გასაოცარი რეკომენდაცია იყო ჩემთვის როგორც საკანონმდებლო ორგანოს წარმომადგენლისთვის როდესაც რამდენიმე არასამთავრობო ორგანიზაცია არჩეულ დეპუტატებზე და არჩეულ საკრებულოზე ამბობს, რომ ისინი უნდა წავიდნენ სახლში და ცენტრალური ხელისუფლება თურმე უნდა ჩავიდეს და მიხედოს იქ ადგილობრივ თვითმმართველობას, - ამის შესახებ პარლამენტის ვიცე-სპიკერმა არჩილ თალაკვაძემ განაცხადა.

„ჩვენ არ ვაპირებთ ლეგიტიმური ორგანოს დაშლას, მის გაუქმებას მითუმეტეს, საკრებულო გააგრძელებს კანონმდებლობის თანახმად საქმიანობას", - განაცხადა თალაკვაძემ.

„ახალგაზრდა იურისტთა ასოციაცია", „საერთაშორისო გამჭვირვალობა" და „სამართლიანი არჩევნები" სენაკის საკრებულოს წინააღმდეგ - მესამე სექტორის ნაწილი ამტკიცებს, რომ მუნიციპალიტეტის საკრებულოს საქმიანობა, რომელშიც უმრავლესობა „ქართულ ოცნებას" ჰყავს, უკანონოა.