ევროკავშირში არ გამორიცხავენ, რომ შესაძლოა საქართველოსთვის უვიზო მიმოზვლის შეჩრების მეორე ეტაპი დაიწყოს, რაც უკვე მთელ მოსახლეობაზე გავრცელდება. ამაზე საუბრობს ევროკომისიის პრეზიდენტი ურსულა ფონ დერ ლაიენი ოპოზიციისთვის გამოგზავნილ სპასუხო წერილში, იქვე ნათქვამია, რომ „ევროკავშირი კვლავ ერთგულია საქართველოში დემოკრატიული პრინციპების, ადამიანის უფლებებისა და კანონის უზენაესობის მხარდაჭერის მიმართ და კვლავაც მტკიცედ უჭერს მხარს ქართველ ხალხს და მათ ევროპული მომავლისკენ მისწრაფებებს".

ბრიტანეთის მიერ „იმედისა" და „პოსტივის" დასანქირების შემდეგ „ქართული ოცნების" პოლიტსაბჭოს სხდომა გაიმართა, რომელსაც პარტიის საპატიო თავმჯდომარე, ბიძინა ივანიშვილი ესწრებოდა. სხდომის მერე პრემიერმა, ირაკლი კობახიძემ მედიასთან აღნიშნა, რომ ბრიტანეთის სანქციების მიუხედავად, საქართველოს ხელისუფლებას მასთან არანაირი დიპლომატიური ცვლილება არ ექნება, მათ შორის არც ელჩს გააძევებენ ქვეყნიდან. ევროკავშირთან ურთიერთობების საუბრისას კი თქვა, რომ დიალოგი თავად ევროპამ შეაჩერა, მაგრამ განახლებისთვის მზად არიან.

ზუსტად ერთი კვირაა, საზოგადოების დიდ ინტერესს იწვევს, რა იყო ყოფილი ვიცე-პრემიერის, ლევან დავითაშვილის სახელმწიფო უსაფრთხოების სამსახურში (სუს) დაბარების რეალური მიზეზი. ექსპერტების ნაწილი ფიქრობს, რომ მიზეზი „სოკართან“ გაფორმებული ერთ-ერთი ხელშეკრულებაა, რომლის ვადაც 2026 წელს იწურება. მეორე ნაწილის ვარაუდით, სრულიად შესაძლებელია, ეს მსხვილი ნავთობკომპანია „გაზპრომიც“ კი იყოს... „რეზონანსის“ კონფიდენციალური წყაროს ინფორმაციით, დავითაშვილისა და ჩიქოვანის სუს-ში დაბარების მიზეზი „სოკარსა“ და ყულევის ნავთობტერმინალს შორის არსებულ გაუგებრობას უკავშირდება. 

2026-2027 სასწავლო წლისთვის სახელმწიფო უნივერსიტეტებში მისაღები ადგილების რაოდენობა გაიზარდა, თუმცა ზრდა მინიმალურია და მნიშვნელოვნად ჩამორჩება მოლოდინს, რომელიც პრემიერის განცხადებების საფუძველზე გაჩნდა. მთავრობის ახალი დადგენილებით, ბაკალავრიატსა და ერთსაფეხურიან პროგრამებზე კვოტა 21 574-მდე, ხოლო მაგისტრატურაში 3 335-მდე განისაზღვრა, თუმცა ცვლილებების ფონზე ილიას უნივერსიტეტში, რომელიც ოპოზიციური აზრის ერთგვარ ბასტიონად ითვლება, მიღება მკვეთრად შემცირდა.

პაკისტანსა და ავღანეთს შორის შეტაკება მოხდა, რასაც სავარაუდოდ, მსხვერპლი მოჰყვა. განადგურებულია მხარეების სასაზღვრო პუნქტები და დაღუპულია რამდენიმე ჯარისკაცი. გავრცელებული ცნობებით, დარტყმები 26 თებერვალს ღამით განხორციელდა, მას შემდეგ, რაც თალიბანმა პაკისტანის ინფრასტრუქტურაზე ე.წ. „საპასუხო დარტყმები" დაიწყო. ექსპერტები დიდი ომის დაწყებას ნაკლებად ვარაუდობენ, რადგან პაკისტანისა და ავღანეთის სამხედრო რესურსები მკვეთრად განსხვავდება.

ბრიტანული სანქციების ფონზე, „იმედი" საკუთარი ბანკის შექმნას აანონსებს, ირწმუნება, რომ აჟიოტაჟი „ხელოვნურად შეიქმნა" და ტელეკომპანიას ფინანსური პრობლემა „არ ექნება". მმართველ პარტიაში ინიციატივას მიესალმებიან და ამბობენ, რომ თავადაც გახსნიან ანგარიშს. ოპოზიციაში კი მიაჩნიათ, რომ ასეთი ბანკის შექმნა აბსურდია.

საქართველოსა და უკრაინის პარლამენტის თამჯდომარეები ერთმანეთს უპირისპირდებიან. ყველაფერი სოციალურ ქსელში შალვა პაპუაშვილის პოსტით დაიწყო იმის შესახებ, რომ „არც ზელენსკი და მისი მოადგილეები, არც ბრიუსელი არ იმსახურებს ჩვენს მხარდაჭერას, რადგან ეს არის უმადური ხალხი". ამას რუსლან სტეპანჩუკი გამოეხმაურა და დიდი გაოცება გამოხატა. ამას კვლავ საპასუხო განცხადება მოჰყვა პაპუაშვილის მხრიდან და უკრაინის პოლიტიკოსებს სიტყვა-პასუხი დაუწუნა.

დიდი ბრიტანეთის გადაწყვეტილებადე დაახლოებით ერთი თვით ადრე, საქართველოს ხელისუფლებამ ბრიტანულ საზოგადოებრივ მაუწყებელს უჩივლა ე.წ. კამიტის საქმეზე. 24 თებერვალს კი ბრიტანეთის ხელისუფლებამ ქართული პროსახელისუფლებო არხები - „იმედი" და „პოსტივი" დაასანქცირა. შეიძლება თუ არა რაიმე კავშირი იყოს ამ ორ საქმეს შორის და ექნება თუ არა გაგრძელება „ბიბისის" წინააღმდეგ სამრთლებრივ დავას?

ბრიტანეთის მიერ ქართული ტელეარხების -„იმედისა" და „პოსტვ"-ის დასანქცირება ქვეყანაში პოლიტიკური პროცესების ერთგვარი გააქტიურების საფუძველი გახდა. საგარეო საქმეთა სამინისტროში 26 თებერვალს ბრიტანეთის ელჩთან შეხვედრა გაიმართა. „ნციონალურ მოძრაობაში" კი აცხადებენ, რომ სანქციების აღსულების მონიტორინგს იწყებენ.

აშშ-ის წარმომადგენელთა პალატაში წარდგენილია საქართველოს შესახებ კანონპროექტი, რომელიც ჩვენს ქვეყანაში რუსეთისა და ჩინეთის სადაზვერვო საქმიანობის შესახებ ანგარიშის მომზადებას ითვალისწინებს. დამატებითი ინფორმაცია ჯერჯერობით არაა ცნობილი. ანალიტიკოსთან ნაწილი ფიქრობს, რომ ეს შეიძლება მიმართული იყოს საქართველოში ჩინური და რუსული პროექტების წინააღმდეგ. ნაწილი ანალიტიკსოებისა კი ამბობს, რომ ეს „მეგობარი აქტის" გაყინვის საპირწონედ გაკეთდა.

ოპოზიციური ერთობის თემა კვლავ პოლიტიკური დღის წესრიგის ცენტრშია - თითქმის ორი თვის წინ დაანონსებული მრავალპარტიული ალიანსი ჯერ ისევ არ შექმნილა, თუმცა ოპოზიციაში აცხადებენ, რომ პროცესი საბოლოო ფაზაში შედის. მათივე თქმით, მთავარი მოზანია მოქმედი ხელისუფლების რეალური ალტერნატივის შექმნა. „ლელოს" ოფიციალური და საბოლოო უარის შემდგეგ კი მთავარი საკითხი ისაა, რა პოზიცია ექნება „ნაციონალურ მოძრაობას" და მოაწერენ თუ არა ისინი ხელს უკვე შემუშავებულ ერთობის დოკუმენტს.

პარლამენტის თავმჯდომარე შალვა პაპუაშვილი ელჩების განცხადებებს, ქართული ტელევიზიების სანქცირებას, ევროპარლამენტის ანგარიშს და უკრაინის თემას გამოეხმაურა - ის ამტკიცებს, რომ დასავლეთის კრიტიკის მთავარი მიზეზი საქართველოს მხრიდან რუსეთთან ესკალაციაზე უარის თქმაა.

პარლამენტში, სურსათის, მედიკამენტებისა და საწვავის ფასწარმოქმნის შემსწავლელი დროებითი საგამოძიებო კომისიის რიგით მეოთხე შეხვედრა გაიმართა. ამჯერად, დისტრიბუტორებს მოუსმინეს და აქამდე ცნობილ პრობლემებს, რაც პროდუქციის მაღალ ფასს იწვევს, კიდევ ერთი დაემატა. მართალია, მწარმოებლების მსგავსად, ქსელური მარკეტების დაწესებული „ქეშბექის“ მაღალი პროცენტი დისტრიბუტორებსაც აწუხებთ, მაგრამ დღეს გაირკვა, რომ ბაზრის მსხვილი მოთამაშეები, ანუ დიდი მარკეტები დისტრიბუტორებს საბრუნავ თანხას დაგვიანებით ურიცხავენ, რაც სერიოზულ ფინანსურ პრობლემებს იწვევს. ექსპერტები სრულად იზიარებენ მწარმოებლებისა და დისტრიბუტორების პრობლემებს და აცხადებენ, რომ ხელისუფლებამ სამართლებრივი მექანიზმი უნდა გაამკაცროს - საჭიროა შესაბამის კანონში გარკვეული ცვლილებები. 

rubrics/rubs3/artc246068/a1772036194.jpg

მცირე გაიაფების შემდეგ ოქრო ნელ-ნელა იბრუნებს პოზიციას და ერთი უნციის ღირებულებამ უკვე 5200 დოლარს მიაღწია. როგორც ჩანს, გაურკვევლობა მსოფლიო ბაზარზე დიდია, რაც, ძირითადად, გეოპოლიტიკურ ვითარებას უკავშირდება, განსაკუთრებით კი ირანში შექმნილ სიტუაციას. როგორც ანალიტიკოსები აღნიშნავენ, ამ დროისთვის ოქრო ერთ-ერთი ყველაზე სტაბილური აქტივია. ის განსაკუთრებით მაშინ ფასობს, როდესაც გლობალურ ბაზრებზე საფრთხის ნიშნებია და არსებობს შიში, რომ ფულმა შეიძლება ძალა დაკარგოს.

ქვეყანაში გაცემული ხელფასის მოცულობა და მიმღებთა რაოდენობაც გაიზარდა. 2016 წლიდან 2025 წლამდე შუალედში ეს მაჩვენებელი გასამმაგებულია, რაც სხვადასხვა ფაქტორს უკავშირდება, მათ შორის, ეკონომიკურ ზრდას, ბუღალტერიის "გათეთრების" ტენდენციას და რუსეთ-უკრაინის ომმსაც, რამაც განსაკუთრებით "აიტი" მიმართულებაში დასაქმების ზრდას შეუწყო ხელი და შრომის ანაზღაურებაზეც დადებითად აისახა.

შრომის ბაზრის ანალიზის მიხედვით, უნივერსიტეტებში ყოველწლიურად, დაახლოებით, 14 400 აბიტურიენტი უნდა აბარებდეს. საქართველოს პრემიერ-მინისტრმა ირაკლი კობახიძემ მთავრობის სხდომაზე შრომის ბაზრის კვლევა წარადგინა, რომელიც განათლების სფეროში მიმდინარე რეფორმას უნდა დაედოს საფუძვლად. როგორც გაირკვა, დასაქმებულთა მხოლოდ 60%-ს სჭირდება დიპლომი, 40%-ს კი - პროფესიული განათლება. დარგის სპეციალისტები ამ კვლევას სრულად იზიარებენ და ამბობენ, რომ შრომის ბაზრის კვლევაზე დაფუძნებული განათლების რეფორმა უმნიშვნელოვანესია.

დემოგრაფიული მდგომარეობა საქართველოში ბოლო წლების განმავლობაში მკვეთრად გაუარესდა. შემცირდა როგორც ქორწინების, ასევე შობადობის მაჩვენებელი, ხოლო განქორწინების შემთხვევებმა იმატა. ერთი მხრივ, ეს დიდ პრობლემას უქმნის დემოგრაფიას და მოსახლეობის სტრუქტურას. მეორე მხრივ, ეკონომიკასაც, ვინაიდან არის საფრთხე, რომ 60 წელს გადაცილებულთა რაოდენობა ეკონომიკურად აქტიური მოახლეობის რაოდენობას თანდათან გადააჭარბებს.

შრომითი მიგრაციის წესები საქართველოში მკაცრდება - 1 მარტიდან ამოქმედებული ცვლილებები უცხოელთა დასაქმებას ახალ რეგულაციებს უქვემდებარებს და კონტროლის მექანიზმებს ამკაცრებს.

ევროპის უსაფრთხოების არქიტექტურა შესაძლოა ახალ ეტაპზე გადავიდეს - მედიის ცნობით, ორშაბათს საფრანგეთის პრეზიდენტი ემანუელ მაკრონი საფრანგეთის განახლებულ ბირთვულ დოქტრინას წარადგენს და მოკავშირეებს „ბირთვული ქოლგის" შესთავაზებს იმ ფონზე, როცა ვაშინგტონის სანდოობაზე ევროპაში კითხვები მატულობს.

უკრაინისა და აშშ-ის დელეგაციებს შორის მოლაპარაკებები ხვალ გაიმართება, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. ასევე, ზელენსკის თქმით, უკრაინის, აშშ-ისა და რუსეთის წარმომადგენლებს შორის სამმხრივი შეხვედრა, სავარაუდოდ, მარტის დასაწყისში შედგება.