე ხარკოვის შემოგარენში მიდის. სამხედრო ანალიტიკოსების შეფასებით, ლუგანსკის ოლქში უკრაინელების კონტროლის ქვეშ მყოფი ბოლო ქალაქის, ლისიჩანსკის დაცემა შესაძლოა ბრძოლის მეორე ეტაპის დასასრულად ჩათვალონ, თუმცა მესამე ეტაპის დაწყებისთვის რუსებს ოპერატიული პაუზა უთუოდ დასჭირდებათ.

რატომ საუბრობს სამოქალაქო სექტორი ოპოზიციის ნაცვლად, თუ წინასწარ არ არიან შეთანხმებული? და თუ არიან შეთანხმებული, მაშინ ეს სულ არ არის სამოქალაქო სექტორი, - ასე აფასებს „რეზონანსთან" საუბარში 24 ივნისს ხელისუფლებისათვის წაყენებულ ულტიმატუმსა და ტექნიკური მთავრობის შექმნის იდეას ყოფილი სახელმწიფო მინისტრი პაატა ზაქარეიშვილი.

რამდენიმე დღეში იწურება ერთკვირიანი ვადა, რომელიც 24 ივნისს პარლამენტის წინ გამართული აქციის ორგანიზატორებმა მმართველ გუნდს მისცეს. ისინი მთავრობის გადადგომას და ტექნიკური მთავრობის ჩამოყალიბებას ითხოვენ. წინააღმდეგ შემთხვევაში მოძრაობა „სირცხვილია“ პერმანენტულ აქციებს აანონსებს იქამდე, სანამ ეს მოთხოვნები არ შესრულდება. რა მოხდება 3 ივლისს დანიშნულ აქციაზე და შენარჩუნდება თუ არა ის მუხტი, რომელიც 20 ივნისს პარლამენტთან ათიათასობით ადამიანის მისვლის შემდეგ გაჩნდა?

უნგრეთის საელჩო ჩეხეთის, სლოვაკეთის და პოლონეთის საელჩოებთან თანამშრომლობით აწყობს ვიშეგრადის ფესტივალს 2022 წლის 27 ივნისიდან 5 ივლისის ჩათვლით საქართველოში. ფესტივალის ღონისძიებები თბილისში და ბათუმში ჩატარდება.

ხელისუფლების შეცვლა არჩევნებით, ეს არის ტიპიური ევროპული გზა, რაზეც უარს აცხადებს ქუჩის აქციების ორგანიზატორთა ჯგუფი. ეს კი ხელს უშლის ევროსაბჭოს ერთ-ერთი რეკომენდაციის, დეპოლარიზაციის შესრულებას - ასე აფასებს „რეზონანსთან" საუბარში ხელისუფლებსიათვის წაყენებულ ულტიმატუმს ანალიტიკოსი რამაზ საყვარელიძე.

უკრაინული მხარე ჩრდილოეთიდან თავდასხმისთვის ემზადება - კიევში აცხადებენ, რომ რუსეთმა შესაძლოა ბელარუსის ტერიტორია უკრაინაში ხელახალი შეჭრისთვის გამოიყენოს და ამას გარდა, ბელარუსის არმია შესაძლოა ღიად ჩაერთოს ომში რუსეთის მხარეს. რუსეთი კი ბელარუსს სარაკეტო კომპლექს „ისკანდერ-ემ"-ებს მიაწვდის, რომლებიც შესაძლოა ბირთვული ქობინებით იყოს აღჭურვილი.

ბიზნესმენ ლევან კაჭარავას მკვლელობის საქმეში ახალი „ოქროს მოწმეები“ გამოჩნდნენ. როგორც ირკვევა, იმ დროს, როდესაც სახლისკენ მიმავალ ბიზნესმენს ჩასაფრება მოუწყეს და წყნეთის გზაზე ჩაცხრილეს, მას უკან ტაქსი, თეთრი ფერის „ტოიოტა პრუსი“ მიჰყვებოდა. თავადამსხმელებმა კაჭარავას ავტომობილთან ერთად ტაქსიც  გადაცხრილეს, ხოლო მასში მსხდომი მძღოლი  და მისი მგზავრი სიკვდილს სასწაულებრივად გადაურჩნენ. 

ეკონომიკურ ზრდის ტენდენციას საქართველო გრძელვადიან პერიოდშიც შეინარჩუნებს. ფაქტობრივად, ყველა პირობაა, რომ ქვეყანა მიღწეული შედეგით არა მხოლოდ რეგიონში, არამედ ევროპის მასშტაბით პირველ ადგილზე აღმოჩნდეს. მეტიც, არ არის გამორიცხული, საქართველომ მსოფლიოშიც ერთ-ერთი მოწინავე ადგილი დაიკავოს. ომის შიშით შემცირებული პროგნოზები შეცვალა, ვითარება რადიკალურად გაუმჯობესებულია. ტურიზმში გამოცოცხლება, ექსპორტის მიმართულებით მიღწევები და ტვირთნაკადების  ზრდა სამი მთავარი ფაქტორია, რამაც ეკონომიკაში სერიოზული გარდატეხა მოახდინა. წელს მშპ-ს ორნიშნა მაჩვენებელი უკვე ძალიან რეალურია.