კაცი, რომელმაც ორსულ ცოლზე ფიზიკურად იძალადა სასამართლომ გაამართლა, - ამის შესახებ ინფორმაციას "მოზაიკა" ავრცელებს.
გამოცემა წერს, რომ ხაშურში მამაკაცმა ორსულ მეუღლეზე ფიზიკურად იძალადა, თუმცა დაზარალებულმა უარი თქვა ქმრის წინააღმდეგ ჩვენების მიცემაზე.
"დაახლოებით18:30 საათზე ქალაქ ხაშურში მდებარე ბენზინგასამართ სადგურის ტერიტორიაზე, გ.გ-მ მასთან არარეგისტრირებულ ქორწინებაში მყოფი პირის, წინასწარი შეცნობით, ორსული ქალის მ.ტ-ს მიმართ განახორციელა ფიზიკური ძალადობა, კერძოდ ხელი გაარტყა სახის არეში. გ.გ -ს ძალადობრივი ქმედებების შედეგად დაზარალებულმა განიცადა ფიზიკური ტკივილი" , – წერია საქმის მასალებში
საქმე მოსამართლე ზაზა რამიშვილმა განიხილა. სასამართლოს გადაწყვეტილებით, გ.გ-ს მიმართ აღკვეთი ღონისძიება პატიმრობა გაუქმდა და ბრალდებული სასჯელის მოხდისგან გათავისუფლდა.