აშშ-ის პრეზიდენტის დონალდ ტრამპის თქმით, მას დიდი გადაწყვეტილება აქვს მიღასაღები იმასთან დაკავშირებით, დაიდება თუ არა ირანთან შეთანხმება, რომელიც მათ საშუალებას მისცემს "აღადგინონ და შექმნან გაცილებით დიდი ქვეყანა, ვიდრე ოდესმე ყოფილა".
მეორე მხრივ, ტრამპი აცხადებს, რომ მას შეუძლია "ისლამური რესპუბლიკის განადგურება" და მათთვის "იმის შანსის აღარასდროს მიცემა, რომ ხალხი და ქვეყნები გაანადგურონ".
"მჯერა, რომ შეთანხმებას არჩევნების დასრულებისთანავე მივაღწევთ, რადგან მათთვის შეთანხმებაზე უარის თქმა აზრს მოკლებულია," - აცხადებს ტრამპი.
ტრამპმა ასევე აღნიშნა, რომ აშშ მჭიდროდ თანამშრომლობს რუსეთისა და უკრაინის ლიდერებთან.
"რუსეთ-უკრაინის შეთანხმებას იმაზე სწრაფად მივაღწევთ, ვიდრე ხალხს წარმოუდგენია" - აცხადებს ტრამპი.