რუსეთში ჯავახელი სომხების დიასპორის მტკიცებით, საქართველოში ჯავახეთში მცხოვრები სომხების "საგანმანათლებლო გენოციდი" მიმდინარეობს. ამიტომ საქართველოს განათლების სამინისტროს ლიკვიდაციას ითხოვს. მიხეილ სააკაშვილის მრჩეველის, ვან ბაიბურთის თქმით, მათ რუსეთის სპეცსამსახურები მართავენ.

  პრეზიდენტ სააკაშვილის მიერ ბოლო დღეებში გაკეთებული განცხადებების გამო დაზარალებულებს სამოქალაქო კოდექსის მე-18 მუხლით შეუძლიათ მოითხოვონ მიყენებული მორალური ზიანის ანაზღაურება. პრეზიდენტის მიერ ყვარელში გამართული სხდომის დროს გამოყენებული ფრაზები - "გაქსუებული", "გაზულუქებული", "ერთ ადგილას მახათის გაყრა" - იურისტების განცხადებით, არა მხოლოდ კონკრეტული ჩინოვნიკების პატივსა და ღირსებას ლახავს, არამედ პრესის შესახებ კანონის დაღვევაა, სადაც მითითებულია, რომ უხამსობა აკრძალულია საჯარო გამოსვლებისას.

  სამოქალაქო მოძრაობამ "სოლიდარობა უკანონო პატიმრებს" პენიტენციური სისტემის ხუთთვიანი მონიტორინგის შედეგები წარმოადგინა და 7 - პუნქტიანი დასკვნა დადო, სადაც ნათქვამია, რომ პენიტენციურ სისტემაში ვითარება ძალიან მძიმეა.

  საკონსტიტუციო ცვლილებების საჯარო განხილვა საკმაოდ პომპეზურად, მაგრამ საჯარო განხილვისთვის შექმნილი კომისიის ხელმძღვანელობის გარეშე დაიწყო. არადა, პარლამენტის თავმჯდომარემ, რომელიც ამ კომისიის ხელმძღვანელია, განაცხადა, რომ დღეს ეს საკითხი ქვეყნისთვის ყველაზე მნიშვნელოვან საკითხს წარმოადგენს. ამ მნიშვნელოვან სხდომას კი არც დავით ბაქრაძე და არც ამ კომისიაში მისი მოადგილე, ავთანდილ დემეტრაშვილი არ ესწრებოდნენ. პირველი შეხვედრა კი სამეცნიერო წრეებთან გაიმართა, მაგრამ შეხვედრას მეცნიერების მაინცდამაინც დიდი სპექტრი არ დასწრებია.

  გამომცემლობა "სამშობლოს" ყოფილი შენობიდან გამოსახლებული დევნილები ლტოლვილთა და განსახლების სამინისტროსგან თბილისში საცხოვრებელი ფართებით დაკმაყოფილებას ითხოვენ. ამ მოთხოვნით გუშინ ლტოლვილთა და განსახლების სამინისტროს წინ სხვასადხვა კომპაქტურად ჩასახლებულ ადგილებში მცხოვრები 100-მდე დევნილი შეიკრიბა. აქციას ორგანიზატორობას "კონსერვატიული" პარტიის ერთ-ერთი ლიდერი ლაშა ჩხრატიშვილი უწევდა. მისი ცნობით, სამინისტროს შეთავაზება საცხოვრებელი ფართებით რეგიონებში დაკმაყოფილებსთან დაკავშირებით დევნილებისთვის მიუღებელია, რადგან მათ მოუწევთ სამსახურის და სხვადასხვა შემოსავლის წყაროს დაკარგვა.

  ბოლო დღეებში საკმაოდ გააქტიურდა საუბრები მთავრობაში დაგეგმილ მორიგ საკადრო ცვლილებებზე. ამ ვარაუდს თავად პრეზიდენტმა სააკაშვილმა მისცა საფუძველი კახეთში გამართულ მთავრობის სხდომაზე გაკეთებული ხმაურიანი განცხადებებით.

  იუნდუსტრიული ქვეყნის შენებასთან დაკავშირებით, მთავრობის წადილს ასრულება ვერ ეღირსა. გეგმით, თავისუფალი ინდუსტრიული ზონა საქართველოს 5 ქალაქში უნდა შეიქმნას. კერძოდ, ქუთაისში ორი თავისუფალი ინდუსტრიული ზონა იქნება, თითო-თითო თბილისში (თბილისში ინდუსტრიულ ზონას, სავარაუდოდ, ებრაული კომპანია "ტერა ერთი" მოაწყობს), რუსთავში, ბათუმსა და ფოთში.

  კახელებს "სოკარი" ივლისში მოხმარებულ გაზის გადასახადს უკვე გაზრდილი ტარიფით დაუანგარიშებს. ანუ დერეგულირებული ტარიფის მორიგი შედეგი ახლა კახელებმა იწვნიეს. არადა, როგორც ენერგეტიკის მინისტრი ალეკო ხეთაგური აცხადებდა, დერეგულაციის მიზანი კონკურენციის გაზრდა იყო, რაც თავის მხრივ ტარიფის გაიაფებას გამოიწვევდა.

  სააკაშვილის შემდეგ ინვესტიციების მოზიდვაზე აქტიური მუშაობის დაწყების დირექტივა თბილისის მერმა გიგი უგულავამაც გასცა. პრეზიდენტისგან განსხვავებით, უგულავამ ეს მითითება ქალაქის მთავრობის წევრებს მისცა და კონკრეტული ვადაც დაუსახელა. რამდენად შეძლებენ ქალაქის მთავრობის წევრები ამ ბრძანების შესრულებას იმ ფონზე, როდესაც მთლიანად ქვეყანაში ინვესტიციების რაოდენობა მნიშვნელოვნად შემცირებულია, რთული სათქმელია, თუმცა დავალება დავალებაა და ის თბილისის მთავრობას უკვე მიღებული აქვს.

  ქართველი ბიზნესმენები სახელისუფლო სტრუქტურების წარმომადგენლებმა კრიტიკის ქარ-ცეცხლში გაატარეს. მათ საყვედურებს ბოლოს არც უცხოელებმა დააკლეს და მორიგი ლანძღვა ქართულმა ბიზნეს-სპექტრმა უკვე ამერიკის ვაჭრობის დეპარტამენრტისგანაც იგემა.

  არჩევნებიდან რამდენიმე თვის შემდეგ, როგორც მოსალოდნელი იყო, თბილისის მერი გარევაჭრობის საკითხით დაინტერესდა და დედალაქალის მთავრობისგან ამ პრობლემის მოგვარება მოითხოვა. ამ თემის წინ წამოწევის მთავარ მიზეზად კი ქუჩაში შეძენილი პროდუქტებით მოწამვლის შემთხვევების გახშირება დაასახელა. უგულავას ამ გადაწყვეტილების ფონზე აშკარაა, რომ მალე გარემოვაჭრეებს კარგი დღე არ დაუდგებათ და ერთ დღესაც მერიის წარმომადგენლები მათ აყრას დაიწყებენ. ამას არც "კონსერვატორი" ლაჩა ჩხარტიშვილი გამორიცხავს და აცხადებს, რომ ასეთ შემთხვევაში ის აქციებს უკვე გარემოვაჭრეებთან ერთად გამართავს.

  ბოლო დროს ძალიან ბევრს საუბრობენ საკვების ხარისხზე, გენმოდიფიცირებული პროდუქციის მავნებლობაზე. დიასახლისების დიდი ნაწილი უკვე ცდილობს კონტროლი გაუწიოს, რითი კვებავს ოჯახის წევრებს. თუმცა არანაკლები ყურადღება უნდა მივაქციოთ საყოფაცხოვრებო ნივთებისა და ჩასაცმელის ხარისხს. თუ ჩასაცმელის ფერი, როგორც ფსიქოლოგები აღნიშნავენ, მოქმედებს პიროვნების გუნება-განწყობაზე, შეიძლება თამამად ითქვას, რომ ქსოვილის ქიმიური შემადგენლობა გავლენას ახდენს მის ჯანმრთელობაზე.

  თითქმის მთელი ივლისის განმავლობაში, თბილისსა და ფაქტობრივად, მთელ საქართველოში, უკვე ტრადიციულადქცეული ფესტივალი "არტგენი" ჩატარდა. ის, უკვე შვიდი წელია აფერადებს და ახალისებს საქართველოს სულიერ ცხოვრებას, სულ უფრო პოპულარული ხდება, მეტ და მეტ ადამიანს იზიდავს, თუმცა, უნდა ითქვას, რომ პოპულარული პირველივე ნაბიჯებიდან გახდა.

  დღეს 27 ივლისს 12 საათზე საქართველოს ახალგაზრდა იურისტთა ასოციაციის ცენტრალურ ოფისში ჟურნალისტებთან სამუშაო შეხვედრა გაიმართება. აღნიშნული შეხვედრის მიზანია იმ საკანონმდებლო ხარვეზების იდენტიფიცირება, რომლებიც საქართველოში მომუშავე ჟურნალისტებს ყველაზე მეტად უშლის ხელს ეფექტურ საქმიანობაში და რომელთა აღმოფხვრა შესაძლებელია საკანონმდებლო ცვლილებების განხორციელების შედეგად. შეხვედრა ევრაზიის ფონდის დახმარებით, საიაში არსებულ მედიის სამართლებრივი დაცვის ცენტრის ორგანიზებით ხორციელდება, რომელსაც 40-მდე მედიაორგანიზაციის წარმომადგენელი დაესწრება.

  გუშინ ტელეკომპანია "კავკასიაში" მომხდარ ინციდენტთან დაკავშირებით დაკავებული 8 პირის სასამართლო პროცესი თბილისის საქალაქო სასამართლოში განახლდა. პროცესზე 6 მოწმე დაიკითხა, მომდევნო განხილვა კი დღეს 2 საათზე და 23 ივლისს 11 საათზე მოხდება.

  ჩეჩნების უფლებების დარღვევასა და მათი ეთნიკური ნიშნით დისკრიმინაციაზე ბოლო რამდენიმე დღეა, თავად კრემლისადმი ლოიალურად განწყოფილ ჩეჩნეთის ხელმძღვანელობაშიც აქტიურად საუბრობენ. პროტესტი კრასნოდარის მხარის, ინგუშეთის, სტავროპოლის, დაღესტანისა და ჩრდილო ოსეთის მისამართით ჩეჩნეთის ომბუდსმენთან ერთად უკვე რესპუბლიკის პრეზიდენტმა რამზან კადიროვმაც გამოთქვა.

  ყირგიზეთში საპროტესტო აქციები ისევ დაიწყო. მოსახლეობა ქვეყნის სამხრეთ ნაწილში, სადაც ერთი თვის წინ ეთნიკურ დაპირისპირებას რამდენიმე ასეული ადამიანის სიცოცხლე ემსხვერპლა, ეუთოს პოლიციის სიტუაციის ნეიტრალიზების მიზნით შესვლას აპროტესტებს.

  კარგი თამაში, ჰარმონია, მეტოქისადმი პატივისცემის გამოხატვა - სწორედ ესაა რაფა ბენიტესის საფეხბურთო ფილოსოფიის მთავარი ასპექტები. არანაირი კონფლიქტი, სწრაფვა იმისკენ, რომ ყურადღება არ მიექცეს იმას, რას ამბობენ შენზე მეტოქეები, მთავარი პრიორიტეტია მოედანზე იმის ჩვენება, რაც იცი და რაც შეგიძლია.

  რუსთავის "ოლიმპმა" ჩემპიონთა ლიგის მეორე საკვალიფიკაციო ეტაპი ვერ გადალახა - ქვემოქართლელების მეტოქე ყაზახური "აქტობე" იყო და მოქმედი ჩემპიონი ორი მატჩის ჯამში 1:3 დამარცხდა.

  სახალხო მართლმადიდებლური მოძრაობის წევრების მიმართ უკანასკნელი 2 თვის განმავლობაში, მიმდინარეობს დევნა მათ მიერ მხოლოდ და მხოლოდ გამოხატვის თავისუფლების განხორციელების გამო. მოძრაობის 8 წევრი უკვე ორი თვეა, პატიმრობაში იმყოფება, ხოლო ლიდერის, მალხაზ გულაშვილისა და მისი არასრულწლოვანი ვაჟის, დავითის მიმართ ქართულმა მართლმსაჯულებამ გამოიყენა მუხლი, რომლითაც დღემდე საქართველოს არც ერთი მოქალაქე საკუთარ სამშობლოში არ გაუსამართლებიათ.

  2000-2003 წლებში საქართველოს მეცნიერებათა აკადემიაში შემუშავდა რეფორმის პროექტი, რომელიც ითვალისწინებდა სახელმწიფო ატესტაციის მექანიზმის გამოყენებით სამეცნიერო-კვლევით დაწესებულებათა ოპტიმიზაციას და მეცნიერთა სამუშაო პირობების ეტაპობრივ გაუმჯობესებას. დაგეგმილი იყო აგრეთვე აკადემიის მმართველი რგოლის გარდაქმნა სამეცნიერო დაწესებულებების სისტემათა მართვის ევროპული მოდელების გათვალისწინებით.