ზღვისპირა სოფელი წვერმაღალა ოზურგეთისა და ბათუმის გზაგასაყარზე მდებარეობს. ტერიტორიულად ურეკს ეკუთვნის, ხოლო მისი პლაჟი შეკვეთილად მოიხსენიება. კომუნისტების წასვლის შემდეგ აქაურობა ველურ სანაპიროდ გადაიქცა. თხმელის ხეივანში მიმავალ გზას სილის გორებიან სანაპიროზე გაყავდი, სადაც ზღვის ველური ლილიები ბიბინებდა. დღეს ეს მიდამოები ბიზნესმენ ბიძინა ივანიშვილს ეკუთვნის.

  სამსახურის დაკარგვა, შემოსავლების შემცირება გარკვეული მომჭირნეობის გამოჩენის საფუძველი ხდება. ეკონომია, ძირითადად, ისეთ ნივთებზე კეთდება, რომლებიც პირველადი მოხმარების არაა და რომელთა გარეშეც ცხოვრება ადვილი წარმოსადგენია.

  "გთხოვ სათუთად მომიარო, ვით ძვირფასი განძის ბადალს, რომ შენს უმცროს მეგობარსაც ვემსახურო გაისადაც!" (ფასი 2 კაპ.) - სავარაუდოდ, 21-საუკუნის ასიდან არცერთ "თინეიჯერში" არ მოიძებნება მოზარდი, რომელსაც ზემოთმოყვანილი სტრიქონი ჰქონდეს ნანახი თვალით. არადა, გასული საუკუნის 80-90-იანი წლების სკოლების აღსაზრდელების 99 პროცენტმა ზეპირად იცოდა ხსენებული ოთხიოდე სტრიქონი. მათთვის, ვისთვისაც უცნობია ეს ლექსი, გვინდა აღვნიშნოთ, რომ ზემოაღნიშნულ პერიოდში ჯერაც უცნობი გახლდათ ე.წ. "ცარცის" ქაღალდით "შემოსილი" სახელმძღვანელოები და მათ უკეთ შესანახად ჩვეულებრივი პოლიეთილენის გადასაკრავები იხმარებოდა. ცნობისათვის, ეს გადასაკრავი საცალო ფასით, 2 კაპიკით განისაზღვრებოდა.

  მეცხოველეობა-მეფრინველეობის დარგში არსებულ მდგომარეობას ექსპერტები და სოფლის მეურნეობის სფეროს სხვა სპეციალისტები საგანგაშოდ მიიჩნევენ. რქოსანი პირუტყვისა და ფრთოსნების სულადობა ყოველწლიურად კლებისკენ მიდის. ოფიციალური სტატისტიკით, საქართველოში 1 წლის განმავლობაში მარტო ცხვრისა და თხის სულადობა 17 პროცენტითაა შემცირებული. ექსპერტების განმარტებით, აშკარად გამოხატული დაღმავალი დინამიკა 2005 წლიდან ფიქსირდება და მოთხოვნის მიუხედავად, წარმოების ტემპი მცირდება.

  წლეულს ხილის მოსავალი 40-45 პროცენტამდე შემცირდება. დეფიციტი ყველა სახეობის ხილზე აისახება. შესაბამისად, ფასების ზრდა ამ მიმართულებითაც თავის მაქსიმუმს მიაღწევს, - ასეთია სოფლის მეურნეობის დარგის სპეციალისტების პროგნოზი ხილის მოსავალთან დაკავშირებით. რაც შეეხება ფასის მაქსიმუმს, ექსპერტ თამაზ კუნჭულიას ვარაუდით, წელს ყველა სახეობის ხილი ძვირი ეღირება, განსაკუთრებით ვაშლი, რომლის ფასი 5 ლარამდე აიწევს. მისი აზრით, ხილის დეფიციტი უამინდობამ განაპირობა. პრობლემები ამ დარგში მოსალოდნელზე მეტად გააღრმავა სახელმწიფოს მხრიდან შესაბამისი ღონისძიებების განუხორციელებლობამ.

სპეციალურად "რეზონანსისთვის" რაჭიდან
   
  დასვენების სეზონის დადგომისთანავე რაჭა დამსვენებლებით ივსება. შეიძლება ითქვას, რომ წელიწადში ორი თვის განმავლობაში რაჭაში სიცოცხლე დუღს. სხვა თვეებში, როდესაც სოფლებში მხოლოდ ადგილობრივები რჩებიან, ხალხის სიმრავლე არ შეინიშნება. რაჭის სოფლებში წლიდან წლამდე სულ უფრო ცოტა ადამიანი ატარებს ზამთარს. ვისაც საშუალება აქვს, მკაცრ პირობებს ყველა გაურბის და ბარის ქალაქებსა თუ სოფლებში იზამთრებს.

  ზაფხულის სეზონმა საქართველოს დედაქალაქიდან რეგიონებში მიმოსვლა გაააქტიურა. წლეულს მგზავრობის საფასური არ შეცვლილა. ყველაზე მეტი მოთხოვნას ამ ეტაპისთვის რკინიგზით და მიკროავტობუსებით მგზავრობაზეა. რაც შეეხება საჰაერო მიმოსვლას, მაღალი ფასის გამო ამ მომსახურებაზე ქართველების დიდი ნაწილი უარს ამბობს.

  თუ ზაფხულის ცხელ დღეებს სოფელში ატარებთ და დილით ჯერ კიდევ ღრმა ძილში მყოფს მოგესმათ ძახილი - "კიტრი, პამიდორი, ხახვი, ბადრიჯანიიი!" სიზმარი არ გეგონოთ. ეს ბორბლებზე შემდგარი აგრარული ბაზარი მოდის. პროდუქტის ფასები მისაღებია, სერვისი კიდევ უკეთესი - დროსაც დაზოგავთ და ენერგიასაც. მოკლედ, მყიდველიც კმაყოფილია და გამყიდველიც. მყიდველი იმიტომ, რომ ბაზრიდან პროდუქტის მოსატანად არც სამარშრუტო ტაქსის ლოდინი უწევს და არც მძიმე ჩანთების თრევა. გამყიდველი კი იმიტომ, რომ საარსებო წყარო გამოუნახავს.

  ფასების მატებასთან ერთად, ქართულ ბაზარზე ასევე ქართული წარმოების პროდუქციის დეფიციტი შეინიშნება. ზეთი "მზიური" უკვე რამდენიმე დღეა სუპერმარკეტებში აღარ ჩანს. პრობლემები შეიძლება შეექმნას ქართული რძის პროდუქტების საწარმოებს, რაც საბოლოო ჯამში პროდუქციის დეფიციტს გამოიწვევს. ჯერჯერობით დეფიციტური არ არის მარნეულის საკონსერვო ქარხნის ნაწარმი. ყოველ შემთხვევაში, როგორც საწარმოს ხელმძღვანელი "რეზონანსთან" საუბარში აცხადებს, ისინი წარმოებაში მთლიანად ადგილობრივ ნედლეულს იყენებენ, მისი შეძენა კი პრობლემას არ წარმოადგენს.

მომხმარებლები “ყაზტრანსგაზ-თბილისს” უსაფრთხოების ნორმების დარღვევაში ადანაშაულებენ და კომპანიას შესაბამისი ახსნა-განმარტებების გაკეთებას სთხოვენ. საქმე ეხება მაღალსართულიან კორპუსებში დაწყებულ პროექტს, რომლის მიხედვითაც გაზის მრიცხველების სადარბაზოში გამოტანა და დამონტაჟება არა ლითონის, არამედ პლასტმასის მილებით ხდება.
მომხმარებელების აღშფოთებას არ იზიარებენ “ყაზტრანსგაზ-თბილისში”. უფრო მეტიც, კომპანიაში ირწმუნებიან, რომ აღნიშნული მილები უფრო მეტად უსაფრთხოა, ვიდრე ძველი, ლითონის მილები.

  2010 წლის პირველი იანვრის მონაცემებით საქართველოს მოსახლეობის 53%, ანუ 2 350,5 ათასი ადამიანი ქალაქში ცხოვრობს, 47% კი, ანუ 2 085,9 ათასი ადამიანი სოფელში. 2009 წლის პირველ იანვარის მონაცემებით კი, ქალაქში 2 309,1 ათასი ადამიანი ცხოვრობდა, სოფლად 2 076,3 ათასი. ამ ციფრებიდან ჩანს, რომ ბოლო ორი წლის განმავლობაში სოფლად მოსახლეობის რაოდენობამ იმატა, თუმცა როგორც ექსპერტები აცხადებენ, ამას შიდა მიგრაციულ პროცესებთან საერთო არაფერი აქვს და ის შობადობის ზრდას უკავშირდება.

  სამომხმარებლო ბაზრებზე ფასების ზრდის ტენდენცია გრძელდება. სასურსათო პროდუქციის მორიგი გაძვირება შემოდგომაზეც მოსალოდნელია. საქართველოს მოსახლეობა მძიმე ზამთრის მოლოდინშია. ზოგი რამდენიმე დღის სამყოფი მარაგის შეძენას ცდილობს, ბევრს ყოველდღიური ხარჯების გამკლავებაც უჭირს. ხალხის უმეტესობა თადარიგის დაჭერას ვერ ახერხებს.