რამ­დე­ნი­მე დღის წინ, ქორ­წილ­ში მომ­ხდარ მკვლე­ლო­ბა­ში ბრალ­დე­ბულს მცხე­თის რა­ი­ო­ნულ­მა სა­სა­მარ­თლომ წი­ნას­წარ პა­ტიმ­რო­ბა მი­უ­სა­ჯა. მისი ვი­ნა­ო­ბა ცნო­ბი­ლია - საქ­მის პრო­კუ­რო­რის გან­ცხა­დე­ბით, ის წარ­სულ­ში ნა­სა­მარ­თლე­ვი და­ვით ხან­დო­ლიშ­ვი­ლია, რო­მე­ლიც დუ­მი­ლის უფ­ლე­ბას იყე­ნებს, მან უარი თქვა სა­ხა­ზი­ნო ად­ვო­კატ­ზეც.

"ტვ პირ­ვე­ლის" ინ­ფორ­მა­ცი­ით, ხან­დო­ლიშ­ვი­ლი 2026 წლის 26 სექ­ტემ­ბერს სო­ფელ ლის­ში მდე­ბა­რე ერთ-ერთ რეს­ტო­რან­ში, ქორ­წი­ლის სუფ­რა­ზე პა­ტარ­ძლის მხრი­დან იყო მო­პა­ტი­ჟე­ბუ­ლი.

საქ­მის პრო­კუ­რო­რის თქმით, და­ვით ხან­დო­ლიშ­ვი­ლი, რო­მე­ლიც ნას­ვამ მდგო­მა­რე­ო­ბა­ში იმ­ყო­ფე­ბო­და, სტუმ­რე­ბის მი­მართ აგ­რე­სი­ით და ბილ­წი სი­ტყვე­ბით გა­მო­ირ­ჩე­ო­და, გან­სა­კუთ­რე­ბულ აგ­რე­სი­ას კი სი­ძის, გიგა მა­ნუ­კი­ა­ნის მი­მართ ამ­ჟღავ­ნებ­და.

სა­ხელ­მწი­ფო ბრალ­მდე­ბე­ლი ამ­ბობს, რომ ხან­დო­ლიშ­ვი­ლი იყო სწო­რედ კონ­ფლიქ­ტის ინი­ცი­ა­ტო­რი, ხოლო სი­ძის ძმა, მოკ­ლუ­ლი გუ­რამ ბო­ი­კო მის დამ­შვი­დე­ბას და სი­ტუ­ა­ცი­ის და­რე­გუ­ლი­რე­ბას ცდი­ლობ­და, რა დრო­საც მას ბრალ­დე­ბულ­მა სა­სიკ­ვდი­ლო ჭრი­ლო­ბა და­ნით გულ-მკერ­დის არე­ში მი­ა­ყე­ნა და და­ნა­შა­უ­ლის ად­გი­ლი­დან გა­იქ­ცა.

ირ­კვე­ვა, რომ საქ­მის გარ­ჩე­ვა­ში 10-მდე ადა­მი­ა­ნი მო­ნა­წი­ლე­ობ­და, რო­მელ­თა დად­გე­ნა­საც ახლა გა­მო­ძი­ე­ბა ცდი­ლობს. სა­გა­მო­ძი­ე­ბო მოქ­მე­დე­ბე­ბი მიმ­დი­ნა­რე­ობს ასე­ვე იმ პირ­თან და­კავ­ში­რე­ბი­თაც, რომ­ლის სახ­ლში გაქ­ცე­უ­ლი დამ­ნა­შა­ვე და­ა­კა­ვეს.

"შემ­თხვე­ვის ად­გილ­ზე იმ­ყო­ფე­ბოდ­ნენ კი­დევ სხვა პი­რე­ბი და მიმ­დი­ნა­რე­ობს მათი გა­მო­კი­თხვა-დად­გე­ნა. ნა­წი­ლი და­ი­კი­თხა და ნა­წი­ლის და­კი­თხვა ამ მო­მენ­ტშიც მიმ­დი­ნა­რე­ობს. გარ­დაც­ვლი­ლის ერთი ჭრი­ლო­ბა აქვს მი­ყე­ნე­ბუ­ლი და­ნით. და­ვით ხან­დო­ლიშ­ვი­ლი მი­ი­მა­ლა და მისი და­კა­ვე­ბა შე­საძ­ლე­ბე­ლი იყო შე­სა­ბა­მი­სი მოქ­მე­დე­ბე­ბის შე­დე­გად. კა­ხეთ­ში იმა­ლე­ბო­და ერთ-ერთი პი­რის სახ­ლში, რო­მე­ლიც მისი ნაც­ნო­ბია", - გა­ნა­ცხა­და პრო­კუ­რორ­მა.