საკადრო და სტრუქტურული ცვლილებების შემდეგ, "ნაციონალური მოძრაობა" საზოგადოებას, სულ რამდეიმე დღეში, ალტერნატიულ ხედვას და ახალ მიმართულებას შესთავაზებს. ამ განაცხადს სკეპტიკურად შეხვდნენ, როგორც საზოგადოებაში, ისე ექსპერტთა წერეებში. მოტივი, პარტიაში ბოლო გადაადგილებებია, რაც მათი აზრით, მიანიშნებს იმაზე, რომ რადიკალური ფრთა ძლიერდება.

რუსეთის 1-კვირიანი ბრძოლა, რომ დასავლეთისგან მიეღო გარანტიები - ნატო აღმოსავლეთით არ გაფართოებულიყო, უშედეგო აღმოჩნდა. ალიანსის მტკიცე პოზიციაა, რომ საქართველო და უკრაინა ორგანიზაციის წევრები გახდებიან. ანალიტიკოსთა აზრით, სამეტაპიანი დიალოგის ფინალი სიურპრიზი არცერთი მხარისთვის არ იყო. მათი თქმით, ამ კონტექსტში მიმდინარე წელს შეხვედრები ბევრი იქნება, თუმცა, გადამწყვეტი მაინც ბაიდენ-პუტინის სამიტი იქნება.

17 იანვრიდან საქართველოში თურქეთის ფარმაცევტული მარეგულირებლის მიერ აღიარებული ფარმაცევტული პროდუქციის ავტომატური აღიარება მოხდება. ინიციატივა პრემიერ-მინისტრს ეკუთვნის და მიზნად ქართულ ბაზარზე მედიკამენტების გაიაფებას ისახავს, თანაც ისე, რომ არ დაეცეს წამლის ხარისხი და ფარმაცევტულ ბაზარზე შეიქმნას კონკურენტული გარემო. უპრეცედენტო გადაწყვეტილების შედეგს საქართველოს მოსახლეობა მალე იხილავს.

მსოფლიო კორონავირუსს უკვე მესამე წელია ებრძვის და ამ დროის მანძილზე ლაბორატორიულად დადასტურებული კოვიდ-19-ის 300 მილიონზე მეტი შემთხვევაა. ახალი შტამი „ომიკრონი" ქვეყნებში უკვე დომინანტურია, რომელიც სპეციალისტების განმარტებით ჩვენს იმუნიტეტს გვერდს უვლის, თუმცა, დასძენენ, რომ ამ შემთხვევაში თუ ადამიანი აცრილი იქნება და დამატებით „ბუსტერ" დოზა ექნება გაკეთებული, ლეტალობა და რეანიმაციაში მოხვედრის შანსი ნაკლები იქნება.

"ომიკრონის" გავრცელების გამო ყოველდღიური მაჩვენებელი ახლო მომავალში რეკორდულად გაიზრდება და შესაძლოა რამდენიმე ათეულ ათასს გაუტოლდეს - ამის შესახებ სპეციალისტები საუბრობენ და არსებულ ეპიდვითარებას აფასებენ. ჯანდაცვის სისტემა კორონავირუსის ყველაზე მძიმე, მე-6 ტალღისთვის ემზადება. სასწავლო პროცესის დაწყებას არსებულ ეპიდვითარებაში დამატებით გამოწვევად მიიჩნევენ ეპიდემიოლოგები. 

„ნაციოანლური მოძრაობაში“ ახალი სტრუქტურული და საკადრო ცვლილებებია დაგეგმილი, რომლის შესახებაც ოფიციალური განცხადება უახლოეს დღეებშ გაკეთდება. ანალიტიკოსთა ნაწილის აზრით, ამით პარტიაში რადიკალური ფრთა ძლიერდება და სუსტდება მოქმედი თავმჯდომარე ნიკა მელიას პოზიციები, რაც თავად ენმ-ს შიგნით უთანხმოებასა და დაძაბულობას იწვევს. სავარაუდოდ, სწორედ ამაზე მიანიშნებს ნიკა გვარამიას კრიტიკული განცხადება „რადიკალ მიშისტებზე“.

გასული კვირის დასავლეთ-რუსეთის სამეტაპიანი მოლაპარაკებების სერია ხელშესახები შედეგების გარეშე დასრულდა. აშშ და ნატო კი მზად არიან, რომ შეხვედრები კვლავ გაგრძელდეს, რუსი დიპლომატები თავის მხრივ ირწმუნებიან, რომ „ყველა საერთაშორისო პრობლემის დიპლომატიურ გადაწყვეტას" მხარს უჭერენ. ანალიტიკოსები ამ შეხვედრებს მოთელვად აფასებენ. მათი ნაწილის აზრით, მოლაპარაკება შესაძლოა გარკვეული არაფორმალური შეთანხმებით დასრულდეს.

წისქვილკომბინატები მოსახლეობის ინტერესების საზიანოდ მოქმედებენ და ფქვილის იმპორტზე „სარკისებური“ საბაჟო გადასახადის დაწესებას ითხოვენ, რაც პურს ხელოვნურად გააძვირებს. მათი პოზიცია მიუღებელია როგორც ფქვილის იმპორტიორებისთვის, ასევე მთავრობისთვის, რადგან მიაჩნიათ, რომ წისქვილკომბინატების წარმომადგენელთა მოთხოვნა უპასუხისმგებლოა. ასეთი ნაბიჯი პურის გაძვირებას გამოიწვევს და კონკურენციაზე მკვეთრად უარყოფით გავლენას მოახდენს.

პანდემიამ სოციალური უთანასწორობა, დაახლოებით, 13-15%-ით გააღრმავა. როგორც სპეციალისტები აღნიშნავენ, კორონავირუსის გავლენა მოსახლეობის თითქმის ყველა ფენაზე ნეგატიურად აისახა და განსაკუთრებით ღარიბებს შეეხოთ, ვინაიდან მათი მწირი შემოსავალი ისედაც შემცირდა, ხოლო საშუალო ფენა თითქმის აღარ დარჩა ქვეყანაში, მათი ნაწილი გაღარიბდა. ყოველი 4 ოჯახიდან 3 ღარიბ-ღატაკია და ამ მხრივ ეკონომიკურმა ზრდამ მინიმალურ დონეზეც ვერ გააუმჯობესა სიტუაცია, პირიქით, სოციალური უფსკრული კატასტროფულად გაღრმავდა.

უკრაინის ხელისუფლება რუსეთს სამთავრობო ვებგვერდებზე კიბერშეტევაში ადანაშაულებს და ამტკიცებს, რომ მოსკოვი ჰიბრიდულ ომშია ჩართული. ანალიტიკოსები მიიჩნევენ, რომ ეს შემთხვევა ჰიბრიდული ომის დასაწყისია - კრემლს სურს უკრაინის მუდმივ დაძაბულობაში ყოფნა, რადგან, მის მიმართ, განსაკუთრებული ინტერესები გააჩნია.

რუსეთთან ომის საფრთხის წინაშე მდგომ უკრაინაში ახალი პოლიტიკური კირიზისი იწყება. ქვეყნის ექს-პრეზიდენტი პეტრო პოროშენკო, რომელზეც დაპატიმრების სანქციაა გაცემული, ორშაბათს უკრაინაში დაბრუნებას გეგმავს. ანალიტიკოსთა შეფასებით, შესაძლოა უკრაინაშიც იგივე სცენარი განმეორდეს, რაც საქართველოში ექსპრეზიდენტ მიხეილ სააკაშვილის დაბრუნებით მოხდა, თუმცა ერთი განსხვავებით - პოროშენკოს უკრაინაშ უფრო დიდი მხარდაჭერა აქვს, ვიდრე სააკაშვილს საქართველოში. შესაბამისად, ანალიტიკოსთა ნაწილი უახლოეს პერიოდში უკრაინაშ ვადამდელ არჩევნებსა და ხელისუფლების შეცვლასაც არ გამორიცხავს.

ლაგოდეხში, ყოფილი მეუღლის მკვლელობისთვის დაკავებულ 38 წლის კაცს ბრალი წარუდგინეს, თუმცა, ის დუმილის უფლებას იყენებს. 

გიორგი ბარბაქაძე კახეთის პოლიციის სამხარეო დეპარტამენტის პირველადი დაკავების იზოლატორშია მოთავსებული. მას საგამოძიებო უწყება დამამძიმებელ გარემოებებში განზრახ მკვლელობას ედავება.

რა გახდა რუსთავში 17 წლის არასრუწლოვანის გარდაცვალების მიზეზი - გამოძიება ამ დრომდე ადგენს. გარდაცვლილი მოზარდი ექსპერტიზის ბიუროდან სახლში გადაასვენეს. ოჯახი გამოძიების ვერსიას ელოდება. დაკითხვების სერია პოლიციის განყოფილებაში ამჟამადაც გრძელდება. პოლიცია ყველა იმ პირს კითხავს, რომლებიც ძველით ახალი წლის ღამეს ნაქირავებელ ბინაში მოზარდთან ერთად იმყოფებოდა.

დოლოჭოპის ბაზილიკა, რომელიც დურუჯისპირა ბაზილიკის სახელითაც არის ცნობილი, მდებარეობს კახეთში, ყვარლის ტერიტორიაზე, მდინარე დურუჯის სანაპიროზე. დღეს  შემორჩენილია მხოლოდ ნანგრევების სახით. ეს გახლავთ 5 წყვილი სვეტით ნაგები სამ ნავად დაყოფილი გრანდიოზული ბაზილიკა, რომელიც საქართველოში ცნობილი ბაზილიკის ტიპის ტაძართაგან უძველესი და უდიდესია.